ここは-マサキの(放置用)空間

MASAKIli : 個人主頁 - 相簿 - 訂閱 [ QOOZA - 論壇 - 登入 ]

MASAKIli

暱稱： MASAKI
性別：男
國家：香港
地區：屯門區

MORE...

最近沒有訪客

日誌統計

文章總數： 146

留言總數： 121

今日人氣： 3

累積人氣： 5639

2009 年 3 月 25 日星期三

金禾洞窟4/F (翻譯:金禾機鋪第4日)	分類: 未分類
5點幾收到電話叫我聽日10點半出MK見工然後勇者打黎.話佢去緊金禾.同時得知盜賊又自己晨早出左去我點可以比你地自己升LV!? 結果我又出黎衝業績鳥.....唉..明明都就快冇錢= = ------------------------------------------------------------------- 狀態一般.打多左兩首S 再次見識到勇者既特殊能力.FULL COMBO拎A 就好似使出一連串華麗既劍技.但係又殺唔死隻怪既感覺(?) 玩左兩鋪.就去食飯 -------------------------------------------------------------------- 由於勇者終於都頂唔順勇者魚蛋粉麵餐廳所以決定去吉野家食蟹魚三文子飯X3(無誤) 食飯果陣.盜賊一直用密頻(?)同祭司傾計可惜因為祭司補緊課補完課坐緊車訓著左溫緊書電話冇電趕飛機搭飛機時差問題阿根廷c朗拿度psp劉備曹操evans南華日之泉(ry... 等等既種種問題.所以佢一直都冇回覆(?) 同時勇者亦一直同某粉用密頻(?) 嗯..冇電(笑好彩我唔識密頻 ---------------------------------------------------------------- 番番去金禾洞窟 YAN出沒.連機玩左陣..然後佢唔見左電話(好似係) 應該話..佢直程係無視左個電話........ 然後有一場勇者同盜賊比KITTT既技術吸引左視線.開始無視我我就即刻多兩首S 嗯.我果然唔適合組隊孤高既法師始終都係要單練.咁先配合番我高傲冷漠既形象(?) -------------------------------------------------------------------------------------- AR!!!!!!!!!!!!!!!!!!!!!!!!!!!!!!!!!!!!!!!!!又唔記得買朱古力奶茶AR!!!!!!!!!!!!!!!!!!!!!!!!!!!!!!!!!!!!!!!!! 坐尾班車番TM.番到去.同家姐講開我聽日要去見工然後係訓話TIME................. 我後悔鳥..聽完佢講之後..我即刻唔想去見= = 但係都約左.唔去又好似唔知點咁.....點好算RIP (P‧S 但我打完呢篇日記既時間已經係早上7點.成晚冇訓.睇黎都冇乜可能去到見工)
發表時間：2009-03-25 07:04 AM [ 訪客留言(0) ] [ 編輯日誌 ] [ 分享至FACEBOOK ]

2009 年 3 月 22 日星期日

食左屎既法師	分類: 未分類
今日又組隊去金禾多左祭司(?) 表現不值一提.簡直係入5蚊入去比人恥笑既程度(?) -------------------------------------------------------------------- 例行.勇者魚蛋粉多左個人.好迫勇者係咁出技攻擊我戰鬥實況:(?) 勇者使用菠蘿朱古力對法師造成10傷害! 勇者使用菠蘿忌廉湯對法師造成15傷害! 法師反擊.法師使用生菜利賓納對勇者造成0傷害! 法師敗陣! 原來祭司心地好好一直整柒自己黎安慰今日柒到貼地既我食完番金禾 ------------------------------------------------------------------- ar!!!!!!!!!!!!!!!!!!我又唔記得去買朱古力奶茶!!!!!!!!!!!!!!!!!!!!!!! 又柒左啦!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
發表時間：2009-03-23 02:19 AM [ 訪客留言(0) ] [ 編輯日誌 ] [ 分享至FACEBOOK ]

