６月１５日，星期二

1:00PM考試，一早未夠9點就起身溫書，係咪好乖呢？！其實係因為尋晚溫得一半，之後太眼訓，3點幾就走左去訓覺，嘻嘻

Celine同Joan考朝早，佢地11點幾考完就打俾Susie，話份卷考文法多，唔洗背課文！哈哈，都唔知份卷係咪一樣，通水都冇用！

考試考兩小時，其間輪住去第二間房考口試！明明我出去考口試前課室坐滿晒人嫁，返到黎得返三份一人！因為我口試考左好耐∼

口試分對話同聽帶答問題，我考分班試時淨係考對話，可能因為講得差所以連帶都唔洗聽。今次我進步左，去到聽帶果part啦！！

其他同學話佢地淨係聽左兩段對話，但我聽左四段law＞＜　唔知係咪因為之前答得唔好，佢想再俾機會我拎分，所以聽多兩段∼

不過都冇用，第三段開始我已經聽唔掂，答唔到佢d問題，但佢繼續叫我聽第四段！所以個個都話我口試考左勁耐，以為我迷路.....

口試用左好多時間，攪到我要留到最後一刻先做晒份卷！我又唔識路去Kelly屋企，所以要Susie同旭同學等埋我，真係唔好意思啦！

哈哈，雖然考得唔係幾好，不過考完試緊係要慶祝下啦！！又一大班人去Kelly屋企玩∼

　唔講仲以為去野餐tim呀！！

　其實重點係我响隻杯到畫左隻好可愛o既貓∼

　感謝天馳同學o既一啖面，有機會我會還返俾你∼文同學完全變左個杯麵，哈哈！

　今次旭同學冇飲醉酒啦∼換左Yumi同文同學兩個醉左，哈哈！！！

　Yumi醉了，將旭同學o既腳當做枕頭，呢個動作仲要hold住好耐，笑死∼

Yumi要對旭同學負責呀！所以响張天馳牧師同埋我地咁多位見證下，佢兩個結成夫婦了。所以話呢，千祈唔好飲醉酒

　又係天馳同學批薯仔，佢多左個名叫＜土豆王子＞

　放心！！！佢地唔係飲醉酒响到除衫，只係俾我地睇下d腹肌啫∼

　玩到餓响廚房偷野食！懶得開火，唯有食生食椰菜！平時响宿舍都食唔少∼

今日終於有玩遊戲啦∼玩＜七級豬＞同＜come棉胎＞時太瘋狂，我副啤牌有隻爛左呀！已經係膠啤牌黎嫁啦，咁都可以整爛.......

不過唔緊要，用膠紙幫佢做個小手術應該OK！副牌响韓國買，要成60蚊港紙嫁！諗諗下，原來去韓國已經係10年前o既事！

Kelly仲有個日本朋友黎左，不過大家唔洗講日文，因為阿倍SAN响台灣住過一年，所以識講國語！12點幾返到黎即刻沖涼訓覺

　希望大家可以繼續同班啦

６月１３日，星期日

哈哈，Celine同Susie發現我次次掛d衫出露台都總會落雨，所以叫我掛d衫出去之前通知佢地一聲，佢地唔掛出去。絕對唔係吹水！！

見尋晚天氣唔錯有d風，咪掛d衫出去law，終於今朝落大雨∼ = =""　算啦，反正我都開冷氣，掛响房入面吹乾佢吧啦∼

　太多汁，完全遮住晒d吞拿魚！

　烚菜時唔小心失手，落左超多油，所以咁"令"身

測驗前緊係要整理下d工作紙先啦，之前我好勤力嫁！每個星期整理一次！不過後來懶得執放响枱面算∼哈哈

　茄子煮牛肉，超EASY

好想睇德國對澳洲，不過3點幾先開波，聽日又要測驗，我怕做做下份卷訓著覺∼只好做乖學生，溫書訓覺∼

大家去完稻香食飯覺得點呀？好味過人家幾多倍？快d post d相俾我睇下^^

６月１４日，星期一

做左一晚乖學生，測驗都OK，合格應該冇問題！久保老師派返上星期份測驗卷，今次冇人9字頭，平均分80分，我得75分>< 真係勁唔抵！！

明明句句子寫錯左少少野之ma，咁就冇晒3分　聽日大考，好緊張呀！！如果成績唔好就冇得留返响1F班，要去低d o既班上堂！！

見到大家响FACEBOOK互相打氣，話夏學期一定要原班人馬，好感動　原來大家都好鍾意1F班，加油加油^3^

　午餐食麵包＋三文治

哈哈，連續兩日同澄澄開眼仔見面，我都知佢好掛住我嫁啦 竟然俾澄澄訓話.........叫我返學唔好遲到！要乖乖地做功課！

佢仲話搭飛機黎搵我，帶d荔枝俾我食。哈哈∼澄澄，聽講你搭飛機係去泰國唔係日本wor∼

　晚餐份量多到咁，邊有可能食得晒呀∼

睇波同溫書大家會揀邊樣？我就當然揀睇波啦！日本隊wor ^O^　好彩聽日下晝先考試，應該都夠時間溫書，要做乖學生啦！！

６月１２日，星期六

以前放假實訓到兩點先起身，仲要係一覺訓到天光，中途唔會醒。而家放假7點幾就醒一醒，返學仲慘，5點幾就責醒

未夠11點就起身去超市買野，今日天氣勁熱！出面好似個蒸籠咁∼∼天氣咁熱，緊係食雪糕最好啦！忍唔住手買左兩杯雪糕 ^3^

　結果午餐食得太飽，食唔落雪糕= =""　唔食雪糕，唯有開冷氣消暑∼

下星期一要測驗，星期二又要大考，好緊張呀！過埋呢兩日就春學期完結，放假放到24號先返學，不過24號一返學又要測驗........

晏晝好乖咁做功課，都就黎考試啦，唔明點解仲係咁多功課！！要快d做晒佢，夜晚冇時間做功課，因為要睇世界盃，嘻嘻

　晚餐∼

食晚餐時睇到個電視節目，我同Aki，Maun笑到差d噴飯，我真係笑到標晒眼水！個節目係d藝人鬥唱歌難聽∼咁o既節目都有........

搵左呢個節目o既片俾大家睇，雖然唔係尋日果集，不過都好好笑！！記住唔好一邊飲野一邊睇！！！

首先俾大家聽下原唱係點，咁先有得比較下ma∼∼（歌：WINDING ROAD　歌手：絢香 × コブクロ）

聽完原唱覺得點？係咪好好聽呢？之後就到節目片段啦∼∼∼哈哈。。。。

就係為左睇呢個節目，所以遲左返上房睇波！！睇左頭兩場，諗住睇埋第三場，見有時間溫下書，點知訓著左，最後冇睇到，哈∼