|
今早番晨更,得我,美君,O記同敏欣!!除美君,我o地同阿強去金牌食早餐!!阿強冇番晨更,但同我o地食早餐!!
cell約8點半o係彩虹地鐵站等!!儀仔想嚇我!!之後同佢講冷笑話!!
儀仔:「我想食一d熱辣辣o既野食,但搵o黎搵去都冇o既??」
我:「有呀!!食天空!!」
儀仔:「下...點解呀??」
我:「歌都有得唱啦...『熱辣辣的天空...』」 <--呢個冷笑話係咪令到你好凍呢??儀仔聽到都呆o左!!
人齊後搭小巴去順利做!!之前都做過,o個度得匯基(東九龍)同迦南書院兩間中學!!匯基一丁人都冇!!
迦南書院10前有好多人,佢o地要番結業禮,12點半先放!!10後水靜蛾飛,o係度傾計!!gini,
lina同O記11點幾走,我,儀仔同康就等到12點半先做!!12點半就做,但發覺唔係好掂,
所以結束呢邊o既街佈!!結束前撞到大夥團一個叫Jessica o既新人,佢同Flora好似樣!!原來佢讀呢間!!
許諾佢o地下畫去九龍塘繼續做街佈,我去join佢o地!!冇時間食飯!!去到百佳先買飽食,不過勁貴,
$7一個!!比錢時,見到有個好似阿瑤o既人o係我前面,唔肯定係佢,唔敢hi佢!!原來真係佢!!佢話比我嚇親!!
我o地上天橋做,之後行去火車站做!!點知有d人o係大陸o黎!!呆晒!!阿叮2點幾o黎到!!佢o地做到4點完!!
我同阿叮做到3點半走,阿叮番書院傾野,二家姐同我去旺角配眼鏡!!因為我太深近視,所以都冇咩款揀!!
驗眼後話我有d斜視,有差唔多900度近視,200度散光!!初初佢嫌副眼鏡架貴,不過都有折!!
最薄o個塊鏡片好貴,加埋都成3千多!!最後買o左呢副名牌眼鏡架同第二薄o既眼鏡片,同最薄o既比,
價錢都相差八百幾蚊!!最後2千幾蚊!!買完之後佢勁嗌心痛,肉痛!!拿拿聲叫我搵野做,還錢比佢!!
因為晏畫食o左個飽,所以o係佢舖頭嗌外賣,不過自己比錢!!食雲南米線,都幾貴!!食完我就番屋企了!!
番到屋企開部電腦後就即刻訓教!!因為超眼訓!!尋日夜訓早起!!今早晨更到夜晚8點到先番屋企!!
本來諗住訓到9點起身,最後訓到11點醒!!打比尋日街佈新人!!點知...之後同gini傾計!!
 | 
2008 年 7 月 11 日 星期五 
