勁深色果兜係咖喱黎嫁，顏色同味道都好奇怪！！

之前久保老師有份作文功課，題目係＜旅行的回憶＞。唔係作完就算嫁，仲要讀出黎俾大家聽！初時老師唔俾我地睇貓紙要背左佢

不過我地冇人背到，最後大家可以照住黎讀 ^^　好多人都寫研修旅行，大家都寫研修旅行玩得好開心，好鍾意1F班之類o既說話！！

旅行開心完全唔關學校安排o既行程或食宿，個個都係寫夜晚响房飲酒同玩，Yumi今日好慘呀，大家不停提返佢飲醉酒o既事

　午餐又食杯麵！係杯烏冬先啱，哈哈∼

本來今日帶飯嫁，不過尋晚肚餓得滯清晒，又懶得再煮過= ="　為左煮聽日o既午餐所以冇訓晏覺，又覺得自己好偉大！！

一邊打日記一邊睇（其實係聽） TWINS＜人人彈起演唱會＞，唔講仲以為佢地只係唱緊K@@"　我同小K仲唱得好過佢地，哈哈哈

早兩日聽到林峯首＜愛不疚＞，即時諗起銘銘同Edward仔！同佢地唱K同一首歌會聽三次以上，合唱一次加每人SOLO一次，

萬一唱得唔好再由頭唱多次，明明唔識果首歌都聽到識唱，哈哈∼好掛住你地呀！！等我返到香港一定要去唱K，打邊爐，打麻雀！

尋晚又同Hilda Mama傾到2:00AM，之後再睇多陣日劇先訓覺，所以今日訓到2:00PM先起身，我都覺得自己好似訓得過份左∼

Mama，Papa，四姨媽，四姨丈一邊食雪糕一邊同我開眼仔，仲响到話d雪糕好好味，嗚嗚，明知人地冇錢買零食仲响到引我

今日食飯冇影到相，而且又冇乜野好寫，唯有post下片俾大家睇，我諗大家都冇睇BIG FOUR演唱會嫁啦，應該冇人睇過掛！！

睇返佢地參加新秀時個look，真係"娘"到爆！！最估唔到原來張偉健都係新秀出身o既@@"　佢地臨尾個talk好好笑，大家要睇到尾呀∼

尋晚同Hilda Mama眼仔到2:00AM先訓覺，訓到5點幾醒過一次，之後9:00AM醒左訓唔返，點解我會失眠嫁？！既然訓唔著就去食早餐！

　好耐冇試過咁悠閒食早餐，平時都係趕頭趕命咁食∼∼

　成個上晝都响到整野食，整左沙律同咖喱，聽日可以訓晏d，唔怕起身冇野食！！

　晚餐係我最愛食o既雞　今日食得太多野啦∼∼

睇左＜無間道III＞，睇完覺得好亂，睇黎要睇多幾次先明白佢講乜！有冇人睇左第三呀？？不如解釋下俾我聽＞＜

　兩個傻瓜寄左個包裹俾我，郵費成九十幾蚊，你地係咪傻嫁？！@@"

由於太開心，搭電梯時忍唔住响到傻笑∼　同電梯o既日本男仔見到我傻笑，佢又响到笑，咪以為我見唔到呀！！　哈哈∼  

　超大樽榛子醬(750g)　佢地極力推介話好好味，放心，我一定買勁多麵包返黎食晒佢嫁∼

稅關檢查開過個包裹，可能佢地想睇下樽榛子醬係咩野牌子，嘻嘻！佢地唔單止冇偷食，仲好好手尾用膠紙封好個包裹tim^^

　上次大隻Mike寫錯我個名要佢罰抄，估唔到真係收到罰抄　銘銘你果張幾時交呀？？

　不過。。。。。。抄左咁多次，封信繼續寫錯law，大隻Mike你點攪嫁？！