朝早就去左返佛梁band

有好多新人，不過20幾個人入面得4個男仔

我諗遲下隊band有機會會轉做女子步操樂隊

好後悔比左自己張學生相人

算啦，都得返半年多少少，對我的生活影響應該唔大

完左佛梁樂隊，就即刻趕去上水練步操

舟車勞頓，累死我，去帶唔記得帶步操圖，好彩行左一兩次就記得

唔識行實好似上次咁比人鬧死

返到來好累，乜都唔想做

話說之前有次書展艷遇，識到個廣州女大學生

其實佢都係同我問路，我叫佢跟住我地行，行左個幾鐘順便傾下計

成班就A_A字眼咁樣望住我，對住我笑，仲比人話我有異性無人性

個排就係咁比人抽我水，話咩敗走香港無人要，要北上搵老婆

佢起我印像中與其他中國人好與眾不同

至少相比起其他大陸上來，較有學識，有道德同文化修養

反共但唔會出聲，得閒個陣，我仲會好理智咁同佢傾政治(我真係得閒得濟無野做=_=)

呢幾日佢話過來香港探親戚，順便搵我食飯

 ......

不過無人知道其實佢已經有左男朋友，仲好似結左婚

你地繼續抽我水啦

生物小測溫錯書，雖然MC全部都識做，但一去到後面長題目，即刻黑哂面，一題都唔識

今次小測死緊，真係死緊

到上年仲係不斷比人問我個題點做，呢題點做，今年？到我問返人轉頭

真係風水輪流轉

上企業堂比Miss問我做咩唔退修，不斷同我講我讀呢一科有幾唔掂

再讀唔好就叫我返去衾檔算數

食飯，無心機，不停咁比班fd問做咩事咁頹

我好痛恨自己連少少讀書能力都無，跟唔上學校同級入面的進度

我只係知道我要更加努力，付出得更加多.....

學校樂隊入面，我真係唔知點面對班妹妹仔，教又唔係，唔教又唔係

有時候真係唔想教，一走了之

受中一歡迎並唔係一件好事，連吹長號的男仔都要指名要我教

其他人教又話唔制

我係識吹，但完全唔知D制點拉，咁做即係等同搵個開鎖佬去幫你裝電腦一樣

但係又無得你拒絕，搞到要個開鎖佬特登走去學裝電腦教返你

呢幾日太多負面情緒，發洩唔到

上堂起個同學後面用支瑩光筆幫佢染髮

佢脾氣真係好好，知道左之後只係笑住咁打我

到左中六，我都仲係好鬼白痴，呢種日子過得好無聊，好平淡

今日唔想做任何野，心力太過交瘁

我，愈來愈無動力

動力...

落寞

在晚上偶爾會感到很落寞

不能平服的思緒就像浪一樣

不斷地打在我的腦袋，激起源源不絕的浪花

無法思考，無法冷靜

可能是出自於感性的關係，也可能是因為經歷了太多曲折的事情

令晚上充滿了濃郁的鬱香味道

人一旦習慣了某些人、事，就不想再去改變

因為這已經成為了生活中、生命中的一部份

到最後，人必需依賴著這種習慣為生，甚至連別人的想法也想要去左右

最終也只不過是想維持著這種習慣的存在

在意了，失意了；最後還是把習慣改掉了

有些情緒、感情，是在不知不覺間產生出來

連自己也不會察覺得到

直到最近，發覺自己竟然莫名奇妙地在意起來

連我自己也搞不清楚

這究竟是怎麼一回事

今日表演，覺得自己做得唔夠好，歌未夠熟，操又操得未夠好

最尾個場仲要吹完第一首歌，條帽繩就爛左，要等Miss Lee停一陣比我整返先再開始

真係好對唔住大家，見佢成場都望住我笑個下真係...

望住佢笑，我都忍唔住笑下自己

入廁所換衫走人個時，有人話懷疑我比人落左降頭

諗返起之前比人話我似TCA樂隊班人的性格，又有人話我入錯樂隊

可能，我起性格上，起TCA入面真係會融洽好多

但係既然都入左其他樂隊，就無理由要走，決定左就無得反悔，一走就好似背叛左人咁

而且當初係我決定要入，何況呢家都無咩野唔好，學到好多好多野

好多人當我細路仔咁照顧我(咁我睇落又真係幾幼稚唔成熟，照顧唔到自己=_=)

原來我呀哥頭先打波打到個頭穿左，入左醫院，所以好夜先返來

今晚有好多好多功課要做

當一個人的佔有慾愈來愈強大，就愈會唔想個個人離開

而個個人一從你的生活入面消失，你心裡面就會好痛好痛，好似比火燒咁

朋友好，我在意的人好，其他人都好

我都會盡全力控制自己，即使你地離開，都唔會太過在乎

但唔去在乎，應該係唔可能發生的事

我只係想永遠捉住某一段關係，某一個人

愈親密的接觸，就愈害怕某人的離開

有時做人真係好淆底，淆到咩都唔夠膽做

但係我唔廿心縮起個龜殼入面，咩都唔做

大不了咪心痛幾痛，又唔係咪痛過

雖然係痛到想死，但痛完唔會死

關係

真係好奇妙

頭腦簡單

日子也過得很簡單

雖然很想去追尋一些現在沒有的東西

但即使找到了，也會留不住

那還有追尋的意義嗎？

船到橋頭自然直，就讓所有事都順其自然，讓船隨風飄流

飄到一個陌生的地方，飄到一個甚麼都沒有的環境

刻意追求，反而甚麼都得不到

快樂悲歡，來得快也去得快

隨著時間的洗禮，所有事都被沖涮得一乾二淨

唯一沒變的是，對生命中所帶有的一點

「期望」

即使最終不能實現

但人，就是需要

作為生存的動力