╓我來了,是要叫人得生命,並且得的更豐盛╖
 
M2160 : 個人主頁 - 相簿 - 訂閱  [ QOOZA - 論壇 - 登入 ]
M2160
暱稱： ♬MiCheLLe♬
性別： 女
國家： 香港
地區： 黃大仙區
«‹ July 2025 ›»
SMTWTFS
12345
6789101112
13141516171819
20212223242526
2728293031
•近況~~
•三板遊戲日...獻詩......
•中一新生註冊日(第二日...
•中一新生註冊日(第一日...
•整盾牌...番大堂祈禱會...
最近三個月尚無任何留言
我的連結
 
 
 
2007 年 1 月 6 日  星期六   晴天


賣旗... 傷心

今早本來校o左6點起身,但6:40am先起身~~死喇!!即打比吉昌同佢講會遲到,佢叫我盡快~~

我7:30am番到新堂~~嘩!!波波著到好似去o左北極咁~~終於出發去荃灣賣旗喇!!但...好眼訓~~

o係車度派旗袋,好快就到o左荃灣~~到o左荃灣,我o地就去眾安街o個邊度賣旗!!最多錢係$20~~

幾毫子都有~~我應該係賣得最少o個個o黎,佢o地賣o左好多~~完o左就去恆生銀行交旗袋~~

諗住去噤錢,點知張咭壞o左!!唉...噤唔到錢~~之後去o左一間零食店度,佢o地去買零食~~

之後等車o黎,等o左好耐,終於到喇~~之後我o地行去龍翔度食M記,皆因尋日見到人o地食M記,

又無啦啦聞到好香,就好想食喇~~嘉莉要R團契,無去到~~但要吉昌幫我比住錢先~~

聽日都無錢食飯呀!!嗌完我就拎去枱度,點知...我整跌o左杯可樂!!吉昌佢幫手拎過杯,sorry呀~~

我真係"論盡"呀~~食到2點幾就番去~~番到書院喇~~個樣都係咁吽~~真係好攰同好眼訓~~

尋日練完跑,今日對腳同d肋骨好痛呀~~攰到嘔呀!!但一番到書院,就見到一個人,o個個人竟然係...

嘉亮!!佢同我hi,我就同番佢hi~~但...點解佢會o係永光書院出現,當我問佢點解會o係度o既時候,

佢好驚,聽完呢個問題即刻走,跑o左上樓上~~激死我喇!!點解佢會o係度出現o架??

佢有自己o既教會番o個喎!!唔係番佢自己o個間教會咩??佢跟邊個番o黎o架??佢一係番恩典,

一係番仰望o既隔離團!!唉...呢d問題o係我o既腦海出現o左!!真係"唔見就尤似可,見到就把幾火",

算吧!!火都冇用~~之後就上去團契,嘉莉hold團契!!一個人演多個角色,佢演得都幾搞笑o丫~~

佢唱歌o個度就睇"貓手",張d歌詞寫o係手背度~~完o左團契就開cell,惠君hold cell~~

我o個樣仲係吽下吽下~~但到玩遊戲,就精神起o黎~~波波第一次同我o地開cell~~

第一個遊戲玩到d報紙爛晒!!我同嘉健行仲搞笑~~其實我想有次序咁行,但嘉健好似唔知我講咩,

我話行就行~~唔知想點!!但都贏o左!!第二個遊戲我以為係互掉,點知估錯!!輸o左~~

總結時要做劇,我就做保羅,玉清做耶穌,芬芬做o個個唔知咩人(唔記得o左個名)~~

吉昌同斯利做基督徒~~哈哈~~好搞笑呀~~完o左就點名,哨牙:14人!!之後嘉莉落到o黎,

因為佢1月1日生日,所以送o左份大禮比佢~~之後就一齊走!!去到地鐵站同佢o地分手,

而嘉莉話送我去搭車,係第一次喎~~我o地去創藝坊買野食,嘉莉知我無錢,就請我食魚蛋同燒賣~~

好感動呀~~多謝嘉莉~~佢送到我去車站,我o地就分手了~~

ps:天氣越o黎越凍,大家記住著多件33呀!!<---凍死人喇!!

    新人快d買喇!!<---團3呀!!

    腳痛,骨痛,腰痛...<---周身都痛!!

  *今年係約3:00pm番到書院~~團契-->開cell~~唔好記錯呀!!

