同東東感覺唔好,,,所以先覺得工作..或者係任何事都好辛苦。

你想我工作,,擔心我自閉會同社會,,朋友脫節...

到我工作喇,,我就變左同你脫節...

我地似乎由好親密變到好疏遠,,

呢種感覺唔好,,,好討厭..........

如果你唔0係我背後撐住我,,我會咩都做唔到,,

你忘記左...我根本唔係一個可以獨立自主既人唻咩?

我都唔知你鬧我,,係因為關心我丫,,定係因為我唔听你話囉...

就算兩個 人幾親幾有默契幾愛對方都好,,

有時都要用言語同行動去表示架,,

3年幾喇,,我都未听過你可以連續成個星期都咁認真同我講野架囉...

何況最多一日講2次電話咁大把....

係我多心定係我要求太多喇?

我其實好嬲你,,,不過我唔捨得發你脾氣....

我話過你做錯咩我都會原諒你家嘛,,更莫講話呢d小事啦~~~

我永遠都會記得你對我既好,,

我依家有既一切,,都係你比我既,,

我真心覺得,,我其實真係好幸福,,

不過,,我一d都唔快樂。

女仔(女人)多,,所以就好多事非.....

個人認為我0個間還好,,可能人小...

屁屁就冇我咁好彩嚕~v~...

我做間鋪,,有5個人,,有2個人係唔正常既...

不過正常既同我都冇乜野,,,仲幾好傾添..

真係不幸中之大幸,,,愈做愈慣...人生都開始有番d色彩喇..

如果冇左0個兩個唔正常既人,,,我相信番工比去玩更開心~"~

林英豪要結婚喇,,真係嚇左我一跳....

初初識佢0個時明明同女朋友相處得唔係咁好家嘛,,

估唔到咁快好番仲做埋老襯添,,,kakakak...

東東,,我求下你...........

千祈唔好娶我,,,我唔想派利是耶,,,

今年新年見到你d朋友我都不知幾驚,,,個個走唻問拎利是="=

講時講,,,點解要問我地既唧???!!!  

jojo姐同呀杰呢?  呀輝同佢個管家婆呢??

個個都唔問,,問我地都有既= =!!   呀杰撞佢個鬼問我地先奇怪耶!!

下年新年去旅行啦,,,唔做得年年都同人講話"下年先啦,,下年派架喇"咁架嘛,,

哎!!係啵,,,恭喜東東考牌pass,,,終於可以攞正牌車死我喇,,,(冷~~~)

眼訓,,就開始9唔搭8=v="

係喇,,一路化妝,最好一路做咩丫?  就係一路開OSIM按摩...一個字:爽！

上至闊太，下至師奶...通街都係,,又爆易撞款既名牌...

點解絕大部份人都愛?

身邊朋友8成都有至小一樣L.V既野...

感覺就快要比L.V活生生浸死....

問下佢地點解咁中意L.V唧?!

靚囉,,唔係因為L.V先中意架,,個款真係好靚,,

襟用囉,,,用到成十年架,,一分錢一分貨嘛,,

係咁架喎,,個個人都係咁用架啦,,好正常唧...

男/女朋友送架,,其實我都唔係咁中意,,不過佢送到唔通唔用咩?..

易襯囉,,著咩衫都襯到嘛...求求其其著,,但係孭住個袋就型左囉...

簡直係....屁囉!!

演野就演野,,虛榮就虛榮,,何必要夾硬講D死人理由出唻唧?!

我地呢D年紀,,呢種家庭背景,,根本就未到0個個層次用呢D高level既品牌,,

唔好話真係中意L.V,,,,只不過係虛榮心作祟,,,係個人好虛榮而已..

如果唔係monogram or  damier,,只係epi or antigua,,你會買嗎?

問心講,,會嗎?     會架,,個款中意咪買囉,,唔一定要monogram架...

真係咩?  你根本連 epi 同antigua都唔知係乜!     9唔搭8  ..

有一個L.V,,你就日日出街番工番學去飲探病落D都孭住,,你唔厭既咩?!

係,,確實好易襯,,但係你唔厭,,身邊既人厭,,

日日同一個袋,,同日日同一套衫,,分別唔大架咋,,

比著我,,我都日日孭,,,事實用慣貴野,,好難迫自己降grade用番平野...

