由於尋晚太攰所以冇打到日記，今日講返尋日去左邊啦！

11點幾就同強強，香港鄰居Kaku出左去整登錄証，

好彩有佢地咋，自己一個人真係攪唔掂，跟住去左心斎橋行街買野。

　第一站，食拉麵。

　心斎橋地標？！

　行行下行左返香港，哈哈

晚上去左食燒肉，1970YEN任食，大家不停食食食，

都唔記得叫左幾多ROUND，強強話食埋聽朝早餐同晏晝果份

飯後Kaku帶我地去彈珠店見識，我淨係覺得好嘈，興趣不大。

返到宿舍都10點幾，行左咁多個鐘當然有收穫啦，嘻嘻

　電子辭典25000YEN

　有呢舊野就可以响電腦睇電視，7180YEN

總唔可能係日本兩年都唔睇電視，唯有忍痛買左佢，不過尚未試過得唔得。

行街真係好攰，訓到昏迷，今日完全唔知醒去食早餐，好彩尋日食左好多燒肉唔覺肚餓

而家出去拎登錄証同去買日用品，又係洗錢時候>O<  SEE YOU

寮母見我係新人，所以今朝帶我去飯堂講食早餐o既程序我聽。

天呀，6:40AM就起身去食早餐，即香港時間5:40AM，

平時我呢個時間先啱啱訓覺冇幾耐，而且我都唔食早餐o既。

啱啱寮母介紹左個香港鄰居我識，叫我有咩唔識就請教佢，

原來鄰居仲訓緊覺嫁，收到寮母電話就落黎，超唔好意思 ><"

寮母好好人請我飲野，不過因為响汽水機到出黎，超冰凍，遲d先飲

   豐富的早餐

由於航班delay送了張HKD$40現金劵，所以呢餐只需HKD$48。

本來飛7:30AM，最後陪埋Alice食早餐，等到11:35AM先正式起飛

 Alice著制服呀

 味道非常之一般，好辣，反而甜品ok!

在機上遇到第１位貴人，就係坐响我隔黎o既辻先生。

佢見我唔識填張form，所以俾佢果張我睇，之後就開始傾計，傾到落機

至於用咩話，當然係日文啦，唔明o既就用紙筆寫俾大家睇，哈哈

佢仲教我買巴士車飛，又借手機俾我打俾負責人袁先生，見我地講唔掂

就直接幫我同袁先生講搭幾點車／幾時到，仲帶我去等車，總之就好好人

佢俾左張卡片我，原來辻先生係董事長黎嫁  一定要send個e-mail多謝佢先!!

第２位貴人係黎接我o既和波先生，樣樣野都跟到好足，又幫我拎行李，

最感動o既係陪我去買被舖枕頭，d野仲大舊過我件寄倉行李，佢幫我拎到返宿舍

見佢拎得咁辛苦我都唔好意思。本來話中午就到日本，而家太陽落山先到，

總之覺得今日俾左好多麻煩人地，但今日又過得幾開心 ^3^

車飛去OCAT，1000YEN 好貴呀

傳說中的JR，就係因為圖中的水嶋HIRO廣告打開左我同和波先生o既明星話題

今日用左13146YEN，我覺得聽日會用得仲多。。。