尋晚同Susie傾到2:00AM，所以今日就唔知醒啦，哈哈∼唔夠時間落去食早餐，唯有响房飲鮮奶。

激死人啦！！點解今日會落雨嫁？！尋日放學加左窗簾，諗住試下上堂會唔會好feel d，落雨冇得試

　今次又似唔似蟲蟲？？

　之前答應Kaku請佢食，當係報答佢幫過我忙

不過冇理由自己唔買返個食啫，哈！買野食都要搵個藉口，就當係慶祝Hilda Mama生日所以買黎食啦，嘻嘻

　今日晚餐終於唔係食魚，而且係飲粟米忌廉湯，萬歲！！

返左學差唔多一個月，介紹下我d同班同學俾大家認識∼

我讀1F班，班上分別有香港，中國，台灣同韓國人。

 首先係來自香港o既同學

　JOY，早幾個月前已黎日本，由1A班讀起再升上1F

　Thomas，住同宿舍，之前做廚師，好想試試佢煮o既野

　Ruby，住同宿舍，熱愛拍照，睇佢部相機咁大就知啦！

　Mira，一個人住日日都要煮飯應該好辛苦吧！

　Tom，住同宿舍，之前環球片場篇日記出現過啦

 來自中國o既同學  (平時叫兩位都係叫張SAN，為左分辨所以打全名)

　張旭同學，調位後坐响我隔離

　張天弛同學，來自揚州，其實佢好高嫁，哈哈∼

 來自台灣o既同學  

　打頭陣有Susie，成日都出現，唔洗多介紹

　Judy，我地部電話一模一樣嫁，有眼光∼

　Apple，之前坐我前面，調位後冇得傾計啦><

 　王同學，好高好高

　Kelly，又係好高好高

　Yumi，而家坐响我前面所以多左傾計

　曉婷，行山日冇同到佢影合照，好彩之前有影過！

 來自韓國o既同學

　文同學，住左响日本兩年，所以日文都幾勁∼

差兩個同學冇影到合照

第一個係合照中戴藍綠色頸巾o既葉同學(女)，來自台灣

另一個係死都唔肯影相o既吳同學(男)，來自台灣，因為最年長，所以大家都覺得佢係班長∼

今早有預感落到去飯堂冇麵包，所以飲定杯鮮奶先落去，結果真係冇晒，算啦，已經習慣！

　早餐食得好清淡

食食下飯堂o既嬸嬸好開心咁走過黎同我講搵到有麵包，問我要唔要，哈哈∼ LUCKY

　不過我"筆"左好大碗飯，所以食一個就夠了！

去到車站先發現原來平時搭開班車係8:17AM唔係8:20AM，心諗今次死硬，講錯左俾Kaku聽攪到佢miss左班車可能會遲到！

唯有send mail俾佢道歉，都預左俾佢鬧嫁啦，點知佢今日心情好冇鬧我wor，今日我太好彩啦∼

今日靚仔職員終於出完差返黎，上堂即時精神100倍 ^^" 真係一d眼訓o既感覺都冇，哈哈

　午餐食漢堡扒，好好味呀

我隔離果位張同學幫我拆左班房最後排o既窗簾落黎，再掛返上我個位旁邊，聽日上堂終於唔洗曬太陽，好開心

放學後同Susie一齊趕返宿舍收衫，因為好似想落雨咁，但返到宿舍又好好太陽wor，好彩咋，如果唔係又要洗多次d衫。

一開MSN Susie問我得唔得閒，叫我幫佢去買野。我已經覺得好奇怪，明明我同佢講左會訓晏覺，點解佢會叫我去買野?!

問佢想買咩野啦，佢竟然問我住果附近有冇便利店，真係Ｏ晒咀，我同你住同一間宿舍嫁wor，你都知附近有乜便利店啦

後來佢叫我去OK買麥card (mycard)，我完全唔明就打電話去Susie房問佢啦，點知佢話我聽佢冇開msn law.........

就係咁發現左原來佢msn俾人盜用，然後佢响facebook同大家講呢件事，叫大家千祈唔好去便利店買，果個人並唔係佢，

可惜一切都太遲啦，已經有幾個朋友上左當，聽講大家被騙了五千至一萬元台幣 (HKD$1,250 - 2,500)，好恐怖呀！

最衰係果個人仲會扮Susie同大家講野，由於Susie响facebook同大家講左，大家都提高左警覺，如果大家問"假Susie" 問題

而"假Susie"答唔到的話，"假Susie"就會block左大家，等大家見唔到佢online，好賤！大家都要小心d唔好亂信人呀！！

　晚餐繼續係食魚　Hilda Mama去食buffet，好都好想去呀＞3＜