我懷念的，只不過是生活的瑣碎事情

記得以前兼職時，生病了，店裡沒有人幫忙，最後都要我走去死頂

送完外賣經過一間中醫店，我走進去，給醫師把了把脈

然後他就給我了一粒非常奇怪的藥丸，再喝一碗中藥

不知道是心理作用作崇，還是真的有用，第二天就藥到病除

最重要的是醫師見我是旁邊那間店的員工，所以就免費替我看診

在香港，即使辦工室如何勾心鬥角，鬥個你死我活

在社會下層工作的人，卻能完全體現出市民親近互助的精神

這種感覺，很令人舒暢

就好像一個團體一樣，不管你認不認識這個團體中的人，只要你是其中一份子

他們也會樂於幫助你

但我想，這種無私互助的精神，也許只能在這種下層工作的地方看到

懷念，是會令人上癮，仿佛令人沉醉於時間的回潮之中.......

每一個人，每一個聲音，每一個經歷，都給了我無比深刻的印像

但是我已經沒有再回去那個地方的必要了

身體出現毛病，卻意外地觸發了腦中的某些記憶

情緒又一下子湧了出來

慨歎、無奈......

感情豐富，到最後，只會變成一把利刃

把回憶與感情從心裡一片片割下來

很痛，但是很美

朝早10點出門去旺角同個內地大學生呀蕉食飯

佢朋友過關個時太多人，所以來唔到同我地食

最後變左得返我同呀蕉食

已經兩個月無見過面，佢真係瘦左好多，上次見佢都仲好圓潤

今次同佢行過轉，個個麻甩佬都眼甘甘咁望住佢

真係望到我都有D唔自在

兩個路痴行旺角，真係唔會有好下場

行左成個鐘都未搵到平野食

最後去左間要行落去地下的日本店到食飯

叫左好多美食，諗住今餐正到死，點知中左伏

隔離個告示貼住話：「珍惜食物，留下100克食物，需多付100元」

兩個即刻笑到停唔到口

最後我要食埋佢剩低碟野，飽到我夜晚唔使再食飯

個侍應又走過來同我地搭訕，真係好好笑

呀蕉話佢自己好鐘意繁體字，見到人反教國自己都想反埋一返

起中國敢諗唔敢做，敢做會被失蹤

又話我係佢識咁多人入面最細年紀但又最傾得埋

埋單又話要請我，話我出到來返工搵錢請返佢，我緊係死都同佢撐到底

女請男....絕對不行

佢聽日就要走，真係唔太捨得

樂隊表演...又炒又無帶人條褲搞到人無得出，我大頭蝦得離譜

六點幾上柔道堂，好開心，終於完左我五年的意願

個師父好搞笑好好人，完左第一堂就叫我去考帶

不過今日好少人，得四個人上，個師姐幾靚女，眼大大戴眼鏡

個個男性都係大仔佬身材，我去到顯得有D瘦弱

不過唔緊要，有心都可以變做瘦猛猛，哈哈

全部成員都返緊工，個個都好認真學

好充實但好累

返到來，全身肌肉緊哂

不過我好鐘意呢種感覺

一個人，融入各種不同生活的感覺

琴晚突然不斷思考有關自己身世的問題

如果當初呀媽揀同泰國人結婚，起泰國生我出來

咁我就係一個生活起泰國，講泰文，融入當地生活的人

「如果我係泰國人，我會變成點？」

呢個問題不斷起心入面盤迴左好耐

到最後終於忍唔住走左去問呀媽

「呀媽，泰國咁多靚仔，點解唔起泰國搵男人生？」

一問完，呀媽整左個我從來未見過的囧樣，大概咁上下==>「=_=」

望住我十幾秒，我真係笑左出來，哈哈

可能係諗都無諗過個仔會問D咁敏感的問題

個答案大概係話

「人生的野好難講，未到最後都唔知會同邊個結婚

遇到每一個人唔同，對每個人的感覺都唔同

我識你老豆係起做野個時撞到，我都唔記得點解會揀同佢一齊」

有D意外，我都係第一次聽呀媽講咁哲學的語句

聽日同內地大學生飯聚，表完演再上柔道堂

仲話會帶多幾個朋友來，希望到時唔好全女班Orz

同咁多大學生食飯，突然覺得自己好有文學氣質，變身做智識分子

中國成幾億人，入到大學都已經勁得出奇(應該係掛)

安排左好多好多野搞

得閒死唔得閒病，但我已經病左

希望食完藥一教好返哂

人，一個人，真係生存唔到

不過我有時好鐘意自己一個人

琴晚做完功課上youtube睇片

睇睇下睇到柔道教學片

諗返起我小學之後就再無學過，亦都錯過左考帶的機會

加上無錢的關係，無得再學落去

最後變成一種遺憾

其實我真係好想好想學返柔道！

今日去左其他學校，睇台灣大學介紹展

拎完場刊、宣傳紙就等左半個鐘...

香港，台灣抑或是內地聯招，點都報定先

考完出來先再作打算

即使入左台灣大學，需要考慮的野會多好多

唔通真係要一個人起異地讀書讀四年？要從0開始學習國語？

定係扮啞，有野想講就寫起張紙到？

讀完大學22歲，22歲......

最後都係考完出來先知應該點做

人不為己，天誅地滅

這句話，聽得多，看得多，體驗也多

很多人都不理他人的感愛

把人看作是解悶工具，自己滿足完就置他人於不理

最後受傷了，是因為你不懂得世界的運作規則

究竟是我們把世事看得太過複雜，還是世事本來就如此複雜？

身邊的賤人總會在你奔跑時，伸腳把你絆倒

讓你切身感受一下甚麼叫「現實」

讓你不再沉迷於對世間美好的幻想憧憬之中

讓你成長

總覺得身邊的賤人特別多，所以思想也轉變得特別快

人與人之間都有一堵牆，這堵牆有厚有簿，品質不一

厚的牆用來阻擋不想接觸的人

簿的牆是因為你想接觸那個人而不斷努力，將厚重的牆弄簿

至於將牆變簿的方法是，用真意去聯繫那個人

但那個人是也否希望你將牆打簿，也就不得而知

只是，隨著時間，那堵牆又會再次厚起來......

我甚麼人都討厭

甚麼事情都不喜歡

我更討厭與人相處

是的，我不懂得怎樣與人相處

更不懂得去維繫與人的關係

所以朋友不多，能維繫長久的朋友更是寥寥可數

但我最討厭的是這個世界

誇張說的話，可以用憤世嫉俗來形容

即使全世界都覺得我很有問題，但我並不會覺得自己有問題

但反過來說，我卻會單方面覺得全世界有問題

我不懂自我檢討？抑或是這個世界有錯？無從稽考

我不會像其他人一樣，跟隨團體而改變自己

我是我，我是一個個體

可以說是鶴立雞群，卻又可以說成是雞立鶴群

這只不過是世俗人眼光的觀點吧？

堅持，要付出代價；但不到最後都不知道堅持的事是否正磪

即使如此

我還是會選擇相信自己

有些人不是你想像中的完美

有些事不是你想像中般順利

但沒所謂

就繼續理念讓這朵花綻放下去

至於何時便會凋謝，何時會枯萎，何時會再長出不一樣的花

我早已累得不想再去尋找答案了

不想了......