今日要去舞蹈組，同細佬去咗圖書館之後就上去禮堂練功。

本來我想退舞蹈組ga啦！！！

今日練果陣時都ok啦！！！

算啦，參加住先啦！！

今日係又一城步行以及食野果陣，同Viko一齊大戰一位[武林高手]?Wyatt。

兩個打一個邊有得打呀~~

我一逼二逼，區更係三上吊啦！！

仲有今日我地搬調左位，我竟然原封不動，不過，尼個位都幾好既！！

尋日去咗九龍灣做拉拉隊表演，依家連D功課都未做完。

不過尋日都幾好玩既！我地臨去時既表現唔係幾好，但係一到表演果陣時，就唔同曬啦！

周爸爸同老馮仲讚我地添！

當然仲有D“超靚”既紀念品添！！！！（相信各位都明咩意思啦！）

點講都好啦！尼次活動都算幾有意義既！！！！

今日放咗學之後，就去咗室内場度練啦啦隊原來四點半就出發ga啦，點知搞到成五點先去喔，去到已經五點半。

一開始係學校果陣時跳得幾差啊，簡直不知所謂，連周爸爸同馮sir都擔心我地會出醜添！

點知去到果度，情況就唔同咗喔！明顯好好多，兩位“最高領導人”——周周同馮sir都安心D。

開心還開心，我最尾都好慘啊！~~~

成六點三先係九龍灣走，返到HTMS都已經六點半，我驚太遲就打俾Daddy，點知區唔係H.K喔！唉，死梗啦，實比Mummy閙死啦！

果然不出我所料，返到屋企俾人“省”咗一餐，唔使吃飯都已經飽咗啦！！！！！

最變態就係馮sir叫我參加體操隊喔，話我參加舞蹈組有功底，我嗌曬無奈咯，我只不過幼稚園跳過舞札，更何況體操甘得人驚，送俾我參加都唔要啦！

於是周爸爸口多多插把聲過來，話我好有責任感喔，我於是就望住區，話：“周sir,唔好出甘多聲喔……

救命啊！！！！超後悔啊！！！

早知係甘我就五參加果個死人啦啦隊啦！

D人又唔合作喔，攪到我同Viko、甜甜好似做丑人甘，而周爸爸就係好人,話我地成日閙區地！！！如果你地做好D，你估我好想曬自己D口水咩！

最激氣就係被條友串我，話我討論動作果陣時唔出聲喔！正變態！！！我出聲你有接納我意見咩！都傻傻地，以爲自己大曬，“識小小，扮代表”。

到我地班D人表演一次俾體操班D人睇果陣時，區就擰曬頭。你估你D動作最好睇咩，lan巴閉！！！！！！

我地聼周爸爸講野過陣時，區就係度傾電話，仲當住周爸爸面添，超串啊！！！！！

去死啦~~~~~~~~~~~

今日上體育堂果陣時，阿sir話有邊個星期六朝早唔得閑，於是我就因補習企埋咗一邊。

之後阿sir就同我講：“你好重要喔！”我就好疑惑，“究竟係咩事啊，不過都唔會有好野啦……”

點知原來係星期六又去表演啦啦隊。^.^=====O

於是我就同阿sir講：“阿sir,我參加啊！！！”（期待住周爸爸的回頭）

周爸爸聼到之後，得意甘笑咗一笑，“好呀！我幫你補習請假啊！”

嘻嘻………………又有得去玩

運動會今日終于完咗啦！

雖然尼幾日辛苦咗D，但係換來咗[全場總冠軍]尼個獎，我地既辛苦總算無白費到。

之後我地全班同學仲影咗相留念添！真係好開心啊！！！！

不過啦啦隊就摞唔到獎呀！希望下次再接再厲啦！

運動會既過程我真係好開心，雖然成日要參加比賽，但我都感覺到果種與衆不同既氣氛！

係以後既任何活動中，二丙班一定要加油啊！

“二丙精神，威力過人！！！！！！！！！！”

今日睇咗“一公升的眼淚”，真係超好睇啊！仲好感動添~真人真事ga~

見到女主角真係好慘啊！有興趣就睇下啦！

http://www.youtube.com/results?search_type=search_videos&;search_query=%E4%B8%80%E5%85%AC%E5%8D%87%E7%9A%84%E7%9C%BC%E6%B7%9A&search_sort=&search_category=0&page=4

今日我入内聯睇啦啦隊D video，上去睇下點知成個中二淨係得乙班set咗落去！

關sir好偏心啊！！！！

Viko、Yanny,你地無事啊嘛？

救命啊！！！好辛苦啊~

今朝早一起身就腰酸背疼，好似老人家D風濕甘，四肢同腹部超疼，笑都唔敢笑，一笑就疼啦！

下午同潁甜去咗MK買鞋，行到死死下，差唔多返到果陣時，簡直覺得成只腳唔係我既甘

不過都買到鞋，無白費心機~~~~~~

仲有本來約咗Viko去買鞋ga,點知區話唔舒服wor,唔緊要啦，身體要緊啊！！！

今日運動會都ok啦！無項目包尾。

不過，最慘就係啦啦隊。D人真係好唔團結呀！

叫區地叫口號都敷衍了事，攪到我同鄭穎甜、小燕、遠怡、Christine把聲都沙曬！

唉……其實點解會甘噶？我一直都唔覺得會甘。

不過我知道各位同學都係評分的時候好努力！！！

我知我地實摞唔到冠軍噶啦，希望可以摞到其他獎項啦！