上星期六下午同董事長，伯娘，姑姐，姑媽佢地開眼仔，一次過見晒咁多人真好∼∼

伯娘問夜晚飯堂食乜？會唔會食魚？！點知......晚餐真係食魚呀......

一路開住眼仔一路睇住佢地食飯，有鍾記靚雞，茄汁大蝦，雞湯，好豐富呀！睇到我流晒口水

　伯娘唔好再估我晚餐食乜啦，我怕你次次都開口中＞＜＂

星期六仲同左阿佑眼仔，都唔記得幾多年冇見，好彩大家都冇乜走樣！夜晚又同好可愛o既澄澄眼仔。一晚三場，真忙！！

５月１７日，星期一

　以前唔食早餐o既我已經開始習慣早餐食飯...

　早餐食太多，午餐竟然食唔落，不過我唔會浪費食物，慢慢食就食晒啦∼

下午久保老師堂玩求籤，首先每個人寫d野落張籤文到，可以寫好同唔好，然後睇下邊個抽中自己果支籤。

我寫果張籤文，戀人果項話會識到個靚仔，最後我張籤竟然係韓國o既文同學抽中，佢即時表明自己唔係"基"嫁，哈哈哈

而我就抽中阿Tom寫o既，好彩樣樣都係好野。抽中Thomas寫果張就慘啦，佢寫果d全部都係衰野...= =""

　有冇人估到係咩野意思呢？？

訓晏覺訓到不知時日過，差唔多8:30PM先落去食飯，其實香港時間都只係7:30PM啫，就當自己未適應時差仲停留响香港。

　食咁多野一d都唔健康>O<

哎吔，下次都係唔好星期日去咁遠玩，行到好攰，又唔夠訓，攪到今朝唔願起身返學＞＜

尋朝早餐只食左沙律，都未去到神戶，响大阪轉車時已經覺得肚餓，睇黎我要隨身帶定d食物先得∼∼

　午餐食炸豬扒飯

去到＜三ノ宮＞會合Celine後第一時間去食午餐，原來唔止我一個，大家都好肚餓！哈哈

去左影貼紙相，原來日本有d好攪笑o既規定，男仔除左情侶以外係唔可以入去影的，但點解冇職員阻止Kaku入去呢@@"

　祭典很多人，而且係live band

　好性感呀

　我覺得小朋友好辛苦！

睇完祭典去睇姬路城堡，仲以為好近嫁tim，點知由＜三ノ宮＞搭去＜姬路＞係要....................

　950YEN...即係接近HKD$ 80

　行到咁熱，緊係要食返杯雪糕啦∼

　環境優美

　入場費 400 YEN

　不停行行行，經過幾隻門？！

　繼續努力，就快到嫁啦！！！！

　YEAH...行左咁耐終於到，快d行上頂睇啦∼∼∼

 　I'm so sorry，維修進行中，冇得上去睇..........MY GOD

　最後只能响呢個角度睇風景= ="

　小冊子內有介紹的"油壁"　

　室內參觀要除鞋，將鞋放入膠袋內，一邊拎住對鞋一邊參觀，哈哈∼

　好恐怖o既公仔模型　 菊井

　參觀完走人

　唔通間舖係Kaku o既

　回程車費好'金"呀!!!! (約HKD$ 130) 我有月票已經平左d，下次唔好去咁遠啦∼

　大家都行到好攰。。。

　晚餐食ITALIAN TOMATO，咁就六百幾YEN，份量好少唔夠飽呀＞＜

　Celine俾我地o既手信，左邊抹茶味，右邊紅豆味

今日天氣超級好，陽光普照，去左神戶玩，好攰呀................

而家要訓覺啦，聽朝7點幾起身返學！聽日收集晒d相先補打返篇日記，早抖