韓國之旅 - 第二天（８月１４日，星期六）

　早餐食杯麵，韓國杯麵好多都辣，都係合味道最好味！！

　9:00AM就出發去玩。地鐵得好少人，唔通d韓國人未訓醒？

　有d相建文叔叔執過，放大的話會懞，想睇原相就去下面條link啦∼

　呢個廁所新開張，緊係要去參觀下∼

　哈哈，响到扮香港小姐∼

　恭喜晒，你衝線啦∼∼

去旅行最掃興就係落雨

　開心玩水　 　警察都換上超搶眼o既雨衣

真係天意弄人！等左半個鐘後宣佈，天雨關係交更表演取消　落雨最好進行室內活動，所以返左去酒店附近o既商場行街。

　行到兩點幾就開餐啦 ^O^

一杯係草莓＋香蕉，一杯係蜜桃加香蕉。隻杯好靚，但後來我地發現間舖用水沖下隻杯就再用，即時覺得好唔衛生。

　炸豬扒

　豆腐海鮮湯，牛肉湯粉（d牛肉失左蹤，我都諗左一段時間先諗起果兜係乜！）

　尋晚先食完咖喱，Chubby今日繼續食！不過我都好鍾意食咖喱∼

　趁冇落雨响酒店門口影返張相先

食完野就係午睡時間。係咪第一次聽自由行會有午睡時間呢？一黎天氣唔好，二黎大家都唔夠訓，所以特別加插午睡時間，哈哈∼

　訓到7點幾又到晚飯時間，見呢間餐廳好多客，覺得一定好好味，晚餐就响呢到食啦∼

　有專人照顧幫我地燒埋，因為佢見我地唔係好識燒，怕我地燒到變晒炭，嘻嘻∼

　專人教路，用菜包住d肉黎食。辣椒下面果款菜有毛嫁，超嘔心。

　我同細佬真係有試過嫁，不過試完之後覺得唔用菜包住好味d！

　ｅｅｅ，有人餵會唔會又好味d呢？？

　＜黑媽媽＞o既冷麵，味道比我想像中好！

　嘩！！食左二十二萬五千蚊（韓圜）

　食飽仲有免費咖啡飲tim，係咪勁抵呢？！

　乜呢間舖頭咁似鬼屋嫁＝O＝

　飯後水果：冰凍蜜瓜串／菠蘿串

　飯後甜品：雪糕加紅豆燒餅

　魚形o既紅豆燒餅，多豆而且唔太甜，點雪糕食真係一流　又食到半夜一點先返酒店＞＜

＊＊如果想睇其他相，可以到以下網址＞＞　http://s876.photobucket.com/albums/ab326/MMinJAPAN/KOREA_2010/DAY2_14_8_2010/

韓國之旅 - 第一天 (８月１３日，星期五)

