經過一晚充足睡眠後，喉嚨已經冇乜事，不過今日對腳同條腰仲係好攰，好似俾人打完一身咁

　早餐有蛋糕仔，乳酪同鮮奶

星期六竟然未夠11:00AM就起身，仲要食早餐，連自己都覺得出奇，哈哈！全因為今日要同董事長開眼仔，要早d起身準備。

去超市買好開心，買左三罐罐頭，公仔麵，半打蘋果等等......完全忘記自己周身骨痛，仲响到買d重野，拎到我死死下= ="

粟米＋菠蘿＋椰果＋芒果＋蘋果＝沙律 (1個人食同平時4個人食o既份量一樣，都唔知要食到幾時啦。。。)

　芽菜，餃子，出前一丁

唔好鬧我食即食麵唔健康，其實已經好耐冇食！呢幾日真係好想好想好想食，放過我一次咁多啦

等到6點幾先同到董事長開眼仔，佢地果邊好熱鬧，有得打麻雀，有得食零食...唔知今晚有冇我最愛o既茄汁蝦呢？！

早餐冇麵包得返魚，生果係罐頭橙肉，望見都唔想食，最後選擇返房食鮮奶粟米片，蝕左餐俾佢tim＞＜

漢字默書奧村老師話好多人寫錯個＜何＞字同＜水＞字，因為老師捉得好嚴，明明識寫呢兩個字十幾年，

咁都錯真係好唔抵！其實我d筆劃都唔跟日本人寫法，不過老師又當我啱wor，真係好lucky

　極少"送"o既意粉= =""""

今日學左台語同韓文生字各兩個，其實對兩種語言興趣都不大，只係學d生字玩下，兩種都好難發音！！！

放學即閃人趕去奈良入國管理局，由3:30PM攪到6:00PM，最後乜都冇攪過，淨係行左好多路，食左好多風...

不過都唔可以怪Coffee啦，意外黎o既！又多左個不停步行o既回憶　事實證明我幾信任你丫，一d都冇懷疑你∼∼

攰到行唔郁，食完飯响飯堂到坐，由6點幾坐到8點幾先走，哈哈∼

可能今日吹左太耐風，夜晚覺得喉嚨開始有d唔舒服，死啦，我唔想病呀，星期日仲要去玩嫁

朝早早餐好健康，左邊果碟係菜，右邊果碟都係菜

平時夜晚我1:00AM - 2:00AM訓，朝早7點幾起身，訓5-6小時左右，但上堂好精神，不過放學後就好攰，可能太用神聽書！

所以放學返到黎食完下午茶後就訓晏覺，大約訓2-3小時，之後食晚飯，做功課，溫書，訓覺∼所以加埋一日都有8小時睡眠嫁！

由於尋日同Susie出左去買野，冇訓到晏覺，所以即使尋晚訓左6小時今日都覺得好眼訓，睇黎訓晏覺係我不可缺少的一部份。

上堂好眼訓點算？！Susie同張旭同學都教我按手指公同食指中間o既穴位，不過自己按係冇感覺o既，要人地幫你按先有反應

上次Susie幫我按真係痛到成個彈起，哈哈　大家返工返學瞌眼訓時可以試下有冇效∼

　午餐有漢堡扒，炸蝦，炸雞

尋日提過o既運動大會，今日lunch時開會決定左崗位啦∼　leader話睇我個樣好似運動幾好，跑得ok快咁，所以叫我做打。

我問佢如果三球都打唔中個波會唔會俾人打同鬧？！因為台灣人leader手臂好粗好大隻，韓國人leader講中文粗口好叻，哈哈∼

後來班入面o既台灣女生有人識打，所以我唔洗做打，去左做裁判。咁就慘啦∼∼判錯可能會俾隔離班d人打！！！

不過都算好彩，抽籤抽中做三壘裁判。要d人打中個波，跑過左一壘同二壘先會黎到三壘，我諗應該唔多人跑到黎掛

大家真係要試下明治o既乳酪 (唔知香港有冇得賣呢)，好好味，個人最鍾意士多啤梨＞＞白桃＞＞藍莓

　入面有一粒粒桃肉，好香而且唔太甜，好味道^^

我覺得係上天o既安排，所以我同先會响夜晚相遇∼∼∼∼∼∼∼

。。。

。。。

。。。

係咩？！唔通係加藤成亮＞＜

。。。

。。。

。。。

哈哈哈，錯啦！其實係...

　咖喱　唔好鬧我又食咖喱，唔關我事，飯堂咁啱煮咖喱

　仲有沙律，炸春卷，咖啡果凍

除左春卷其實仲有炸餃子揀，二選一，我都想食炸餃子，後來Manu話佢唔食炸餃子請我食，最後都係太飽食唔落，嘻嘻