６月２９日，星期二

　火腿蛋三文治同蛋沙律三文治，我尋晚好俾心機煎蛋嫁！

日本d食物真係特別快過期，雪櫃盒雞蛋明明買左冇幾耐之ma(好似...我都唔記得！)，原來23號就過左期，仲要淨左5隻咁多，

所以我今日午餐食全蛋宴！同學仔見到話好高膽固醇，一日食一隻蛋就夠，不過我年青應該冇問題。慘啦，我係咪要食返d野降膽固醇？

下午開始上選修科，今日係上聽解，呢個學期逢星期二全日都要對住大西老師＞o＜　全班14人，得我，Susie，Ruby，班長黎自1F

同Susie爭吵，因為大家都覺得自己聽到o既答案先啱，結果.........我啱前半句，佢啱後半句，加埋一齊就全對啦，哈哈^^”

Papa..Mama..帥細佬今日去遊船河，真係好！！全家人就只得我一個要返學＞＜　諗起都覺得慘！！其實我都唔係第一次咁可憐嫁啦！

有次又係得我一個要返工，佢地三個就走去迪士尼玩，嗚嗚......　見佢地曬到紅晒，肯定冇好似我咁，勤力"查"防曬啦...

**大家有冇睇剛剛星期日果集獎門人? 睇左咁多集我覺得呢集最好笑！BIG 4做嘉賓，冇睇的話快d去MyTV睇返啦！！

６月２８日，星期一

黎左日本三個月啦！！ 差d响三個月o既大日子開齋遲到。平時約台灣女生們8:05AM响樓下等，我訓到8:04AM先起身，真係一額汗！

好彩我平時唔洗攪好耐先出門口，所以都只係比平時遲一班車。個個都覺得好奇怪，點解我唔係同Susie一齊返？！都係自己衰......

忍唔住睇左阿根廷對墨西哥o既上半場，所以咪唔願起身law∼夜晚唔願訓，朝早又唔願起身= =”　經過朝早咁驚險，個人即時醒晒∼

　食個貴少少o既飯盒慶祝三個月，比平時我食o既貴50 YEN嫁，哈哈∼

蔭山老師派返第十三課o既測驗卷，見到得77分好失望呀！但睇多兩睇發現唔對路，我明明啱好多嫁wor，點解會咁低分？！

後來我將d分再加一次，原來老師計錯分，我有90分先啱，足足計少左13分@@”　另外奧村老師派1-40課o既漢字測驗，我明明合格嫁！

但佢話低過平均分就要罰抄，將全本漢字練習簿抄10次！痴線嫁∼佢有冇諗過咁做勁嘥紙？抄一個漢字連例句10次的話要用一張A4紙，

全本漢字練習簿有252個漢字，即係要用252張A4紙 =O=　Hilda Mama, Ponchi Papa快d以唔環保o既理由投訴佢啦！！

今日兩場波都冇乜興趣，就俾自己休息一天，暫停睇波。至於唔睇波响到做乜？咪全晚响到開眼仔law，完全冇諗過寫罰抄，呵呵∼∼

６月２７日，星期日

冇打日記並唔係偷懶，而係呢個網有問題，由黃昏到夜晚都登入唔到！！好彩所長都遇到同樣問題，有人幫我做證，呵呵∼

　平時同Mama..Papa開眼仔好可憐，成日响到引誘我！唔係食超大隻芒果就食西瓜∼

再唔係就食雪糕涼粉！過份＞＜　我都要食呀！！天氣咁熱最好一邊啖冷氣一邊食西瓜，仲要買大大個西瓜tim呀！！

　點解切完好似得咁少o既？！因為........我一邊切一邊偷食，哈哈∼

　晚餐係蕃茄薯仔洋蔥湯粉，唔洗怕我餓親，因為呢到只係三份之一！

今日開始追TVB套＜天天天晴＞，陣容同＜畢打自己人＞有d似，不過點解有徐榮同趙永洪(畢打自己人入面o既包國仁同Marco)，

但係冇鄧永健(畢打自己人入面o既Gary)嫁？？由＜同事三分親＞開始已經鍾意睇佢地！希望而家呢套劇劇情唔好越做越悶啦∼

小K同大隻Mike打長途電話俾我，傾左半個鐘，好開心呀　7月返到香港可以打我以前手提號碼，約Ponchi Papa去跑步，行山。。。

德國4比1送英格蘭提早返屋企，明明過晒白線球證都可以當冇事，厲害！唔通真係好似預言咁，德國會係今屆冠軍？！

網上攪鬼圖片，原來個波真係唔過白線嫁，哈哈∼∼　真係好佩服d人咁有創意！！