黎左咁耐都冇介紹過宿舍tim..我住o既宿舍叫 ドーミー王寺

每次返去時，都要行呢條幾斜o既樓梯。

第一日黎到和波先生幫我搬行李，尋日Kaku幫我搬箱書，都要行呢條樓梯，辛苦晒∼

宿舍o既外貌，左下角黑色門就係宿舍入口。

樓高９層，我住８樓紅圈o既住置！好滿意呀，因為我好怕住得低，而且住得高風景都靚d。

順帶一提，樓下o既舖頭係賣墓碑／骨灰龕果d，日日都放兩座墓碑响門口，細膽d都嚇親@@"

入到宿舍第一時間將房號碼旁邊的格仔轉顔色。

紅色＝外出，白色＝响宿舍，不過有陣時我都唔記得轉顔色　轉完顏色就要除鞋啦∼

宿舍入口附近設有鞋櫃，每間房一格，返到黎就要換拖鞋！

出街鞋要放响鞋櫃，絕對唔能夠著住佢地响宿舍範圍內走動

所以大家黎探我時記住唔好著穿"lone"襪呀，會俾人發現嫁，哈哈∼

好彩我個信箱唔係响最高果層，因為唔夠高睇有冇信，哈哈∼

６３６－０００２ 日本奈良県 北葛城郡王寺町 王寺２－８－２７ ドーミー王寺８１６室

我個地址呀，大家快d寄信俾我啦　(因為地址有日文字，如果睇唔到請同我講∼)

　尋晚o既晚餐

　今日o既午餐

經歷過上次咖喱烏冬事件後，而家d野食都要排得靚靚地先可以見人，哈哈∼

聽日係星期日，全日都冇野食，而家要去超市入定d貨啦，再見。

唉！黎左日本接近兩星期，從未試過好似今日咁，勁想即刻飛返香港＞＜

朝早本來都充滿活力，8:00AM就落去食早餐。

以為响學校會見到靚仔職員，點知見唔到，即時冇晒mood！

派返分班試的成績俾我地睇，３００分滿分，竟然得３８分　超down..

一年級共有七班，每班大約十幾人。聽講係按照成績分班，最唔掂的會去A班

我竟然係去F班。由於我好想由最基本的學起，但F班係由中段開始學起，所以好想調班。

但個個都話唔好，因為進度會好慢！能力試又改左制度，考試模式同內容又唔知同之前一唔一樣，

而家又要開始報名考能力試，乜都唔知點考呀？！總之未開始上堂就已經好煩。

一個人搭車去福島搵強強，港鐵入左閘後就唔俾食野，但响日本的月台竟然有d咁o既野....

  　叫人食埋碗麵先好搭車？！

見到強強，心情真係跌到落谷底！佢拎d考能力試o既試題俾我，但估唔到佢所謂o既一箱試題會係咁...

藍色o既係我件寄倉行李，大家應該聯想到所謂o既一箱試題係有幾大.......

　而且入面全部係都書，重到抽筋............

回宿舍的路程：福島－－＞天王寺(轉乘第二條線)－－＞王寺(宿舍)

我已經好努力由福島拎到去天王寺，不過之後對手真係冇力，一路打sms一路震！！

而且行去第二個月台轉車要先上地面再落返去，返到王寺又要行返去宿舍，

雖然強強叫左Kaku响王寺車站等我，不過最大問題係我拎唔到箱野行去轉線。

最後要麻煩Kaku出黎天王寺搵我。係得強強先可以拎得咁輕鬆，個箱又好似就爛咁

超狼狽，冇可能拎住行返去宿舍。返到黎王寺我地走左去搭的士，咁就用左660 YEN。

見Kaku拎得咁辛苦，內心真係過意唔去，黎左日本之後成日都麻煩佢，欠佢太多人情啦。

強強，枉我同你咁多年朋友，你竟然咁樣玩我.........好灰呀

大家仲記得呢張圖嗎？感謝大家的投票，我買左電話啦，係時候公佈結果。

1行1(橙色)：３票

1行7(彩藍)：２票

2行1(桃紅)：３票

2行2(深紫)：７票

2行5(淺藍)：１票

2行7(淺紫)：４票

　結果由深紫色當選！！

　唔知幾時先練到唔洗望住黎打字呢，哈哈∼

　對比起我隻小手，部電話顯得好大部呀！

　買電話送的小狗白朱古力，可愛到唔捨得食