本來都怕自己唔知醒起身搭飛機，一早拜託其他人朝早打黎叫醒我，但原來飲完酒之後係冇覺好訓o既，最終只係瞌左兩個鐘，

10:00AM就醒左起身執行李。其實去機場都幾方便，搭JR去到天王寺再轉車就可以直達機場！搭去機場架車好攪笑嫁，

去到唔記得咩野站係會分開，頭４卡去機場，後４卡去和歌山。本來想响機場打日記，不過唔知點解入唔到個網！！

過關時要填身上有幾多錢，其實我身上得一萬YEN，不過我怕太少錢佢唔俾我去韓國，所以我填左十萬YEN，哈哈

次次搭飛機都期待隔離果個係靚仔，但次次都唔係，今次都唔例外，隔離係個阿嬸　連靚仔空中少爺都冇個，絕望＞＜

　更慘o既係冇飛機餐食，每人得杯野飲同小食一包。。。

唔洗個半鐘就到韓國啦，超快！！由於Papa Mama佢地班機早過我到，所以我地約左响拎行李果到會合！咁就唔會搵唔到大家啦∼

　終於見面啦∼∼張相緊係要大張d ^^

　Hilda Mama換緊錢，原來個個都冇韓圜o既∼∼

　Ponchi Papa：邊洗現金嫁，碌卡咪得law！！

　好多行李呀∼（帥軒條腿好長）

　 　攪到７點幾，終於搭車離開機場啦∼∼

响機場換錢，拎下資料，買T-MONEY（韓版八達通），搵下搭咩野車，响到行黎行去，咁又攪左兩個鐘＠＠＂

　買完飛就入閘啦∼

　冇位坐　 　有位坐

　唔通呢種著鞋方法係最新潮流？！

我建議大家拎住行李的話唔好搭地鐵，佢所謂o既轉綫係要行勁遠，上幾層又落幾層！！而且地鐵同站入面都冇冷氣嫁law∼∼

最慘係冇電梯同升降機，我地拎住d行李行樓梯＠＠＂Hilda Mama有艷遇呀！！有個韓國靚仔問Hilda Mama洗唔洗幫手拎

不過Ponchi Papa講左會返轉頭幫Mama拎，所以Mama拒絕左個靚仔！！　哎吔，早知我扮拎唔到企响樓梯底等靚仔幫我手啦！！

因為我件行李唔係好重，所以我自己搬左上去，下次都係唔好咁蠢＞O＜　行到去酒店已經9點幾，攰到得返半條人命。。。

　Ponchi Papa同建文叔叔應該最辛苦，因為拎住最多野∼

　呢到就係我地住o既酒店（請大家望真d個酒店名唔好攪錯）

休息左一陣10:00PM出去食晚飯，出左酒店之後我地轉左，諗住去＜又來屋＞食野，行到一半發現＜又來屋＞原來收10:00PM = ="""

冇辦法啦，唯有繼續行，睇下附近有咩食，原來酒店左邊係冇野食嫁，之後行行行，行返去酒店o既右邊食野，但好多舖都已經收左

　行到11點幾終於搵到野食啦 ^O^　我全日淨係食過幾塊麵包，差d餓暈∼∼

　我地就係响呢個商場食野∼

　d水好清，天黑都見到有魚

　呢兩張相要一齊睇o既！！

食完野行左陣，半夜先返到酒店，所以冇時間打日記，沖埋涼第一時間訓覺，因為第二日要早起身！！

我地住o既酒店設備唔錯嫁！不過洗衫房唔係層層樓都有，要洗衫的話就要去其他樓層洗。

　入到房係一個好大o既廳

　一邊係廚房　 　一邊係書枱

＊＊如果想睇其他相，可以到以下網址＞＞　http://s876.photobucket.com/albums/ab326/MMinJAPAN/KOREA_2010/DAY1_13_8_2010/

 哈哈，Celine的生日派對响８月１２日舉行，隔左咁耐先得閒補打返，好彩睇返d相都仲有記憶∼∼

　阿水房門口塊記事板，驚死人唔知我地開緊party咁！！

　係我同Susie o既傑作黎嫁

　打邊爐我鍾意，不過唔鍾意洗野，哈哈∼∼

　阿水房有遊戲機打∼

本來話7:00PM開餐，我專登唔食咁飽留肚食呢餐嫁ma，後來Thomas出左去未返所以改8:00PM，即時走返上房食麵包醫下肚先。

最攪笑係最重要o既肉類放左响Thomas房，想一邊打一邊等都唔得，後來我地發現Thomas房o既露台門冇鎖到，

真係可以爬入佢間房拎嫁，雖然只係四樓，但都係太危險所以冇咁做到，哈哈∼　住咁矮都唔鎖露台門，容乜易有賊爬入去 = ="

　終於開餐啦，由於個個都太肚餓，一次過倒左勁多落去！

　咪以為佢拎住o既係橙，其實係檸檬，用黎調酒飲嫁∼

　係得我一個飲完酒之後會面紅

Celine同Susie開始黎料啦　果時係凌晨１２點幾，佢地不停話想去卡拉ＯＫ唱歌跳舞，如果我有錢同第二日唔洗早起都可以考慮下。

　佢地兩個傻左呀∼∼∼

　Thomas個頭好可愛

唔知係大家飲得定係準備得少酒，竟然唔夠飲要出去再買。Celine真係飲醉，手軟將d酒倒左落地氈到，之後仲離譜，

倒左落阿水張床到。後來佢腳步浮浮要我地護送返房休息。玩玩下突然唔見左Susie，但銀包同電話都仲响到，

所以我地以為佢返房同男朋友傾計會再返黎玩。但係打電話去佢房又冇人聽電話，唔知佢係咪訓著左，所以我同Joan去佢房睇下。

敲極門都冇人認，真係超擔心！！Joan發現Susie隻門冇鎖，我地入到去竟然發現Susie坐左响廁所地下同馬桶做緊朋友@O@

原來Susie醉左，平時Susie好飲得，係女英雄黎嫁！今次因為唔夠訓同食得太少野所以醉左，不過放心，冇人影你相，哈哈

　我真係當自己屋企，棟起隻腳黎坐，估唔到Joan都係咁，嘻嘻∼∼

　終於見識到咩野叫＜忙到甩褲＞，掛住打機唔得閒＜丘＞返條褲！！！

　影左好多次先影到o既大合照∼