８月５日，星期四

繼上一次Angel黎搵我之後，終於又有人黎日本探我啦 ^O^　同Jimmy&佢太太食飯，既開心又緊張，怕失禮Hilda Mama ma！！！

而且呢個約會真係好神秘嫁，連Hilda Mama都未見過Jimmy太太個樣，所以Mama同班同事都好好奇。估唔到第一個見o既竟然係我∼

　哈哈哈，我唔可以公開，等Jimmy自己公開啦∼

至於份結婚禮物，雖然Hilda Mama俾左提示我可以買d咩，但原來我有＜選擇恐懼症＞嫁！企响貨架前面真係呆左唔識揀，

最後我影左相，然後send俾Kaku叫佢幫手揀，所以份禮物其實係Hilda Mama同Kaku兩個揀o既，我淨係負責俾錢！！

Mm......其實都講錯左，我用信用卡俾錢嫁，所以我只係負責簽個名。至於張單，會直接寄返香港俾Ponchi Papa，呵呵

終於明白點解d人成日碌爆卡，原來用信用卡買野真係好開心嫁，唔洗帶現金响身，簽個名就走得，我都興奮左幾分鐘

晚餐去左鼎泰豐食，好感動呀，好耐冇食過小籠包啦　日本鼎泰豐水準唔錯，定係我太耐冇食過，所以無論點都覺得好味呢？

發現原來日本都有間糖朝，唔止糖水仲有雲吞麵食，不過樣樣都差唔多HKD$80-90一碗＠＠"　我諗冇香港人咁傻走去食掛！

　其實已經食到好飽，不過寮o既晚餐俾左錢嫁ma，唔食咪唔抵！終於11:00PM再食多次晚餐∼

８月６日，星期五

尋日Kaku試過樽榛子醬後立即愛上左，佢話俾佢食埋今日早餐先還返俾我，但冇理由晨咁早上黎拍我門嫁ma，未俾我鬧過咩！！

所以佢將樽醬放落我信箱，結果我一打開信箱，唔止有樽醬，仲收到銘銘寄黎o既信，唔知有冇嚇親派信果個人，明明係信箱，

但入面竟然有食物，仲要係勁大樽榛子醬　12:00PM訓醒，去郵局交錢，3:30PM訓晏覺，食晚飯打日記，過左懶洋洋o既一日

尋日同強強講電話，佢話自從黎左日本之後，同香港脫晒節，香港o既新聞全部都唔知，就連潮語都唔識多個！

好似＜o靚模＞呢個字，都係佢之前返黎香港，我同嘉威教佢先識，呢個時候就可以用以下呢個字啦∼哈哈哈......

強強真係脫節脫到離晒譜，連＜賣飛佛＞o既出處都唔知，睇黎真係要上網惡補下先得！！

不過我暫時都唔會脫節，因為我日日都有上YAHOO！睇新聞。最衰蘋果日報個網海外IP睇唔到d新聞啦∼

好消息^O^　仲有一課我就抄晒放完暑假要交o既罰抄，YEAH∼∼　今次要抄15課，真係抄到手軟

用左兩日時間煲晒TVB套＜蒲松齡＞，越睇越覺得馬浚偉同大隻Mike好似樣，真係成個餅印咁，哈哈哈

　用左一碟沙律醬，終於K.O.左呢舊魚！！

　再用多一碟沙律醬K.O.左d菜同雞

大家期待已久，董事長o既型仔相　大家都記錯左，董事長唔係俾Ｖ，係俾手指公

嘻嘻，今日好乖响到做功課，俾著以前我一定臨放完假前幾日先開始做功課，而家我就想快d做晒去旅行玩得開心d！！

今日午餐食麵包，聽日後日大後日都係食麵包！絕對唔會悶，因為我有榛子醬，士多啤梨果醬，花生醬 ^^

　究竟我係咪食緊生炒骨？！