|
我興奮到個鐘未響就醒o左,因為今日係學校o既秋季旅行,我o地中五同中四去海洋公園~~
但個天落微微雨,我o係出門前祈禱~~o係課室等車o黎...車o黎喇~出發喇~~去到海洋公園喇~~
真係超多人囉~~起碼有成三間學校去囉~~落o左車之後影班相,影完就可以拎"非"入去,
雖然之前分o左組,但我o地都係分散玩,我就同o左嘉亮,水怪佢o地一齊玩,但佢o地班分車坐,
要等埋佢o地班同班主任先可以入去,等o左頗耐,佢o地班d人終於到喇~~好野~~可以入得去喇~~
但...入到去都唔係好好,因為好多人排隊搭纜車,排o左成個幾鐘先搭到纜車,嘉亮話我o地蠢o左,
因為可以搭電梯上山頂,佢話一早講o左,但冇人聽佢講,搭電梯係快好多~~但o個陣差唔多排到,
講都冇用~~我o地分兩架纜車坐,嘉亮o係架車度同另外o個架車o既水怪講野,係咁大嗌,超傻仔~~
o黎到山頂喇~~第一站係玩海盜船,我o地坐o左o係邊位o既第三行,雖然玩過,但都好驚呀~~
之後我o地去排過山車,但我o地班話1pm要點名,我就行o左去搵阿sir點名,佢去到唔知邊度,
打比佢o地又話點o左,真係激死人!!番番過山車o個度,佢o地就排到好入,我又唔可以行番入去排,
只好等佢o地,睇佢o地玩~~點知佢o地玩完之後,就停玩,因為落雨呀~~我今日無帶遮,佢o地遮我!!
我o地去食m記,嗚~~海洋公園o既m記好......貴......呀~~冇餐嗌,得散嗌,一個包$14,
如果如似一個餐咁嗌,一個包,可樂同中薯條,三十幾蚊囉...唔該~~買完之後想搵個位坐都冇!!
唯有o係miss,阿sir坐緊o個張枱隔離企o係度食,水怪佢o地食完,走去睇鯊魚館,得番我同嘉亮兩個,
我同佢食完之後,就同佢去o左鯊魚館搵水怪佢o地兼睇鯊魚,但都唔見佢o地,之後我o地去海洋館,
海洋館d魚睇極都睇唔厭~~睇完就番去集隊,原本4pm集隊,因天雨關係,改3:30o係集古村集合,
我o地就同miss,阿sir一齊搭電梯落去集古村,d雨越落越大,就算有遮都冇用,嘉亮讓o左把遮俾我,
佢自己淋雨,我想遮佢又唔俾我遮,佢自己跑去集古村,終於落到集古村喇~~場面非常壯觀,
集古村多人到嘔~~我o地班d人到齊後,我o地班有d人走去搵番o岩車牌o既車上車!!
我o地搵到喇~~上晒車就番歸喇~~番到去我俾番把遮嘉亮,之後同佢o地一齊走~~
 |
2006 年 11 月 24 日 星期五 
