|
今日傳完祈禱鏈就起身搵新人,又打俾應承話番o個d,點知...家恩,穎珊,錦秀都唔番 ~~
錦秀係家恩朋友,佢病o左,,家恩有人約,穎珊無啦啦...三隻飛機,無咩心機~咁快10點幾,
11:00am出門口,要早d番去擺低d啫喱,之後接新人,即刻睇下我尋日整o既啫喱,硬晒喇~
切粒粒,阿媽起身幫我手,佢尋日仲雪o左d冰,等我拎去佢陣唔會咁易溶,整完我出門口,遲到喇~
去到只能接o左新人,因為我約o左佢o地11:45am,o岩o岩好去到,我有個街佈新人之前應承o左番,
佢叫萱汶,好準時o黎到~~我就等曦文佢o地,等o左幾個字都未o黎,驚佢又好似上次咁,盪失路,
打俾佢佢竟然同我講佢o岩o岩先沖完涼,俾佢激死喇~~但佢話韞文就o黎緊,我就再約佢12:45pm,
等埋韞文,我就帶佢o地去新堂,去到新堂撞到Boey,佢同我講o岩o岩祺峰嘔 ~下~呆o左 ~~
好似好嚴重喎!上去40,諗住去到即刻有得食,點知玩遊戲,到要話食野,我要出去接新人,好肚餓,
我將d新人俾娜娜睇住,去到之後麗詩o黎o左,但佢細佬呢?俊傑佢有約,又多一隻..我冇野講~~
心兒o黎到話要番屋企食飯,我叫佢1:10pm一定要o黎到,曦文就...我叫聲波帶麗詩過去,
等等下,吉昌到o左,佢話曦文去o左書院,佢撞到大夥o既Tiffany,我就同d新人去新堂,
曦文亦o黎到,開始跳舞比賽喇~~有6隊參賽隊伍,咩多芒丸子,快歌跳慢舞,唔知跳咩,救命!!
啟華o個隊都跳得好好,但6a同最後o個隊勁正,可能因為多人又齊,最後都係佢o地o個兩隊拎冠亞,
完o左送新人走,番到去坐o左一陣,好肚餓,吉昌話有10分鐘,叫我去買,我話費是,
就上去睇第二場,有元朗隊同青衣隊,第二場有阿威同Ray Show time,點解第一場冇o架??
我都知點解~~如果第一場有更好囉~個阿威自己一個跳,跳Rian隻舞,唔係跟足,自創,
唉...冇野講~~壓軸有Ray,仲有一個女仔跳,Ray將個頭擺係地下度轉,六個字形容,型!勁!正!
冇得頂!!聽啟華講,原來個阿威冇練舞,咪搞成咁囉!!
而Ray係上年10月佈道會教我o地dancer跳舞o既人,亦係c ca o既跳舞老師!!之後有整家聚,
今次大將top1,大板牙top2,大夥top3,大豐top4,大勇top5,今次大勇好勁,有136人,
未有想過佢o地top5,加油呀~大勇~而Cell就能超越Cell目標,完晒後,我發覺好肚餓,
我成日都未食過野,但我就要落carpart點名,o個疊紙有74人,玉清o個名係new牙,
點o黎點去都係72,差1個,我已經順序點,但都係唔o岩,又叫惠君幫我讀名,都係唔o岩,點o左成個鐘,
月明話40有飯盒,我同啟華都話好肚餓,未食過野,佢幫我o地拎o左幾個飯盒落o黎俾我o地食,
好感動呀~~今日仲慘過要禁食~~最後惠君搵到,原來點漏o個個係惠君,惠君話個兇手原來係佢~
點完之後,我同佢o地一齊走!!!
 |
2006 年 8 月 26 日 星期六 
~~到我o地組玩,我玩第一關一掉落地,就得o左,第二關仲易,只係十幾秒我就到第三關,