各位親愛既米迦勒組組員,
知道大家升左F.3後, 開始事奉, 有時候返黎教會真係好疲累!
平時又要5味張張宣傳, 又要武林大會宣傳..
星期六開組時間又早, 直落programme帶組青崇, 有時候完左青崇我又會約大家..
星期六好似做足1日..累透了!
知道呢條信仰既路, 的確唔易行! 同時會面對好多既衝擊, 挑戰!
身邊既人好似唔明白你地做緊d咩.,.唔明白點解要咁樣去事奉上帝!
窄路, 唔容易去行; 窄路, 唔多人去行!
欣賞大家係教會入面既付出及對上帝既回應.
相信呢個係昔日上帝所感動你既, 以致大家呢刻懂得去回應祂.
大家事奉既崗位都唔同..
除左開組, 好似好難揾到1個平台讓大家1齊, 真係齊人既去相聚1下..
對不起! 真的對不起! 這是朱仔孫孫既不足.
我地讓大家去事奉, 反而未能讓大家有1個適當既屬於米迦勒組既空間..
有時候, 或許我地真係未能擔當好組長的角色.
有1樣野真係好開心, 由大家F.1開始..,大家都在成長.
特別是今年, 大家成長得好快. 這是真的!
這是好多人都見到的, 亦為大家感恩的!
一個願意去成長既人, 總會面對及承受壓力.
一個願意去進步既人, 絕對願意去承受壓力.
但眼見大家沒有去逃避, 反而勇於去接受上帝放在大家生命中既挑戰及難關.
回想以前自己F.3, 我可能都無大家咁tough.
試諗下,,倘若無踏出呢1步, 無踏出呢1步去事奉上帝, 去回應上帝,
會有呢1刻大家既生命, 如此有生命力, 如此有感染力? 如此成長過?
大家咁年輕, 就開始事奉上帝, 從大家身上, 的確睇到上帝既恩典~
明白要讀好書,令屋企人放心, 又要事奉上帝, 又要做好見證..
咁多野. 實在係好難去兼顧, 朱仔孫孫也經歷過!
大家要繼續加油啊~ 唔好放棄啊!
有時候返到教會, 見到大家既情況, 狀態,
有時候真係唔知點同大家去講..
或許係唔識得去同大家講吧.
只是識得默默地同大家一齊行,
默默為大家禱告, 默默地為大家守望.
同大家分享1首詩歌<<同路有你>>
<<同路有你>>
同路有你作伴，倆肩相緊靠，願意彼此分擔倆扶持，
同路有你勉勵，倆心相呼應，邁向標杆前行結伴去。
縱有阻礙，滿是泥濘，路滿荊棘阻去向，是你結伴勉勵，一起跟我闖，
沿路有你結伴，我心得鼓舞，路滿精彩，全憑有著你。
滿心感謝，有伴同行，路縱崎嶇不放棄，是你結伴上路，一起多美好，
沿路有你結伴，我心得鼓舞，路滿精彩，全憑有著你，
邁向標杆，昂然闊步去，為你感恩，同行上路去。
願意我地米迦勒組, 無論發生咩事,
都唔會阻隔我地同上帝既關係!
"誰能使我們與基督的愛隔絕呢？難道是患難麼？是困苦麼？是逼迫麼？是飢餓麼？是赤身露體麼？是危險麼？是刀劍麼？ 然而，靠著愛我們的主，在這一切的事上已經得勝有餘了。" ( 羅 8:35,37)
都會彼此同心, 彼此合一的, 繼續去倚靠上帝, 行呢條信仰上既窄路. =]
"從來沒有人見過神，我們若彼此相愛，神就住在我們裡面，愛他的心在我們裡面得以完全了。" (約一 4:12)
"我賜給你們一條新命令，乃是叫你們彼此相愛；我怎樣愛你們，你們也要怎樣相愛。 你們若有彼此相愛的心，眾人因此就認出你們是我的門徒了。"( 約 13: 34-35)
by朱仔
|
