都係果句，太攰同未收集晒d相所以遲d先補打詳盡日記，哈哈∼

今日去左天王寺動物園，由於學校派左本留學生小冊子俾我地，可以免費入場，慳返500 YEN^^

之後去左打保齡球，左邊三個分數，右邊四個分數，大家估下邊一個分數係我o既∼∼

俾d貼士大家，以下o既分數係我08年同朋友仔去打保齡時o既分數，自從08年打過後都冇打過啦！！

哎吔，又冇覺好訓啦！！訓訓下覺一個轉身無啦啦小腿抽筋，真係痛到想大叫！不過果時係零晨5點幾，所以冇大叫∼

　個麵包俾我叮到燶左tim＞＜

Joan同Celine果班今日有得去參觀，仲可以體驗唔同強度o既地震，唔知我地班有冇得去呢？！我好想去體驗下呀∼

話晒未經歷過地震，都唔知震起上黎係點樣，好緊張！！我知道宿舍附近個圖書館係避難場所，有事就走去果到避難！！

　午餐食炸雞，炸雞好好味，炸雞好肥膩！

課文講到去祭典有得撈金魚，撈完仲可以拎走d金魚。我地就响到講，如果第日去祭典玩撈金魚都唔知點算，唔通响宿舍養金魚

Thomas話炸左d金魚，用黎整金魚天婦羅　做過廚師想法係唔同d！第日Thomas請我食野要睇清楚係乜先好食，哈哈∼

放學Susie佢地去行街，我就因為腳痛所以冇去到，返左宿舍訓覺。尋日冇訓晏覺諗住夜晚早d訓覺啦，點知俾Hilda Mama講中

早極都起碼1:00AM先訓。結果同Kaku，強強三人會議講到2:00AM，仲要係＜自制三人會議＞，並唔係真果d，超白痴= ="

所謂o既＜三人會議＞，係大家同時間拎住兩部電話放响耳邊，兩邊耳仔唔同人講野，三條友同時間拎住兩部電話，諗起都好笑

　帥細佬佢地今晚又係食魚生，唔講仲以為我地一齊去食飯tim ar  ^3^

之前post過去神戶時影o既貼紙相，唔知大家睇得清唔清楚呢，由於冇scanner，唯有影俾大家睇！

　我次次睇親呢張都會笑，Celine實在太攪笑！變左隻兔仔....

　重點係Kaku前面o既字，佢真係極愛自己，自戀狂黎嫁！！

　唔關我事嫁！！係部機自動幫我加大對眼，大到離晒譜.......

 　可以話係最正常o既一張，嘻嘻∼

　俾Yuly偷拍到我地打交tim，哈哈∼