2009 年 3 月 19 日星期四

SINGLE PERSON PLAY	分類: 未分類
今日自己一個出左去金禾練功(?) 嗯..非常好..perfect sky同埋blue bird都s鳥之後就係咁清黃色終於夠30首. 升b2啦!!!!!!! 諗住努力儲分升b1 點知發現神早已經夠分.. 入多次錢是但玩3首就升升b1啦!!!!!!!!! 諗住努力儲分升a4 點知發現(ry .................... 升a4啦!!!!!!!!!!!(被打 bass2bass取得 ------------------------------------------------------- 去左m記食.蜜糖味shake shake 薯條發現疑似勇者物>>>shake shake雞(?) 我冇試.我肴底= = ------------------------------------------------------- 番番去金禾.先發現出左新果隻gvg 白卡碧尼啊!!!!哈曼啊!!!!!!!好型啊!!!!!! (?) 超多人玩緊..已經比人包左機..想試都冇得試之後玩到10點半左右走落左樓下comebuy試左杯珍珠奶茶好普通..冇乜特別都係朱古力奶茶好味d 不過可能因為就收鋪.夜晚中杯同大杯同價都係12蚊.結果迫住買大杯= = 飲完好x飽
發表時間：2009-03-20 12:53 AM [ 訪客留言(0) ] [ 編輯日誌 ] [ 分享至FACEBOOK ]

2009 年 3 月 16 日星期一

jubeat討伐	分類: 未分類
連續兩日出去打機訓醒都已經1點.有d大獲.即刻打比苦戰中既盜賊.話佢聽我就快黎支援(?) 結果我以極速準備好一切..出到去荃灣 ~~真係好快~~ 嗯..3點前到已經算好好.之後勇者都加入盜賊已經升到a了.仲取得念願既bass2bass 幾好玩~ 結果玩左兩場..就比一堆上位職業霸住d機唯有去吉野家補給行去果時談論到盜賊今朝自己去葵芳組隊(?)果個祭司(?!) 原來唔係好得意果個.我比勇者騙了.勇者是on9的 -------------------------------------------------------------------- 媽.點解吉野家都有勇者物.................味覺破壞蘆薈雪梨蜜(特甜) (味覺exp+200) -------------------------------------------------------------------- 番番去金禾班上位職業仲未走.仲4部連機企左一陣.我頂唔順要跟機.結果晒左2蚊都未跟到勇者同盜賊就係唔洗跟既情況之下自己玩..仲可以同佢地連我不能接受!!! 雖然之後我都有得玩4部連然後一直努力挑戰.始終都未過到a perfect sky同埋blue bird 但都有兩首s進帳~ 然後6點左右.勇者要番屋企.盜賊亦因為冇晒錢而需要撤退送左佢地去坐車之後我發現我仲有25個1蚊我決定自己一個再戰 ----------------------------------------------------------------- 嗯..非常好冇左勇者同盜賊(特別係勇者)兩條hihi騷擾我我即刻打多左4首s ----------------------------------------------------------------- 我個耳筒用左唔夠2個月.因勇者鐘意鮏佢黎練str. 又以為成功囱斷左佢會好有型結果今日終於報銷了.勇者是on9的 ~~吊你老母又囱!?~~ 又要我去買過.又冇90蚊 18鋪機啊!!!!!!!!!!!!!!!!!!!!!!!!!! 勇者是on9的 -------------------------------------------------------------- P‧S:結果我都係執唔番跟機果時好豪咁跌左果1蚊
發表時間：2009-03-16 10:25 PM [ 訪客留言(0) ] [ 編輯日誌 ] [ 分享至FACEBOOK ]

