我狠性地自從放假後就冇再番工..

更狠既係,,我病到五顏六色....

個人頭暈暈,,但係忽然想誠實面對自己,,

呢年我封閉左自己...

我開始覺得,,我d無所謂,,係環境迫成...

我好執著,,對好小既事都好執著...所以..無所謂咩?

德哥仔話回憶好寶貴,,我就寧願可以有個鎖鎖起佢...

好事壞事..都會令人有所改變...怕長大,,又怕面對現實...

回憶鎖唔住,,,鎖住自己囉...都一樣...

有時我都唔知自己係大個女,,所以唔怕寂寞孤獨,

定係硬要話比人知我可以做到享受寂寞孤獨...

總之結論都係...習慣左,,

我其實0係呢年入面做左好多好後悔既事,,

我偏偏要由得自己任性,,

我唔知當時係究竟係我放棄大家,,定大家放棄我...

我只係覺得,,我如 大家所願,,我絕對有能力自己一個...

有d人,,其實都唔係你諗到咁重要既唧...

或者係...原來你0係0個d人心目中,,都唔係咁重要....

咁我..會好好的...好愛自己,,又好自私..

我只會做我想做既事,,唔可以再令自己委曲求全喇...好可憐...

有好多責任我係應該負,,,我冇做到,,

反正我就係生存0係自己所想既世界...

我..都幾無藥可救...又任性,,又自私,,

但係我始終都要好愛我自己ga ma~

發生左既事冇得番轉頭,,亦冇可能當冇發生過,,,

我都再唔係當時既我,,

我時時刻刻提醒自己唔能夠忘記去愛...

但係同時亦令我冇辦法忘記受過傷害,,,

再有幾多次機會,,我都唔怕用盡力去把握..

即使不停地失望都唔怕,,遍體鱗傷都唔怕,,

因為我太清楚,,冇人比我更愛我,,亦冇人可以令我愛佢勝過愛我自己。