| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
| 會考了!!第一科(第1日)...地理~~ |
|
幾日都冇打日記喇!!會考嘛!!溫書嘛!!成日都唔得閒!!會考開始了...
尋日好驚好緊張,今日個鐘一響就起o左身!!今日第一日考,唔知頭唔知路!!今日考第一科地理,好緊張!!
呢一日終於來臨!!呢一日等到好苦!!食唔食到壽司就睇今日!!今日去培敦考,搭小巴去!!以為係正門入,
原來係係另外一邊入,去到見到d同學,打招呼!!上去了!!吓...禮堂係5樓!!行死人!!佢個禮堂都好細喎!!
一開始個考官好多野講!!講規矩!!一份問題卷,一本答題簿,仲有一張地圖!!開始考喇!!有1題必答題,要睇地圖!!
之後5揀2!!做完1a都唔想睇張地圖!!張地圖睇到眼都花埋!!難到你!!做o左5揀2先!!都ok易做啦!!
都起碼有寫野先啦!!唔識都吹佢!!之後先做番第1題!!好難呀!!唔識睇!!地圖衰o左!!完了!!到Break喇!!
同o左同學去小食部買野食!!下...小食部係4樓咁搞笑!!地下係停車場!!上去考了!!考MC!!一開始又係睇地圖!!
煩死!!好在係街道圖!!我採取另一策略!!做完仲有幾分鐘!!呵!!MC都幾容易啦!!完o左去搵蛋蛋食飯!!
去KFC食!!見到賴b喎!!原來佢都係F.5,睇唔出!!之後番新堂溫書!!中文都唔知溫咩??有d人番o左o黎!!
又上o左6樓溫!!溫到7點幾走人!!同祺峰一齊行,佢送我走,佢又講o左好多野!!=3=
 |
| 刊登時間：2007-04-29 01:11 AM [ 訪客留言(1) ] [ 編輯日誌 ] [ 分享至FACEBOOK ] |
會考前1日...聽日考喇~~  |
|
今日11點番新堂!!點知番到去一個人都冇!!點算??冇自修室證,入唔到去!!好在蛋蛋都番緊o黎!!
唔係就唔知點算!!到o左1點,我同蛋蛋去牛車水食飯!!得我o地兩個撐枱腳!!撞見拉登!!走時又落雨,
兜上吉之島行,阿欣番o左o黎!!做60題MC,竟然合格!!阿瑤番o左o黎,原來同美君番o黎傾計!!到o左6點幾,
吉昌番o左o黎,佢o地導師助導查經!!佢剪o左頭髮,仲Gel到好型o添!!=.="余c同嘉怡之後落o左去搵佢助導!!
我溫到9點半,d幹事趕人走!!我同樂仔就落去搵佢o地!!導師助導查經查到9點半!!真耐!!之後就走了!!
本來同cindy一齊行,但之後同佢分手,行行下,又撞到大花同馬學良,同大花一齊搭車番屋企!!
|
| 刊登時間：2007-04-25 11:33 PM [ 訪客留言(0) ] [ 編輯日誌 ] [ 分享至FACEBOOK ] |
| 會考前2日~~ |
|
今早起身落紅雨!!我同蛋蛋正想番去之際,祺峰話停o左紅雨先番去!!1點停紅雨,我就出去!!番到去有祺峰,
阿榮,蛋蛋,妹妹...我o地本來o係圖書館溫,之後轉o左去背脊溫!!多o左樂仔,余c,陳超...問妹妹地理,
佢都唔識,因為佢用英文教,我用中文教!!唔識睇英文!!-0-最後打比阿sir!!當我想背野o既時候,
我就o係圖書館睇書o個個位度坐,做60題MC,o岩o左35題!!好野!!溫溫下,見到全珍,佢番o黎團導師助導開會!!
佢就同我傾o左幾個字,儀仔都落o黎廁所,叫佢o地開完會搵我一齊走!!除o左佢o地兩個,其他人就未到!!
