唔知係咪今朝早餐食得太急，加埋飲左咖啡，攪到今日成日都胃痛冇胃口食野。

　照計d野都好易消化啫，唔明點解會胃痛∼

今日o既課外默書炒得好勁，10個生字先啱得兩個，張紙老師收左，聽日話俾大家聽默左d咩！！！

好憎默書默片假名！！d片假名全部都係外來語併出黎o既，舉個例，マクドナルド (讀音: ma ku do na ru do)

大家覺得係咩呢？答案係<McDonald's>　大大話話英語都有20年功力，但黎左日本個幾月已被片假名打敗= =""

再係咁落去我d英文會得返小學程度，發音仲屎過d小朋友！好辛苦，講出黎唔似英文又唔似日文，都唔知响到做乜

　午餐食三文治加豆奶

今個月28號係運動大會，所謂運動大會但只玩一樣運動＞＞＞壘球。究竟係乜黎嫁？！完全唔知點玩！

我果班先得18個人，但壘球一Team要9個人，即係半班人= ="" 仲要搵6個人幫人地班做裁判，得3個人做啦啦隊？？？

好彩我果班d台灣同韓國同學識得玩，得香港人同中國人唔識玩。聽Susie講壘球係奧運項目黎，香港政府要推廣下啦∼

放學同Susie去行街買野，6點幾先返到宿舍，錯過左食下午茶同訓晏覺時間，又餓又攰，差d連行落飯堂o既力都冇。。。

　晚餐食魚，將d魚"點"左沙律醬後又幾好味wor

睇到天氣報告話黎緊兩日有太陽，之後連續幾日陰天，快d洗衫先^^　希望唔好無啦啦落雨，我唔想又洗多次

Celine去左神戶，要星期六先返黎，佢話而家神戶有祭典，叫我地都去，計劃緊星期六去神戶玩

半夜開住電腦同Yumi send野，每兩個鐘就自然醒一醒睇下send完未，6點幾已經醒左諗住早d落去食早餐

點知又响不知不覺間訓返著，終於訓到7:40AM先起身，訓過龍唔夠時間落去食早餐tim，哈哈∼

今日大家都响到討論木村拓哉套新日劇，套日劇林志玲都有份做，聽講木村比著高"爭"鞋o既林志玲高

大家都覺得冇可能，話木村應該係著加高左o既鞋，或者係企响木箱上面，哈哈∼　木村响我地心目中好矮呀！

　本來想食另一款便當，但要成500 YEN，好似貴左d，忍口唔食！

班上o既台灣，中國同學都好好學，叫我地教佢地講廣東話，教識左佢地講幾句，佢地最鍾意講<你講乜野呀?!>

Thomas(香港人)响到講日文，張旭同學(中國人)突然拎轉面用廣東話同佢講"你講乜野呀?!"，全班即時爆笑，哈哈∼

聽日教佢地講乜好呢？！等我都叫同學教我講台語同韓文先，我諗第一樣要學o既係粗口啦，如果唔係俾人鬧都唔知！

放學返到黎竟然見到Hilda Mama online，仲以為佢偷懶冇返工，原來有人偷偷地online，小心唔好俾老闆發現呀。

下午茶食左乳酪同橙，連Hilda Mama都讚我健康，不過一食完野就訓晏覺，咁咪一樣會肥，哈∼

　晚餐好大塊炸漢堡扒@@"

呢首歌係日本o既童謠？！ 總之有好多年歷史嫁啦。課本仲話係好好聽o既歌 我覺得好恐怖= ="""

辛苦晒Apple，Joy，Ruby，Thomas，Mira，張旭同學，你地唱得好好，只係首歌。。。。。。