尋日打環球片場篇日記用左好多時間，之後又要溫書，都冇講下尋日做過乜tim..
４月２６日，星期一
 YEAH！！終於食到多士啦∼
學校安排我地照肺，竟然安排响11點幾照，人地最鍾意上蔭山老師堂嫁ma！＞＜
首先大家排隊入房除內衣，之後又要行返出室外排隊等，好變態呀！！
  午餐／晚餐
夜晚冇玩電腦响到溫書，太耐冇溫過書，一溫書就好想訓覺，哈哈∼睇黎我仲未習慣學生生活= ="
４月２７日，星期二
今日早餐好陰公..本來仲有三文治，想拎時寮母話三文治唔可以食，叫我食飯，唔知係咪放得太耐所以唔食得。
不過呢到d三文治入面落左黃芥末，所以我都唔想食。點知今日飯餐係食魚，天呀，又係我死穴
 早餐少得可憐，食完都唔夠飽
 最後食完早餐仲要返房飲杯牛奶先夠飽！
測驗，寫就寫晒，不過唔知啱幾多，哈哈∼考完試放break超開心，一身鬆晒，點知原來break後仲有第二份卷。
即時由天堂落返落地獄= =" 份卷仲要難過第一份，超無奈！考完試就食午餐囉......
 日日食便當好悶，改食一日三文治。特價左後230 YEN，份量都幾多。
難得今日考完試，緊係要好好獎勵下自己！日日行過車站都聞到"鬍鬚爸爸"勁香，今日就破例買黎食啦∼
 
 170 YEN(約HKD$14)，都唔係好貴啫∼
 新出抹茶味，之前有草莓味tim呀，不過完左冇得食lu
 晚餐食拉麵，炸蝦，但我食時炸蝦已經唔炸，唔會熱氣，放心！
同Kaku的mail事件真係笑到肚痛，大家都以為對方痴左線！
好彩佢鬧我朝早仲乜咁無聊send個哈哈笑公仔俾佢，
我又鬧佢仲乜咁無聊send個太陽公仔俾我！先至解開呢個迷，哈∼ 話說......
尋晚佢mail問我訓未，咁我就覆佢個哈哈笑公仔示意未訓，但之後佢一直冇覆我，我已經覺得佢痴痴地，乜事呀∼
人地話未訓又唔講野！今朝咁啱一齊搭車，但大家唔同站落車，佢落車後無啦啦send個太陽公仔俾我，超奇怪！
今日明明落雨你send乜鬼太陽公仔俾我呀，完全覺得佢有病！之後事但覆左佢就算。
但原來係佢眼中，痴痴地果個係我，因為佢o既遭遇係咁...
尋晚mail俾我，但我冇覆佢，已經覺得好奇怪，我冇可能咁早訓覺嫁ma，又唔online(因為我溫緊書)，想搵我又搵唔到，超嬲！
朝早明明搭同一班車，但一落車我就即刻send個哈哈笑公仔俾佢，究竟係乜野意思，一大清早就咁無聊，係咪癲左？！
禮貌上都事但覆d野俾我啦，就係咁，覆左個毫無意思o既太陽公仔俾我。
事實上，成件事都係因為個哈哈笑公仔delay到第二朝佢先收到，攪到大家都以為大家痴左線，哈哈∼ |
Aki隻手又走黎搶鏡，哈∼
係咪睇見個樣就流晒口水呢？！ 370 YEN（約HKD$30），都貴貴地
好彩其他野都啱食！
而家坐我隔離o既係來自中國的張旭同學
午餐食雞排，要等到5月6號先會再食飯盒。
慶祝黎左日本一個月的食物，唔開估住，等大家期待下，嘻∼
