尋晚仲諗緊抽唔抽A.B.C-Z演唱會，認真地研究過場館同機場o既距離，

最後決定放棄，都係留返D假期10月睇＜ABC座＞（今年繼續演出的話∼∼）

點知今日天一光，就有個天大好消息

稲葉光同秋山大河將會演出音樂劇＜TOM and JERRY＞👏🏻👏🏻👏🏻👏🏻🎉🎉

官網：www.musical-tomandjerry.jp/

香港譯＜湯姆與謝利＞，印象中有見過佢地，但唔記得有冇睇過呢套卡通片啦∼

除左MADE，宇宙Six，4U，無所Jr.寺西拓人，渡辺大輝，岸本慎太郎都有份演出！

8月名古屋上演10場，9月東京上演8場，10月大阪上演5場∼

演員表有點兒複雜，因為唔同地方o既公演，同一個角色會由唔同演員演出！

小老鼠JERRY：松本幸大＊名古屋　山本亮太＊東京　松崎祐介＊大阪

可愛小狗TYKE泰克：稲葉光＊名古屋　秋山大河＊東京　寺西拓人＊大阪

幸好10月o既大阪公演冇MADE份，所以我可以解讀成佢地10月將會演出＜ABC座＞嗎？

如無意外應該會去名古屋公演！！稲葉光＆松本幸大，兩個都想睇

而且係我們家隊長第一次離隊獨自演出，一定要支持下佢∼

留意到8月8日係休演日，即係話Jr.東京巨蛋演唱會MADE好大機會有份！！

如果抽中左Jr.演唱會，就要坐新幹線由名古屋去東京睇，希望快D出當落，要訂機票酒店啦∼

諗起2018年新年抽籤，稲葉光扮小狗，身高182cm的可愛「小狗」

祝 五関晃一 34歲生日快樂🎂🎉💙

恭喜五関大人2019年初次主演舞台劇！！希望有好回響，工作陸續有黎∼

恭喜A.B.C-Z 8月至9月舉行演唱會，仲諗緊抽唔抽票好...

因為以往幾年都係10月舉行＜ABC座＞，MADE好大機會有份演出＜ABC座＞

所以想留返D大假去睇，又怕NEWS突然公佈開演唱會，苦惱中！

總覺得今年內會有機會見到五関大人

近日健翔忙於＜桃山再演＞排練，經常見宇宙Six o既山本亮太同原嘉孝，小朋友開始學壞

山本係ISLAND TV進行新計劃「驚嚇15連發！！」，目標係原嘉孝！

健翔做幫兇玩埋一份！原嘉孝好慘，日日去練習都提心吊膽∼

＃１，突如其來的紙拉炮

健翔企定係門口等待🤣

被嚇到碌地，不停問：是ISLAND TV嗎？

健翔出黎結尾：ISLAND TV！

＃２，突如其來的生日！？

兩人唱生日歌，手上一盤忌廉，原嘉孝一臉無奈：這件是私服...

山本：生日是什麼時候？

原：9月25日喔

健翔：快到了快到了∼∼👏🏻👏🏻👏🏻👏🏻

原：才不是快到了！！！！完全沒關係！！！！

山本：把火吹熄∼

健翔：快點吹啊∼∼快點快點∼∼👏🏻👏🏻👏🏻👏🏻

鏡頭前冇得發火硬食！！山本仲叫佢做＜桃山再演＞宣傳

原：你們做啊∼（將忌廉fing到健翔身上😂）

健翔乖孩子，細心提醒唔好沾到海報∼

原認真地宣傳，健翔竟然食手上o既忌廉，仲要話好甜，超可愛

＃３，突如其來的跳繩

健翔開定門等原入黎

山本叫健翔一齊跳，健翔好親密地攬住原條腰

跳左4下就失敗，山本拉條繩點知KICK住健翔隻腳

健翔整個人跌落地　玩還玩，要小心唔好受傷呀！！