上星期A.B.C-Z係節目「ABChanZoo」中介紹桃太郎故事。
經常聽桃太郎個名，但實際故事內容唔太清楚，所以睇完今集長知識了
影片：桃太郎
5:20∼老師講故事，十分動聽！
內容大意：老婆婆執到個好大o既桃返屋企，切開就爆左個桃太郎出黎。
桃太郎長大後去鬼島治鬼，沿途用糯米丸子認識（勾搭?利誘? ）左狗，雞，馬騮。
眾人齊心成功治鬼，帶住金銀財富滿載而歸。
7:50∼探討左幾個問題，我覺得好有趣∼∼
＊點解桃太郎由桃爆出黎？
＊鬼代表咩？點解遇到o既動物係狗雞馬騮？（原來同12生肖有關）
＊唔同角度睇桃太郎
＊桃太郎結局（恐怖版！鬼派左個女去做間諜同桃太郎結婚，後來鍾意左桃太郎，所以自殺）
＊另類故事，柿太郎（笑死∼∼完全係老翻！！ ）
19:15∼A.B.C-Z共同創作新版本桃太郎，好攪笑！！
老師「從前有對老公公老婆婆，老公公去左斬柴，老婆婆發現佢漏低便當盒於是追出去。
中途發現樹上有個好大個桃......」
河合「老婆婆心諗咁大個桃一定好美味，就將便當盒拋向桃，桃跌落地後爆開，裡面有隻雞......」（點解變左雞？😂）
橋本「雞吃了一驚，同桃太郎講，應該係你由桃爆出黎吧！於是帶桃太郎去搵老公公老婆婆，
桃太郎從老公公老婆婆手上得到了coupon......」（都估到橋本一定會亂黎∼😂）
戸塚「coupon有不同種類，"有狗和馬騮5% OFF"，"治鬼成功全額現金回贈"......」（哈哈∼戸塚有才！😂）
五関「雞說：我去森林遊說馬騮，請桃太郎去同老公公老婆婆養o既狗做朋友。
但此時出現了一個問題！coupon只能在鬼島使用......」（五関大人厲害！😂）
塚田「桃太郎說：跟鬼對決不是很可怕嗎？有辦法！鬼大哥∼我地用這張coupon會有全額現金回贈，
你可以扮被我地退治嗎？鬼：明白了！」（童話故事變得超現實∼😂）
嶋佐「跟鬼交涉好後，桃太郎返到老公公老婆婆家。第二日，老公公如常去斬柴，老婆婆發現佢漏低便當盒於是追出去。
中途發現好大個桃，有隻雞由桃爆左出黎。是的！！老公公老婆婆發現了世界在無限loop！！
老公公大叫：救救我們呀......」（哈哈∼∼突然變成鬼故！😂）
|