2009 年 3 月 15 日星期日

我更新鳥	分類: 未分類
今日..訓到3點半左右(好似係) 起身msn..4點幾果陣勇者話盜賊放左工但我半粒鐘之後先見到然後就沖涼啦..我已經沖得好快架啦出到去金禾..6點(盜賊同勇者話係7點.我唔信) 6點就6點..比盡6點半照舊.打到8點去食飯去到"勇者魚蛋河茶餐廳"一坐低勇者就拎部psp出黎我正想問盜賊idolmaster玩成點果時.................. 盜賊:『啊!仆街!我個袋啊!!』然後盜賊奔足狂奔.飛身閃過好多人.直衝金禾嗯.果然係賊.agi好高(所以耐力好低.跑到上去都死咁濟) 我身為法師..理應跑得比勇者更慢先係但勇者一開波就柒左.撞親跑到一半.我等埋勇者先一齊上金禾上到去..發現唔見左個袋.原來盜賊已經奪回嗯.果然係賊.agi好高(所以耐力ry) 番番去save point(?)終於可以食飯 --------------------------------------------------------------------------- 媽..我錯鳥...茶先係最好飲既飲品 (味覺exp+500) -------------------------------------------------------------------------- 番金禾玩到12點幾.落去買酒飲..結果兜左成個圈番黎先發現想搵既野就係旁邊間7仔真是頂著肺然後.盜賊猜輸左..被迫自己買兩支『地硬>>開唔到樽學說』其實只係大家都唔夠str 番上金禾...盜賊玩左場火車軌.....明明係佢自己禁入去玩的.關老夫咩事最後我都被迫屈服係佢既淫威之下..還左1蚊比佢然後佢又玩左兩場飛機大炮地主(?) 之後盜賊kai左.MDEF太低了玩左一場就番屋企了今日S級進帳2首(15/30) 仲有15首...好漫長
發表時間：2009-03-16 02:38 AM [ 訪客留言(0) ] [ 編輯日誌 ] [ 分享至FACEBOOK ]

2009 年 1 月 12 日星期一

下學期開始	分類: 未分類
今日開始下學期 d堂唔同左 e+逢星期一都要成日對住部電腦 8點半對住部腦到5點半..然後番屋企又對住部腦= = 搞到近視既話咁點算好.好不安/.\ 早兩日想話挑戰世界記錄最長不睡眠時間我捱到35粒鐘果時比我家姐吊左去訓= = 我仲捱到的之後睇番世界記錄係266小時.差唔多冇訓11日我放棄鳥
發表時間：2009-01-12 07:31 PM [ 訪客留言(0) ] [ 編輯日誌 ] [ 分享至FACEBOOK ]

2009 年 1 月 5 日星期一

開學	分類: 未分類
因為琴晚3點幾都仲玩緊LEFT 4 DEAD 仲要玩完去訓又訓唔著..成晚眼光光到6點先訓得著結果我8點先起身.啊哈哈(?) 第一日開學就遲兩粒鐘到番到去.D同學照舊係一人一部PSP/NDS 就算開始教新野..都係冇人聽見到咁既情況..我真係好嬲.好憤慨我為佢地既前途同埋學習態度悲嘆同時鮏出自己部PSP同佢地挑機 ~~玩左半粒鐘~~ 聽左半粒鐘書之後就出得去食飯去附近間利華茶餐廳食唔好味既.結果食左兩啖都係挑機.啊哈哈(?) 番到去又係我最唔鐘意既電腦圖像修描堂聽左一陣就訓低鳥.當時係下午2點半到我訓醒果時..已經係3點50分然後阿SIR話今日放早一粒鐘...即係4點半就走得我用左N年既藍色耳筒終於有一邊虧左放學去電器鋪想話買番個結果行左3間.豐澤.中原.百老匯全部都冇埋有得掛頸既耳筒除左豐澤有一個(HK$1950) 仲貴過我部機iMOM 真是頂著肺
發表時間：2009-01-05 06:35 PM [ 訪客留言(0) ] [ 編輯日誌 ] [ 分享至FACEBOOK ]

2009 年 1 月 3 日星期六

一年更新!!!!!!!!!	分類: 未分類
屎忽痕想打番blog 睇番原來我成年冇更新 \e+每日都死係屋企頹廢mode全開/ 等5號開學 ---------------------------------------------------------- 我都想冇人愁啊~~~~
發表時間：2009-01-03 06:15 AM [ 訪客留言(1) ] [ 編輯日誌 ] [ 分享至FACEBOOK ]

