激死人啦！！今日一早落到去又係冇麵包食，嬲起上黎改食飯，哈哈∼食到好飽呀！

今日上堂自我介紹，個個都講到口震震，我懷疑奧村老師根本聽唔明我地講乜！= =""

　午餐繼續食飯盒，又係炸野呀，呵呵。

下午課室開暖氣，攪到塊面好乾好痕，上上下堂Susie幫我噴保濕，嘻嘻，幾乎要拎塊mask出黎敷面。

難得聽日唔洗返學／交功課／默書，今日放學返到黎可以盡情地訓晏覺，夜晚可以盡情地msn同開眼仔

終於同到澄澄見面啦，好開心呀！好彩佢仲未忘記我係細細個啫，幾時可以見埋伊靖呀......

Susie send mail黎話我聽今晚晚餐不太好味，攪到我戰戰兢兢咁去飯堂食飯.

　天呀，又係魚，真係麻麻

　個湯最好味，因為有好多蘿蔔！

　Kaku俾我o既救星！！生左幾粒暗瘡，真係要飲多d。

晚餐真係得個樣嫁咋，味道普通。

開facebook時發現阿水tag左張相俾我，原來今日break時訓覺俾人偷影@@"

返學真係好攰呀∼！

經過咁多位高人指點，尋晚終於有覺好訓，不過都係冇8小時充足睡眠呢

　三文治看似好好味，但佢落左芥末落去，好難食呀！

好地地仲乜落d芥末落去呢?! 第一次飲南瓜雜豆湯，都幾好味，可能因為太肚餓掛，哈哈∼

又生左幾粒暗瘡啦，嚇到我早餐唔敢飲咖啡！不過午餐真係冇得揀，便當好多款都係有炸野o既

　炸蝦，炸雞，漢堡扒

奧村老師下午上堂時黎個突擊測驗，O晒咀！每日都係上堂做工作紙..默書..測驗..放學做功課 ><"

天王寺車站有野派，本來我都唔想拎嫁啦，但d女仔鬼死咁好禮貌唔拎好似好衰咁！

　入面有d試用裝

返到王寺車站，有間髮型屋o既職員派宣傳單張，日日都响到派，但日日都好好笑容，躹晒躬咁！同香港果d差得遠

咁高級o既髮型屋我去唔起，拎拎埋埋d單張俾我當做書籤！今日本山老師見到我d書籤咁特別都响到笑，哈哈∼