右邊果舊係煎蛋，入面有d雜豆，好豐富o既早餐。

其實我今日都唔知醒嫁，不過尋日大大隻字寫左話今日一定要食寮o既早餐，搭遲兩班車，急急腳咁返學都一定要食早餐！！

新寮長寮母好好呀，麵包放到最後一刻先收！有人過晒食早餐時間先入去，d嬸嬸都叫佢坐低食，以前實趕你走∼∼

奧村老師派返測驗份小論文，哈哈，老師好勁呀，連我自己都唔知自己寫乜，奧村老師竟然睇得明，仲可以搵到d論點俾分＠O＠

　呢個就係我煮o既午餐　－　魚香茄子金菇豬肉

第一次煮，賣相都算OK掛！味道當然好味啦，李錦記o既醬汁wor，哈哈！Leslie以為我食齋，細心d睇，真係有肉嫁！！

最後一堂讀解堂，其實我幾鍾意做閱讀理解，睇得明篇閱讀理解好有滿足感呢！所以下個學期o既選修科我都有揀讀解呢科。

放學陪Susie去買風筒，發現左好多電子相架。成日都係咁，想買o既時候就搵唔到有，買完過後先發現周街到係，激死！！

煮左兩日午餐已經好攰，因為煮午餐就冇時間訓晏覺，夜晚又夜訓，嚴重睡眠不足，所以聽日暫停一天。

Susie放學後要兼職，所以我幫佢拎個風筒返宿舍先。夜晚拎返俾佢時，佢話煮左咖喱，聽日lunch一齊食，YEAH，免費咖喱

　右邊果串感覺好微妙，一團粉上面有d超甜o既糖漿，我咁食得甜都頂唔順！

哈哈哈，今日再一次醒左之後又訓返著。哎吔！！！已經好多日冇食過寮o既早餐，聽日一定要食到！！！！！

不過我今朝都有食早餐嫁∼∼　元朗＜恆香老餅家＞o既合桃酥同咖啡，真係好鍾意食合桃酥呀！！^O^

　自備午餐：蝦仁炒蛋，烚菜

Susie話我食得好健康，哈哈，唔好俾右邊堆菜呃左！！其實唔係嫁，我整左兩隻雞蛋，超標呀∼

Susie個風筒壞左，令我諗起屋企個風筒。。。＞＜　有次我响廁所吹吹下頭突然冇左風，整多兩整跳埋掣，廁所黑晒。

我手上個風筒噴出一團火，好彩當時出風果個位唔係對住個人，後來Ponchi Papa話係個風筒漏電，冇電死我係個奇蹟！

星期六o既NEWS演唱會，最終係同隔離班o既 Yvonne去，其實我唔識佢嫁，不過有四日時間俾我地互相認識，夠晒啦∼

佢知道我有飛讓俾佢即時超開心，興奮到溫唔到書，哈哈。我地仲約左星期六早d去排除買周邊商品，好期待呀！！

　晚餐d野食都唔夠我整o既好味，呵呵∼（自大中）

預告：聽日午餐我煮左魚香茄子金菇豬肉，個名好似怪怪地= =""　大家期待下啦，嘻嘻

今朝如果唔係Susie打俾我，我真係會遲到。明明醒左嫁啦，唔覺意地又訓返著，好彩8:10AM起身都仲趕得切！！

　阿Tom請o既迷你月餅，全班一人一個，我諗都唔平∼

星期六，日download左J2 o既＜兄弟幫＞睇，其實個節目係請d嘉賓上去傾計，不過咁啱前果排七月節，攪到有幾集係講鬼故。

嘻嘻，我鍾意聽鬼故，聽o既時候唔驚，因為開晒燈ma　但夜晚熄晒燈時又好似驚驚地，哈哈，又要驚又要睇，咩野心理？！

今日又派左張紙叫我地揀下個學期o既選修科，弊啦弊啦，又要煩啦∼等我慢慢研究下先！！

聽日自備午餐，有菜同蝦仁炒蛋，大家聯唔聯想到咩野樣呢？就係好好味o既樣啦，哈哈∼∼