    3:30-4:30pm:第一場團契:大板牙,大將,大三同大陣仗

    4:40-5:40pm:第二場團契:大姆指,大夥,大力同大豐

                                  

刊登時間：2007-01-06 11:34 PM  [ 訪客留言(2) ] [ 編輯日誌 ] [ 分享至FACEBOOK ]


2007 年 1 月 5 日  星期五   晴天


夜晚練跑~~ 驚訝

起o左身之後,打比吉昌叫佢起身番晨更,佢話起o左喇~~我都差d遲到呀~~吉昌仲遲過我~~

完o左獨個兒番學~~好凍呀!!番學都無咩特別~~但...阿sir話下個星期二,三又話要測驗,

連續兩日呀!!有冇搞錯呀??仲咁多o添~~真係想打人呀~~因為運動會我要跑班際,

d同學約我7點o係斧山運動場去練跑~~放o左學,我就番o左屋企,到o左6點幾就出去~~

我就好準時7點去到~~但...人呢??一個人都冇,只係得5B d人~~點知...半個鐘之後,

先有個人o黎到,最後係8:10先o黎齊~~佢o地都好過份啫!!要著短褲跑,好凍呀~~凍死我喇~~

凍到雞皮都起埋~~終於到齊晒~~冇棒喎!!點算呀??佢o地都好醒目喎~~搵o個d唔知咩盒,

將佢捲埋一舊,就用定強o個對腳帶綁住!!搞掂!!落去跑喇~~點知一落到去,

突然間有個人係我後面同我講野~~佢同我講:Michelle!!加油呀!!我擰轉面,原來係Panda~~

我見到佢有d愕然~~佢跑緊步喎!!仲有莫君翹同夏家朗呀!!佢就跑走o左~~我就去做熱身,

只係做o左一陣!!我o地就去度位接力,都唔記得跑o左幾多次,n次咁多啦~~

之後Panda佢o地應該走o左~~跑到好攰呀~~死喇!!對腳好痛呀~~希望聽日唔好痛啦~~

練到9點幾,我o地就分頭走了~~趕番屋企睇<賭場風雲>大結局~~

                                  

刊登時間：2007-01-06 01:05 AM  [ 訪客留言(1) ] [ 編輯日誌 ] [ 分享至FACEBOOK ]


2007 年 1 月 4 日  星期四   晴天


我o地玩晒~~ 滿足

呢幾日F.1-F.4,F.6考試,所以我o地F.5,F.7好free~~

因為就o黎運動會,我有份跑班際,所以今日放o左學後,留o左o係學校一陣練跑~~

秋霞話我跑得好快~~其實我唔係跑得好快,只係相比起佢係快o左,但如果同慧慧跑,係唔會夠佢快!!

晶晶尋日同我講:我1月31日生日~~你識做啦~~唔係呀??一定要咩??唔識做呀!!就o黎破產~~

                                  

刊登時間：2007-01-04 10:06 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 1 月 2 日  星期二   晴天


番學喇~~ 開心

今日要番學喇~~尋日咁夜訓,今日要當值,所以6點幾起身~~但唔知點解今日好精神~~

今日開始番學,聽日係F.1-F.4,F.6 o既考試,只係我o地o個隊要當值,有d玩野~~

今早o個更當樓梯(前),企o係樓梯旁度成碌木咁,但亦因為當樓梯,所以心情都幾靚~~

點解??d同學一定要行樓梯番上課室,我班有d同學行過都同我講聲早晨同新年快樂~~

令我都好開心~~有個朋友行過,話我企係度好寂寞咁!!我話一d都唔寂寞~~心情靚靚~~

lunch o既時候,2B d人好玩唔玩,竟然將d髮蠟整o係個開門掣度,我"來"(國語)到野!!有d無奈!!

心情靚,無嬲到~~放o左學prefect開會,講運動會d野,點知prefect要跑8x50,吓!!8x50咁少~~

4x100就ok~~出兩隊,比人撬o左去跑~~無奈=="咁o岩運動會o個兩日係星期二,三,

第二隊同第三隊要當多d,可以比我o地各隊自己揀當邊度~~開完會就走人~~

                                  

刊登時間：2007-01-02 09:30 PM  [ 訪客留言(1) ] [ 編輯日誌 ] [ 分享至FACEBOOK ]


2007 年 1 月 1 日  星期一   晴天


2007的誕生~~ 愉快

2007來臨了~~今日係...嘉莉生日快樂!!

今日1點幾起身,尋日咁夜訓,都唔算遲起身o既~~聽日要番學呀~~最後一日休息~~

今日睇叱吒睇到2點,睇完就訓~~

以下係新架構講解:(大約)

家o既 九團-->八團:大板牙  大將  大夥  大豐  大三  大力  大陣仗  大姆指(大勇同大碼合團)

大板牙新架構:4 cell-->3 cell:哨牙   New牙   Fire(鋼牙同牙刷合cell)

事奉新架構:鎮長(無o左)-->校福長   有組長等等

家規改動:12:00pm後唔可以玩msn   星期六7:00pm前要走   星期日6:00前要走

以下係團o既人物調動:

大板牙導師助導調動:(家)Stella-->大板牙  麗霞-->大板牙  Natalie-->大三(離開)

                           Ken少-->New牙  波波-->哨牙  席-->Fire

升團:Fire--楊菁同阿泰  離開:New牙--志豐

以上新架構同人物調動大約都係咁多喇~~

                                  

刊登時間：2007-01-02 08:36 PM  [ 訪客留言(0) ] [ 編輯日誌 ] [ 分享至FACEBOOK ]


« | 77 | 78 | 79 | 80 | 81 | 82 | 83 | 84 | 85 | 86 | ... | 109 | »