今日早／午／晚三餐都好好味，食得太多啦，一定肥幾磅！！

　早餐有支疑似益力多o既野飲，但仲細支過益力多

朝早大西老師o既堂好難過呀，我覺得佢教得好慢同好悶。不過講解都算清晰，冇乜問題。

　吉列豬扒飯，480 YEN

台灣女生為左慳錢所以帶麵包做午餐，但見到我個飯盒後內心就有d動搖聽日唔帶麵包，哈哈∼

日本d麵包都唔平，食兩個包加盒野飲分分中同我個飯盒差唔多，咪攪咁多食飯盒吧啦 ^^

下午久保老師堂，感覺去左補習班咁，完全冇講書，淨係不停俾工作紙我地做，之後同隔離位練對話

我地本書有400幾頁，但我地班一開始就教第300幾頁o既文法，隔離班仲係教緊五十音同生字

我地班速度快到好似坐直昇機咁，而家教o既都叫識識地，遲下教d唔識o既真係怕追唔切進度，好驚呀

放學大伙兒去圖書館做功課，今日得一樣功課咋，謝天謝地　5點幾同阿水去買野順便行下宿舍附近

　只要夠膽擒過個鐵絲網再衝上車，就可以免費搭車∼

　"八味地黃丸"，乜黎嫁?!?!

　好靚呀，好想入去參觀下

通街都係，唔知有乜意思嫁呢。睇唔睇得出係乜野公仔呢？

　乖孩子同壞孩子o既分別！

　有好多零食，不過我啱啱先買過零食，等我食晒先再買。

發現左宿舍附近原來有好多野食嫁！行到差唔多7:00PM就返去食晚飯，咖喱真係會令人食多好多飯 >3<

　杯茶隔離果樣係椰菜入面包住舊肉，幾好味。菠蘿都好正呀!!

平時响飯堂食飯起碼食一個鐘，今晚晚餐幾好味所以半小時就食完了。

  　比起雞扒，我更想食鍾記o既雞

明明食飯食快左應該會有好多時間溫書同做功課先啱，不過今晚完全唔夠時間用law...

睇黎我要重新安排過個時間表先得，因為我有預感之後會有更多功課＞＜

做功課先發現好多學過o既都唔記得，又有好多唔識做，好彩有補習老師俾我問功課，哈哈

終於都開學啦！！！以後o既生活應該會充實d，唔會成日走去百元店亂買野。

尋日訓到成12:00PM先起身，攪到夜晚鬼咁精神，成2:00AM先訓得著覺。

　7點幾就食早餐，食完人都醒晨d ^^

朝早蔭山老師o既堂，完全比想像中好，起碼聽得明老師講乜，而且教d野都學過。

蔭山老師教得幾好，上堂氣氛唔錯，唔會覺得悶。唔知係咪太用神去聽書，所以好快就肚餓。

　午餐..Mos Burger..食左 740 YEN，個蝦堡好好味

就當係慶祝我今日第一日返學所以食豪d <--(每次食貴野都總要搵個藉口)，聽日就唔會嫁啦！！

下午久保老師堂，因為老師好鍾意Miffy兔，所以老師教對話時會畫Miffy响白板，然後又畫熊仔同佢對話

d公仔係幾有趣，不過冇朝早蔭山老師教得咁好，好多時都有dead air，下午上兩堂，3:00pm又話放學。

同阿水去買完野後諗住幾個人一齊去圖書館做功課，點知今日休館  = =""  冇得一齊做功課tim

唯有各自留响房做功課啦，第一日返學就已經有功課，聽日仲話要漢字默書tim，冇一班好似我地咁忙。

頭先掛住msn..打日記..講電話..攪到而家都未做功課，要快手d先得啦，做完落去食晚餐 ^3^