但係日日孭,,,,足足一個月甚至更耐...頂得順咩?

日日用真係太樣衰,,不過叫我用番cheap野我唔制架,,,

係我就再買囉,,另一個款,,吹咩,,再頂唔順又再買,,呵呵...耐我唔何...

亦等於話比人知,,你爭人大把卡數之嘛,,L.V..嘛..

手緊又放得出去既,,呵?!    放出去咪cheap囉,,冇錢又要用貴野,,

都係0個句,,認左佢啦,,虛榮!

我係中意L.V架,,,超級中意添...因為我中意晒命囉,,

順帶一提,,我真係好憎BAPE,,不過我都會買佢D野,,因為?  我中意晒命囉。

雖然尋日真係好攰好攰.....

不過我都唔想放過見到東東既機會,,等車等左半個中,,搭車又一個中,,攰到爆,,~"~

剛剛訓醒.....哎0也,,發左個惡夢....

就唻又出門口番工,,,

其實好唔想番,,因為先前一直都冇諗起,,原來番呢份工,,

同東東相處既時間幾乎係零....

我番到唻佢又訓緊覺...

諗起佢夜mama肚餓冇人煮野比佢食,,又冇人幫佢蓋被,,掛衫,,拎野,,

番工又冇人幫佢襯衫,,沖涼又冇人幫佢開熱水爐,,遞毛巾衫褲...

哇...我好想喊><"   佢咁蠢又咁懶,,都唔識得照顧自己既....

唔捨得,,唔捨得,,唔捨得,,......................都要捨得,,

哎0也,,,掛死人喇><"

真係好痛,,,好痛,,,,,,

爆甲= =...仲要0係指甲中間個位,,,剪又剪唔到,,,好痛...點算= =?

哎0也0也....冇陰功......

唉...有d野變左就係變左.....

唔係話做番d咩...就可以同以前一樣.....

真係好奇怪.....無論幾深厚既感情...

一下子,,要變就變.....不過...其實自己都係咁....= =

有時,,,撫心自問...好多野都唔係把口講到咁唔稀罕,,,咁冇所謂,,,咁易放得低...

但係又唔明,,,點解係要死撐落去....

或者...自己其實,,太過渴望,,所以怕失望.....

唔知道0係我認識既人入面,,,有幾多個會同我一樣呢....?

個個人,,都要表面做到好開心,,好幸福,,,好風光....

屁屁成日話我,,我唔可以再係咁,,要面對現實....

我明白...自己確係令人又嬲又失望.......我真係好愛逃避....

"我重係細路女唻之嘛"  呢句說話,,我由15歲講到依家喇...20歲都唻緊...

但係...冇可能唔長大....所以...逃避囉....

嗯....成年人既世界真係好可怕.....(20都咁講,,怪怪既= =")

連面對認識左多年既朋友.....都要戴住假面具......

見到好耐冇見既朋友.....同佢講..."哇..好耐冇見,,,好掛住你呀"  講真平時有幾何諗起佢丫...

對住d個心其實好掛住,,但係你又唔會點搵既.....就係咁吹水....講下自己又有d咩,,,去過邊,,,有幾開心....

或者佢問起你近況...就會話...咪又係咁...又係咁上下囉.....

但係可能...心入面有好多好多野想同佢講....另一方面..你又怕佢變左...怕佢唔知會點諗你....

唉....猜猜度度既世界..真係好麻煩...不過可能自己係咁,,,先會咁諗人啦.....(猜．度．中= =）

真心話,,好難講出口,,,由其....比人呃過之後...言之鑿鑿....相信..然後失望.....

係我自己唔信人,,,先認為人 人都信唔過.....我知道.....

所以,,我咁既態度...只適合生存係自己既世界,,,,咁樣唔好,,,會令自己愈唻愈自私...

不過,,,改不了....何況有時,,,就算講真心話,,,都冇人信啦....

開日記就係咁用囉,,,要擺低d野,,,搵個地方,,,面對真實既自己...

當好多野,,唔知點同人講,,,永遠都講唔到出口......

講左,,最多換唻一記白眼,,,一句冷言冷語.....

因為,,我講得大話太多。