小K同大隻Mike今日返香港啦！夜晚9點幾收到佢地o既SMS話等緊飛機，嘻嘻，收到來自澳洲o既SMS，好開心好驚喜∼ 
平時唔同台o既訊息我係唔會回覆o既！因為要錢ma......今次見係佢地兩個就破例回覆啦！期待你地返到香港開眼仔見面^3^
今朝7:55AM先落去食早餐，點知Celine仲遲過我，哈哈∼ 我地叫Susie同Joan返學先，我地搭遲一班車！同Celine撐枱腳食早餐∼
尋日發現銀行戶口數字創新低，都唔知捱唔捱到8月去韓國@@" 睇黎呢一個多月要慳d洗，食少d零食，去少d街！！
 同學仔成日都派野食，慳返唔洗買零食！！右下角係桂花芝麻軟糖，天馳同學請o既..
黑色果粒係黑糖糖，阿Tom請o既...鳳梨酥係Celine請o既，原來有芝士味鳳梨酥嫁，第一次見，唔知好唔好味嫁呢？？
 午餐食杯麵，話就話加大左，不過我覺得份量同普通差唔多！（定係因為我肚餓食太多呢？！）
睇黎我食野要用口水肩！！次次食親杯麵或者咖喱都會滴到件衫，我已經好小心咁食嫁啦，不過食完後發覺.....件衫又污糟左 
澄澄去完泰國旅行返黎啦，好想睇佢d泳衣照，要督促住細表哥快d upload相！！仲記得細個第一次搭飛機耳仔勁痛，真係痛到喊呀∼
我細個已經唔願訓覺，搭飛機去加拿大咁多個鐘都冇訓過，大家緊係諗，Ponchi Papa同Hilda Mama咪好辛苦？冇得訓覺要照顧我！！
錯啦！！最辛苦係坐後排果三個哥哥，佢地撩我玩，但點都估唔到我玩咁多個鐘都咁精神，最後佢地要輪流訓覺，輪流陪我玩，哈
 原來左上角果舊肉有得揀唔炸嫁，太好啦！！近日爆左幾粒瘡 = ="
另外黑色果兜係紅茶啫喱，上次我食完後夜晚失眠呀∼今次唔記得左又食左，唔知今晚會唔會訓唔著覺呢？唔訓著就睇世界盃啦∼∼ |
用左１５張紙，而且係雙面抄嫁∼
午餐／晚餐