好似好耐冇介紹過我早午晚餐食乜..

5月3日星期一。晚餐

　d拉麵發漲發到似粗麵，哈哈

　蝦，豬肉炒菜！

5月5日星期三。午餐

　之前一路都係煮白汁，今次試下煮肉醬

5月5日星期三。晚餐

雞球同天婦羅茄子，我緊係唔識整d咁高難度o既野啦，响超市買嫁咋，哈哈

幾經辛苦終於拎到d相可以打日記！　和歌山之旅開始啦∼∼

由奈良去和歌山真係好遠！要先搭二十分鐘車去天王寺，再搭一小時十分鐘車去和歌山，返大陸都唔洗咁耐！

到達和歌山後第一站搭貓主題火車去睇貓站長。

唔止外面，裡面全部都係貓.......

坐左三十分鐘貓車去貴志站，一黎貓站長訓緊覺，二黎其實我怕貓的，所以冇真貓相睇，哈哈，SORRY∼

遇到一個好攪笑o既小朋友，佢叫我地做"奇怪o既叔叔"同"奇怪o既嬸嬸"，當然我地都叫返佢做"奇怪o既小朋友"

睇完貓坐玩具主題火車返去和歌山站

Celine小朋友

坐火車去黑潮市場食午餐。

　中間果位先生本來有兩個朋友

　後來大家都唔同佢做朋友，哈哈∼

　由車站坐左一千三百幾YEN的士先去到的黑潮市場

食完野坐巴士去和歌山城堡，由於太攰訓著左，都唔知坐左幾耐！510 YEN一程，應該坐左好耐吧= ="""

和歌山城堡5:00PM關門，但大家步行速度似去遊行，最後只有我同Kaku兩個上到去城堡，其他人响下面等。

　見到我地嗎?! ^^

　大家在下面幹什麼?!

睇完城堡行左1.5km去和歌山車站，行完覺得個人瘦左！

响車站附近食晚飯

　天婦羅蝦飯，超細碗呀＞＜

　咪以為我食咁多野，呢個係同Thomas share o既！

9點幾食完飯就坐返一小時三十分鐘車返去，好遠好遠......

今日去左和歌山玩，7點幾就要起身，夜晚10點幾先返到宿舍，好攰呀！好想訓覺∼

而且又未收到其他人d相，所以我決定聽日先打詳細日記

今日大約行程：

＞＞坐二十分鐘車到天王寺車站

＞＞坐一小時十分鐘車到和歌山車站

＞＞再坐三十分鐘火車去看貓站長

＞＞坐的士去黑潮市場食午餐

＞＞坐巴士去和歌山城堡

＞＞步行去和歌山車站食晚飯

＞＞坐一小時十分鐘車到天王寺車站

＞＞坐三十分鐘車回到王寺車站

全日都係不停地坐車......步行......用錢......暴曬......

今日用左好多時間搭車，用左好多錢响車費方面！

待續。