尋晚所長話寄左野俾我，估唔到今日就收到，日本郵局辦事效率真係高！！

　嘩嘩嘩！！！個信箱爆啦∼∼

　冇呃你，真係尋日寄，今日收到∼

　係所長至愛o既Hello Kitty人形燒

所長：日本呢邊好似冇乜鴨仔o既野，聽講Hello Kitty Land先有。不過唔係鴨仔我都一樣開心，多謝所長

　左邊自己煮，右邊買o既，就黎懶到連麵都唔煮，哈哈∼

　晚餐，唔知點解舊雞＜黑媽媽＞

　高同學俾o既，黑色果舊...竟然係用黎清潔皮膚＠＠

NEWS演唱會有消息啦！！！本來大阪得19，20號兩場，而家18號加開多一場，今日仲收到mail話可以打去聽抽飛結果，

全日文wor，緊係叫Kaku幫我打去聽，佢話抽中左18號果場呀∼∼加藤成亮　好彩大阪加開左多場咋，如果唔係冇得睇！！

不過都係唔好咁開心住，收到d飛睇下咩野位先，話唔定係山頂位，帶望遠鏡去都唔掂＞O＜　又要拜下神先得啦∼∼

韓國之旅結束啦，而家响仁川機場等緊上機！本來諗住日日更新俾大家睇，點知成日都玩到半夜先返酒店，

連訓o既時間都唔夠，所以都冇時間整理d相打BLOG，唯有返到日本先慢慢補打返啦∼

今次我地帶左三部相機，再加埋建文叔叔呢個業餘攝影師，所以影左超多相，建文叔叔影o既相超有水準嫁！！

搭飛機好慘冇飯食，每人淨係派一包仔零食就算，所以而家要去買定野食，如果唔係實餓暈，BYE BYE

終於有少少時間上網打幾隻字∼　未有時間整理d相呀，所以未有得睇住！

尋日到達韓國，發現韓國好鬼落後，地鐵站冇電梯，即使有扶手電梯又唔開，攪到我地要拎住行李行樓梯，攰到死死下！！

夜晚9點幾先到酒店check in，附近d舖頭又勁早閂門，行到11點幾先搵到餐廳食晚飯，餓到我暈咁滯！@@"

凌晨3點幾訓覺，今日7點幾就要起身，因為落雨攪到d行程亂晒，最終下午因為大家都太攰，所以返左酒店訓晏覺。

8點出去食晚飯，食完野行左陣街，又行到凌晨1點幾先返酒店，而家等緊沖涼先有時間上網，沖完涼要訓覺啦∼

因為聽日又要早起身，哈哈哈，帶電腦黎都冇時間用！！希望聽日好天啦∼∼