2008 年 3 月 14 日星期五

脊髓側彎	分類: 未分類
早兩日...我阿媽同我去左西環果頭覆診.睇我條腰去到又要照x光幫我照x光果條友好撚高- -起碼190 都唔知係咪幫人照x光食輻射食得多= =生到咁撚高要除淨底衫褲換件防輻射衣先照得換完之後好似著左連身裙咁= =好柒換好出黎.....門口突然間有條護士門都唔敲就爆門走入黎 fuck!!!!!!!!!!!!外面成村人排緊隊等照x光! 吊咁我咪比人睇到晒我呢一身柒到冇朋友既裝扮!? 好彩我匿得快= =蝕左少少比外面d人姐勁想打柒個護士照完之後番去外面大堂坐..等見醫生 --------------------------------------------3小時後----------------------------------------- 我:見得....醫生未啊....好悶啊.......(頹媽:唔知啊.......好肚餓啊......(頹我:係問要同櫃檯果邊講聲先見到架? 媽:岩岩好高果個話叫我地黎等咋..應該唔駛掛.... 護士:請問兩位係咪第一次黎呢度睇症架? 我:係啊!見得醫生啦!? 護士:唔係..我見你地坐左咁耐..........咦!?點解你仲鮏住張籌既!? 護士:哎呀!你唔放張籌去果邊個盒度見唔到醫生架! 我&媽:..................................... 之後我同我媽打架= = ----------------------------------------5min後------------------------------------------ 終於見到醫生.. 一入到醫生房我就望到佢部腦個mon 上面有張x光片..寫住41.7度醫生:唔駛望啦= =係41.7度啊我:我記得我上年睇果時好似冇咁多架? 醫生:係啊= =你上年29度之嘛 orz......................................................................... 醫生:你條腰惡化既速度都好快..不過有樣好既就係你d骨骼睇黎應該生定晒..應該唔會在歪落去架啦醫生:你呢兩年都冇乜點高係咪?即係話你生定架啦~唔好擔心我:即係話我冇得再高!? 醫生:應該就難d啦再次orz........................................... 我e+先得168..如果條腰冇歪到我諗我170架啦= = 醫生:我同你約番做個磁力共震睇下醫生:因為你條脊髓可能會比你條骨壓到.如果真係咁既話就要搵腦外科既醫生黎同你做手術架啦唔係掛= =......嚇鬼咩... 之後佢同我檢查我成身d神經反應有冇問題又敲我菠蘿蓋又"唧"我= = 搞左一輪之後佢話我左半身d反應好似慢d 約左4月17號去做磁力共震唉= =...有d肴
發表時間：2008-03-14 03:06 PM [ 訪客留言(0) ] [ 編輯日誌 ] [ 分享至FACEBOOK ]

2008 年 3 月 4 日星期二

膠mock...第一日-Eng Listening	分類: 未分類
今日第一日考MOCK.考英文聆聽上到HALL..開考果時..部機搞左好耐都未有聲(註:我地係用大機用喇叭播既) 終於搞好啦= =但係D聲沙到= =................... 我可以肯定...完全冇人聽得到乜都寫唔到我見到附近D人既表情 >> (´ɪдɪ｀) 之後我唯有舉手問我班主任我:『MISS.好有問題喎』 MISS:『你唔駛肴喎.我岩岩睇過隔離班全級第一果個.佢都一隻字都寫唔出』 MISS:『你盡量做啦』我見附近D人周圍望= =好無奈既樣我就特登玩野= =+扮到好似聽得明..好有信心咁係咁寫野之後段帶播完..已經有一半人訓左= =作文淨係靠DATA FILE好難做所以我都是但做..橫掂大把人見聽唔到就放棄晒= = 原來今日係考聽力測驗 ------------------------------------------------------------------------- 聽日MATHS
發表時間：2008-03-05 12:40 AM [ 訪客留言(3) ] [ 編輯日誌 ] [ 分享至FACEBOOK ]

« | 1 | 2 | 3 | 4 | 5 | 6 | 7 | 8 | 9 | 10 | ... | 15 | »