早餐，7:40AM落到去，都係冇晒麵包，究竟幾點先有麵包呀＞＜

　形狀好似芒果o既煎"奄列"

午餐，炒麵

晚餐，肉醬意粉，個湯入面有d疑似元貝o既物體，攪到個湯勁腥！

明明日日都有飯食，只係冇食一日啫，就好想食飯。

前日去左拎張外國人登陸証明書，其實係張卡黎o既！

等左咁耐先整好，竟然俾我發現有錯，睇到嗎？？

冇錯，就係NGAU CHI WAN串左做NGAU CHT WAN= ="

我d字咁靚都睇唔明，唔係掛@o@

最後，唯有响後面手寫返個啱o既名

尋晚訓訓下覺突然"責"醒，發現自己身體郁唔到，好努力想轉身但真係一d都郁唔到，放棄！！

隔左一陣又郁到啦wor，諗住應該唔會再發生，就瞌埋眼繼續訓啦，點知一瞌埋眼聽到有聲law@@"

聽到有人响到講野，嚇死我，睜開眼就聽唔到有聲，但覺得個頭超暈，而且身體又再郁唔到。

果刻真係超驚，瞌埋眼又唔係，睜開眼又唔係！最後一路睜開眼一路等，到身體郁到時即刻開燈

天呀，果時4:00AM咋，冇理由唔訓覺啫。最後聽住MP3，攬住隻公仔死死地氣訓返落床繼續訓

訓到5:00AM又"責"醒，6:00AM又"責"醒，幾經辛苦先等到7:00AM起身。今日個人好攰，好似冇訓過覺咁！

我肯定唔係發夢，因為我有次責醒時真係聽住歌嫁！台灣女生話我應該太攰同太大壓力先咁

死啦，攪到我今日唔敢訓晏覺！睇黎今晚要好大勇氣先訓到落床law，help！！！！！！ >o<

好慘呀！！！！尋晚晚餐又係食魚同炸野。。。

　隻手係Aki的，哈哈..

今日7:50AM去食早餐，點知已經冇晒麵包，唔係8:10AM前入去都仲有早餐食嫁咩= =""

　攪到我要一早飲麵豉湯，太濃啦!!  漢堡扒好好味~

Kaku真係要多謝我啦，忘記帶銀包想返轉頭拎，好彩我阻止你兼借錢俾你，如果唔係你實遲到啦，點報答我先？？

星期二真係非常之難過，而且學校d位坐得好唔舒服，坐得耐個pat pat好痛>o<

　午餐有炒麵同炒飯，攪到好似去飲咁，又麵又飯！

下午久保老師堂，教d野竟然教返轉頭，上星期教第8課，今日竟然教第7課，即時覺得好簡單。

見到整章魚小丸子部機千幾YEN咋，好想買黎玩，一大班人玩一定好開心。不過其實我唔識整呢= ="""

上堂實在太攰啦，返黎訓左3小時晏覺，3小時好似訓得太多tim，哈哈∼ 4點訓到7點就去食晚飯

食晚飯時同Aki講起整章魚小丸子部機，佢話佢屋企好似有呀，如果係就好啦，我諗我玩一兩次就唔玩嫁啦

到時部機放响到都唔知仲乜，又唔可以用黎整雞蛋仔。呀∼∼帶部機返去lunch時賣章魚小丸子都好wor，呵呵^^