我發左個好夢呀！！夢見黎氏家族全部人一齊黎左日本探我，場面超壯觀　唔知會唔會夢境成真呢，哈哈哈∼

呢幾日都訓都唔好，因為我好想試下改善個睡姿，訓直個人等條腰骨貼住床，咁樣條腰骨先有得休息下。

不過訓直個人的話黎黎去去都訓唔著，始終要側埋一邊，縮起個人成粒＜蝦米＞咁先訓得舒服，可能慣左呢個姿勢。

今日訓醒仲離譜，竟然係爬响到訓，個姿勢十足訓响沙灘曬太陽咁，我諗我hold住呢個姿勢好耐，因為兩邊手臂＜責＞到好痛

我d頭髮真係好脆弱，梳下頭摸兩下又甩幾條，所以地下成日都有頭髮，其實我冇潔癖嫁，不過一見到有頭髮我又忍唔住手想吸塵！！

既然開左個頭做家務又唔想停，不如洗下衫啦∼　之後又諗，既然洗開衫，不如洗下d窗簾啦∼　最後拆晒d窗簾落黎洗。

　冇窗簾好冇安全感

夜晚洗窗簾啱嫁啦，洗完掛返上去吹一晚冷氣，第二朝一早又有太陽曬，如果等我訓醒先洗，太陽都已經落左山 lu，哈哈∼

　尋晚晚餐

嘩.........呢碟魚真係超多骨，連韓國朋友仔Heran都食得好辛苦！！我諗要好似二姑丈咁鍾意食魚o既人先識得欣賞 =O=

呢幾日好想食公仔麵，不過我晏晝食麵包，夜晚宿舍又有晚餐，等左幾日終於等到星期日，可以煮公仔麵食啦∼∼

　Javy話舖頭都有呢隻麵賣，家華哥哥入得貨o既應該都唔會差得去邊！

我由細到大都係出前一丁o既＜粉絲＞黎嫁，但係上次買黎食，竟然覺得唔好味，幾經辛苦先食晒，唔通我口味變左？！

尋晚鍾氏家族聚會有乳豬食，所長仲影左張乳豬全體o既相俾我奉獻俾神，希望神保佑我抽到演唱會飛，我咁神心拜神，

冇理由抽唔中掛！！今日黎氏家族聚會有鹵水鴨同义燒，早知叫Hilda Mama影埋相，加加埋埋就係一個拼盤啦，哈哈哈

所長好醒目呀，發現左我又去郵局交錢　之前我咪俾人踢左入會o既，星期四終於收到＜會員證＞啦∼好開心

所謂o既＜會員證＞，成個鎖匙扣咁大！！去睇演唱會的話一定要帶，聽講入場時會抽查嫁，冇的話會即場＜撕票＞

　會刊，封面係NEWS，加藤成亮

　裡面有介紹April至愛，赤西仁

雖然赤西仁係姓＜赤西＞，單一個字＜仁＞，不過我比較喜歡叫佢做＜西仁＞（＝西人？！），哈哈∼∼

既然個個都叫我去睇，冇錢食飯都要去睇啦∼∼

睇下右上角，截止抽飛日期係８月６日，我係８月５日夜晚１１點幾先見到呢張野@@"

本來我想抽４張飛，多左o既就賣出去，賺返少少錢都好！不過，抽４張飛要 26,500 YEN，我唔夠錢呀

而家只係抽兩張飛，第一次抽飛，希望抽中啦！！竟然趕得切响截止前一日收到，而且９月係我生日月，應該有d運仔掛

大阪演唱會响９月１９同２０號，不過我９月２１同２２號要考試＞O＜　唔理得咁多，有加藤成亮保佑我應該會合格o既 ^^"