周sir話想有D聖誕氣氛，所以今日我地一班幹事放左學之後，就留左係班度佈置班房。

上面有我地二丙班所有同學既願望，知五知邊張願望紙係我ga,就係上面如箭頭所示啦！！！仲有我右邊過張就係VIKO既！！！！

嘻嘻~ ~ ~

大家如果想睇下，聼日就親臨二丙班房參觀啦！！~ ~ ~

今日好慘啊！連英文writing composition都唔記得左，跟住就係小息果陣問人借啦！好彩最終都借到，多謝周家豪啊！Thanks!

最慘就係係禮堂度開完班會之後，又要係班度開檢討大會~

全班人都比周爸爸閙，今日周爸爸好火啊！我都未見過區甘怒~

不過我地班真係鬆散左，我地好多幹事都做錯野，包括我自己啦~ ~

尋晚臨訓之前真係好唔開心啊！

Mummy話我成日苦埋口面，笑都唔笑，又話：讀書又唔係辛苦，都唔明你做乜？

其實我唔開心果D野，你地做父母既會知咩，有時你地仲覺得自己岩曬，而我地就要聼曬你地話，甘人權係邊度啊~

依家想係學校多過屋企啊~係學校有班friend陪，而係屋企，淨係對住細佬妹，區地大曬，有時仲要比阿妹喝我添！！好唔憤氣啊！！！！

衣家乜都好似變曬甘，我對自己越來越無信心啦。

有好多野我都唔知點樣去處理，反而會越做越差，後果~唉~~

雨後唔會再晴朗，只會覺得煩悶~

點算？應該點算？？？

我覺得所有野都唔係自己掌握之中，究竟係我太好勝，定係~ ~ ~好難去判斷~

救命啊!!!!!!我以後都唔會行埋D甘既死人山啊！！！！

好多人都係因為可以睇流星雨同日出先會報名去，點知去到因天氣關係，乜都無睇到！！

仲行到死死下！！啊！！！只腳簡直唔係自己既甘。尼次行咗幾十公里，我甘大個女都未試過行甘多路啊！！！最激氣就係乜收穫都無，得個行字。

晚黑又悶喔！又眼訓，又訓得唔舒服！淩晨三點果陣，同VICKY、CHERRY、心心係海邊傾野，又聼歌。

我地落到山準備搭巴士走時，我同FANNY係路邊訓左20分鐘，之後我突然閒起身，先知道全部人已經落曬來，巴士都來咗。

我同VIKO係彩虹落咗車，就搭地鐵去又一城，去到九龍塘地鐵站，我地就決定咗番屋企，唔去M記。

唉，好慘啊！仲有大把功課要做，訓都唔敢訓。

死啦！D成績越來越差，點算啊？？？？

由下星期開始我一定要更加努力！！！！！！add oil~ ~ ~ ~ ~

唔可以繼續甘落去，一定要趕番上去啊！！！

今日好慘啊！比miss 捉到我比功課人地抄！

仲話會講比鍾sir同周sir聼，要處分添！

死啦！今次唔單止無咗鍾sir準備比我既果張讚賞紙，仲名譽大喪啊！！！！

放學果陣我去問周sir借umbella,我同區講咗成件事，區話：唉，你係幹事來ga，尼次當係經驗，下次唔好啦！！

番到屋企，仲比阿媽話我做人唔好甘老實，人地叫你摞來抄就比區，以後唔好甘蠢啊！！！

唉，尼次睇來要比人警告啦！！

今日好tired啊！

朝早補完習就要番體操，雖然tired,但係幾好玩既，我決定入啦！！

VIKO你點啊？？？？？入唔入啊？？？？？

今日聯校運動會，超悶啊~ ~ ~ ~

而且我地正校雖然唔洗包尾，但同將軍澳比……唉，相差簡直……

成日坐係看臺上面，悶到死，比周sir叫我做保管箱，幫人保管財物。

最精彩就係閉幕式，仲ok好睇啦！

今日超激氣啊！！！

關sir提問我隔離果個，我提示區，跟住區就叫我唔好提示區，我就唔講野咯。點知過咗一陣，就走咗過來我座位，叫全班同學望住我跟住打我個頭一下，仲話：=關sir想知道D同學既水平?又話你好叻咩？=我話唔係啊。區又話=做咩擰頭啊，你係好叻啊。

我即刻O曬嘴=0=

之後派挑戰題練習，區問我有未，我話有，區又叫我做兩張，我同區講笑話：我做咗一張，然後影印一張米兩張Lo.跟住區瞅住我，幾變態啊?

我讀咗書甘耐，第一次俾老師打個頭咋！！！！！！

放咗學之後，我同CECI去咗旺角買野，行咗兩個鍾，就番屋企啦！