本來超開心超順利的2019年，估唔到會以一單醜聞作結尾

早兩日八卦雜誌爆料神田沙也加新戀情，男主角正是我們家秋山大河

相片冇影到兩人一齊，只係分別向疑似大河屋企步出，最Ｘ大鑊係神田已婚。。。

雖然神田立即公佈已離婚，仲話夏天時已有離婚決定，不過大眾已認定大河係第三者

因為佢地係7月合作舞台劇＜SHOW BOY＞時認識，時間非常吻合。

秋山大河！！！！！！你係咪傻左呀？！？！

雖然偶像私底下只係平常人一個，食煙飲酒講粗口拍拖結婚生仔好正常！

但都嚴選下對象丫，同人妻咁刺激？！女方仲要係藝人，點會唔俾人發現呀？！

好啦∼∼其實我並無怪責大河！

我明白感情o既野好難講，一切只係timing問題，某D人若果能早點認識，結局或者就不一樣∼

諗真女方如果真係為左大河而離婚，都叫做肯付出唔拖泥帶水，可能佢地真係真心相愛呢∼

只希望事務所唔好罰咁重，希望唔洗被炒，好擔心舞台劇會受牽連！

若然事務所要大河向事業同愛情之間二選一，我希望大河能夠選擇事業∼

並唔係為左大小姐，而係為左成員們∼

MADE苦等十二年先擁有第一首原創歌曲，連續兩年主演舞台劇，能夠開單獨演唱會，而家正係收成時期，

三個共同走過十幾個年頭o既成員，一個只認識幾個月o既女人，希望你識揀！！

NEWS公佈EPCOTIA ENCORE會出碟，通常盤仲會收錄大阪倒數影像，倒數時MADE著住稲葉隊長親手造o既衫呢！

由於只睇左一場印象模糊，位置又遠唔多清楚，好彩事務所肯出碟可以不停重溫∼

今日Arashi福岡演唱會，宇宙Six 3人回歸（松本幸大演舞台劇中），

聽說最後Jr.介紹出現大河個名時，現場一陣巨響，大家都支持大河o既意思嗎？

秋山大河！！加油呀！！一定要捱過呢一關呀！！

男人們超級忙碌啦∼∼ 10月演出完＜ABC座＞，接住Winter Paradise演唱會，

隔幾日福士申樹就演出舞台劇，而且係主演！！成員們都有去支持座長呢∼

稲葉光銀髮族

冨岡健翔很可愛，秋山大河變回黑髮

（0:49）福士：健翔沒入鏡喔！　健翔：（閃入鏡，可愛）

尾場時公佈1月會再有公演，由關西Jr.古謝那伊留主演，我們家秋山大河都有份

大河超口密，連福士都唔知道，當場嚇左一跳！大河加油，我會在「遠方」為你打氣！！

星期二健翔係連載中有意無意地透露......

今天MADE 4人集合了綵排喔！

雖然＜TRAVEL MODE＞剛剛迎來了千秋樂而已...

為今個月底開始的工作全速地進行綵排！！

然後大小姐們都估MADE會回歸Arashi演唱會∼∼今日開估大家都猜對！！

話說Arashi 5x20演唱會本來2019年1月13日已經完結，尾聲時公佈4月至12月加開and more共32場

一開始4月就同舞台劇＜美男吸血鬼＞撞期，中段又忙舞台劇，加上Arashi宣佈活動休止，以為冇機會再見到MADE跟演唱會∼

結果今日！！MADE再次踏上東京巨蛋舞台！！向Arashi身後跳舞！！仲有坐花車圍繞場禮遇！！

不過我覺得大河有可能只演出幾場，之後就去舞台劇綵排，希望錄影o既場次MADE可以齊齊整整∼

本身有抽12月福岡場，可惜唔中無緣見MADE，明年5月國立競技場演唱會會出場嗎？請向連載透露一下

既開心又感人的＜Winter Paradise 2019＞

超幸運抽中第二行通路位，可以近距離見到MADE及摸到手仔

仲成功拎到飯撒，冨岡健翔，稲葉光，秋山大河都有同我揮手（詳情遲D再打）

最開心係MADE結成11年，終於有第一首屬於自己o既原創歌曲！！！！！！

「MADE in Love」

歌詞同舞蹈動作都超有意思！

歌詞表達無論如何MADE都會向大小姐們身邊，曲風輕快配埋大家o既笑容真係超級可愛

舞蹈部分右手Ｌ代表MADE o既LOVE；左手Ｌ代表大小姐們o既LOVE

佢地對大小姐們超級好，一齊跳舞之餘仲拍埋片留念，而且仲放上網等全世界都可以睇到∼

好開心見到唔係MADE粉絲o既人睇完都話恭喜MADE得到一首好歌，旋律好聽易上腦！

一定要去＜ISLAND TV＞睇，幫MADE刷多D流量！

 無限loop 「MADE in Love」