哎吔！以後要早d訓覺先得啦！冇Hilda Mama同Ponchi Papa剷我起身，我怕遲早有一日我會唔願起身返學＞＜

　今日有10分鐘時間食早餐，太好啦∼

蔭山老師堂要背書d對話，然後同隔離果行d同學講！本來我都記得嫁，點知隔離果行兩個同學講講下都錯左，要由頭開始再講

一俾人打亂左我就唔記得自己講乜，哈哈∼我諗我老啦，記憶有限！所以要打日記，記低自己做過乜。

　午餐食漢堡包

我都唔知呢個叫乜名，總之上面係朱古力，裡面係呍呢拿雪糕，平左50 YEN後只需108 YEN，好抵呀！！

放學後要同班主任面談，佢話我成績大約响中間，問我黎日本之前讀到咩野程度，我同佢講考左四級試，仲要係04年o既事

老師都覺得好愕然，因為班入面大部份人都係三級咁上下！其實我學過d野都唔記得晒，都唔知點解會入左呢班 = ="

　晚餐食炸魚同炸餃子，咁熱氣，攪到而家牙肉痛tim...

呢兩日冇出街响到煲＜飛女正傳＞，之前Javy同四姨媽就係因為要睇呢套野趕住同我閂眼仔，所以我要睇下係咪真係咁好睇！

晚餐食煎雞翼，不過一路煎一路後悔！因為d油不停彈出黎，而且洗煲又麻煩。算啦，鬼叫自己想食咩∼

呵呵，Hlida Mama佢地今日入左粉嶺都見唔到澄澄，好失敗呀！反而我响日本都見過澄澄三次，你地都同澄澄開眼仔見面啦

時間好似過得好快

但其實只過左兩個月

餘下o既日子會點過呢？