今篇日記好特別，要所有名都用代號，因為應承左朋友呢

去便利店買野食時撞到小兔，午餐食左個上面有炒麵o既麵包，感覺幾得意

不過因為食得太趕所以冇影到相，下次影返！我，小兔，小貓傾計時俾小虎發現

小虎又叮囑我地唔好玩咁埋 再係咁落去，我响日本真係冇朋友 ＞O＜

原來去銀行開戶口要攪好耐的，超麻煩！不過小貓一定唔覺煩，因為有得見小狗

我全程都只係睇住小貓同小狗傾計，因為我一d都聽唔明，哈哈∼

　青BB簿仔，歡迎大家隨時匯錢俾我 ^^

諗住順便去出埋電話，點知未有學生證唔出得住，唔止冇電話，連電子相架都冇埋

因為電子相架送埋今日咋，唔知黎緊仲有d咩野送呢。

投票時間！！想買以下呢部電話，大家覺得咩野顔色靚呢？？

小狗無啦啦打俾我，我又聽唔明佢講乜，所以就叫佢打俾小貓，小貓今晚會唔會開心到訓唔著？

　晚餐兩碟"送"都麻麻，連我唔鍾意食魚o既都揀魚

證明另外一碟真係好唔啱我食！左上角果碗我都唔知係乜，味道亦一般，今餐食唔飽呀

零晨12點幾，小魚間房冇熱水黎左我到沖涼，仲拎左台灣o既鳳梨酥請我食

　雖然唔係維格，但我真係太肚餓啦，所以都覺得好好味

今日終於知醒8:00AM落去食早餐啦！睇唔睇到食d咩？

生菜絲，蕃茄，洋蔥什豆炒蛋，藍莓，咖啡

其實仲有烘多士o既，不過我太飽所以冇拎到多士。

一早起身冇乜野做就响到清咁d舊e-mail，清左成朝都仲有四百幾封

媽媽話好想响我日記到出現，所以我唔只提起你，仲會貼埋相出黎，哈哈

　機場吃早餐

　陪我响機場等左數小時，錫啖你地^3^

臨別影張相，點解張相影到我咁矮嫁 　我地四個係咪好似樣呢？

　午餐食咖哩烏冬，日本d杯麵係好味d嫁，哈哈

　人生第一次自己去買清潔用品，要俾個叻字自己

因為上面除左垃圾桶同廁紙o既日文我識之外，其他我全部都唔識！但我有問人放係邊同邊款好嫁，

只不過我用d簡單o既字代替晒d唔識o既字，超高招  我買野已經格過價嫁啦，但都用左 3412 YEN

宿舍飯堂∼左手邊個櫃裡面係放野食o既，嬸嬸企响到果個位係"筆"飯同湯，全自助模式

9:00PM落到飯堂食飯一個人都冇，嚇親><　後來有個女仔黎食飯，仲揀左坐我隔離

我當然唔放過機會認識新朋友啦！ 就係咁，識左黎自牙買加o既Maun。

　晚餐比我想像中好味，但Maun食唔慣食得好少

　難得買左洗衣液緊係要去洗衣房洗下衫啦，有齊洗衣機，乾衣機

不過乾衣機要錢的，所以我洗完衫拎返去房個露台到掛，等我聽日買左電話後拍短片影下我間房俾大家睇

10:30PM寮母打黎叫我落去，原來有個台灣女仔啱啱到埗，寮母俾個list我，叫我同個女仔上去check下間房有冇問題..

個list寫晒日文鬼識咩..我check房時有和波先生幫我，但今日太夜和波先生趕住走，唯有打電話俾Kaku問功課∼

個台灣女仔叫Joanne，同我讀同一間學校嫁，今日又識左兩個朋友仔，太好啦 ^0^