溫到8點幾,send訊息比全珍問佢o地開完未,佢打o黎話唔知幾時開完,我唔等佢o地!!都諗住走前探佢o地班,
以為佢o地o係6樓,同樂仔一齊上去,原來唔o係,我同樂仔佢o地走o左!!
|
| 刊登時間：2007-04-24 10:53 PM [ 訪客留言(1) ] [ 編輯日誌 ] [ 分享至FACEBOOK ] |
| 會考前3日~~ |
|
今早約o左妹妹番新堂,想佢教我地理!!但12點先番到!!番到去,佢又要出去,3點先番!!得嘉怡o係度!!
原來肥潘同樂仔o係出面溫書!!祺峰考完o係吉之島買野比我o地食!!買到番o黎,我同嘉怡竟然交換o黎食!!
問祺峰o係邊度考,佢竟然答我:唔係去你間學校考!!=="廢話!!答非所問!!蛋蛋,余c,阿榮...都番o左o黎!!
今日勁溫地理,因為冇聽書呀,有好多好多都唔識,唯有背背背!!但...好難背!!只係背,但又唔理解...救命!!
除o左妹妹之外,都冇人識地理!!但妹妹又唔o係度,3點幾先番到!!嗚嗚...終於等到妹妹番,佢都幫到我少少!!
我要為XX奮戰,要考好d地理!!唔求高分,因為知道係冇可能,但求唔考得太差!!起碼唔會題題都唔識答!!
我溫到7點幾,8點,正想走時撞到惠婷,同佢一齊走!!
|
| 刊登時間：2007-04-23 11:38 PM [ 訪客留言(2) ] [ 編輯日誌 ] [ 分享至FACEBOOK ] |
被鼓勵...  |
|
今日遲o左起身,起o左幾分鐘惠君打o黎,個頭又超亂,電鬈真煩,o係車度Gel頭!!感謝神我趕到番去!!
我o地家hold崇拜,Ben Lung同羅Pat做主席,吉昌,美君同阿席彈結他,文仔同啟華打鼓,Sundy彈琴,叻叻,
朱小小同琼兒獻詩!!大板牙有好多聖樂人!!完o左本來要去溫書,但上個星期Panda話F.5肢體留低,有野搞!!
所以有得番團會!!約o左阿豪番團會!!首先係Jason(豬臣)講主日學,之後就係彈牙派為我o地F.5預備o既野!!
F.5坐中間,嘩...每cell一個!!New牙:祺峰(23/4-14/5)哨牙:我(26/4-9/5),Fire:嘉寶(25/4-10/5)!!
送文房四寶比我o地,收cell每個人所整o既嘴唇印,分享...好驚!!佢o地番o黎!!圍圈唱<同步過冬>,好好聽,
一齊祈禱!!多謝你o地o既心意!!吉昌唔見o左佢個朱唇...後補!!本來今日去食壽司慶祝我o地cell達到目標!!
但個個都唔得,下個星期先去...但下個星期會考喇!!吉昌唔比我去!!好唔開心!!我好鐘意食壽司!! 嗚嗚...
之後去天馬苑飲茶!!正...都未試過成cell飲茶!!Panda都有o黎!!但波波要傾野!!有9個人,食o左十幾籠野,
一碟飯同一碟粉!!好飽!!每人$30到!!食完番到書院,吉昌同嘉莉去開會!!我,gini一干人等走人!!
ps:多謝o既人:全珍o既餅餅...阿瑤o既嘴唇印...
ps:特別鳴謝:彈牙派各人員!!
|
| 刊登時間：2007-04-23 01:39 AM [ 訪客留言(2) ] [ 編輯日誌 ] [ 分享至FACEBOOK ] |
« | 54 | 55 | 56 | 57 | 58 | 59 | 60 | 61 | 62 | 63 | ... | 109 | »  |
2007 年 4 月 26 日 星期四 
