嘻嘻，尋晚o既PARTY係我最愛o既打邊爐，印象中呢幾年生日都係去打邊爐！！上年生日同BU o既同學仔去食意大利菜，超正∼

同銘銘，泰泰，Edward仔慶祝就係打邊爐。本來以為黎左日本就冇得打邊爐，點知都有得打，不過食o既野當然冇香港咁豐富啦！！

尋晚大家掛住食淨係影左幾張相，收集左再post俾大家睇！俾大家發現左我冇停口由頭食到尾tim，哈哈，打邊爐我可以食好多嫁

　Susie同Leslie送俾我o既禮物，超可愛，超大隻，超好攬，THANK YOU

Susie,Leslie响我房同Hilda Mama開眼仔，大家都話Hilda Mama好後生，Hilda Mama一定好開心啦，有冇開心到訓唔著覺？？

半夜５點幾突然行雷閃電超恐怖！！第一時間send mail俾Susie，有加藤成亮（張海報）同d公仔陪住我，即時冇咁驚

到７點幾Susie覆我話佢唔覺得行雷嘈，因為佢間房入面仲嘈，Leslie d鼻鼾聲仲嘈過行雷，哈哈，笑死我∼∼

　午餐，d薯條係咪煎得好靚呢？！

今日我生日，我緊係唔會虐待自己，一定要煮返餐好o既俾自己食！！

　湯，裡面有菜／豆腐／豬肉／粉絲／金菇／蜆

　上面咁大煲緊係食唔晒啦，淨係食左左手邊個煲仔咁多啫∼

　蝦，由於我冇信心，所以今次暫時用住干燒明蝦醬先，下次先整茄汁蝦！！

大家成日都話我間房白雪雪好悶，所以我將高同學送俾我o既狗仔月曆撕開一張張貼响牆到，即時多左好多色彩∼

其實月曆係其次，最想睇係d好可愛o既狗仔，嘻嘻，隻隻都好得意，日日對住人都開心d！唔夠位，只可以貼住頭6個月先∼

仲記唔記得我講過，正日生日果日可以响Johnnys個官網到睇生日message？！我唔止睇，仲偷偷地用相機錄起左^^

初時我以為係一隊人一齊講聲生日快樂就算，原來係分開每個人錄嫁，不過NEWS明明有六個人，但少左一個人o既片段law∼

好彩唔係少左加藤成亮，如果唔係我實發火打去Johnnys事務所鬧佢

我聽過最好聽o既生日歌，就係加藤成亮唱o既，哈哈

呢個係同加藤成亮好好朋友o既小山慶一郎。小山先生，究竟你係咪唱緊歌？！

其他我唔放短片啦，因為佢地講一大堆日文都冇人聽得明，放張圖俾大家睇下∼

　大家都話靚仔o既山下智久

左：手越祐也，佢個髮型佢套衫，我都唔知佢想點！！＝＝＂　右：增田貴久　雖然佢兩個外表奇怪，不過係NEWS入面唱歌最好聽！

想偷錄俾Yvonne睇，偏偏就係冇左Yvonne最鍾意o既錦戶亮果段片，I'm so sorry....................

９月２１日，星期二

大考終於到啦！！上次考試有八十幾分，今次o既目標係過１００分　初時做份卷都OK，雖然有d答案唔太肯定寫得啱唔啱。

之後到口試，完全死左　因為聽唔明個老師問乜，唉！！上次我有聽錄音帶答問題，今次考得差老師唔比我聽錄音帶呀！＞＜

雖然上次聽錄音帶只係拎左５分，有d同學有聽但一分都冇，不過上次有得聽，今次冇得聽感覺好似退步左，好唔開心呀

考完試大家去唱K幫天馳同學慶祝生日，不過我睇NEWS演唱會用得太多錢啦，所以冇去到！返到宿舍收到個包裹。。。

　嘩嘩嘩∼∼好大個呀！係Ponchi Papa寄俾我嫁∼^^

睇下入面有d咩野先

　上面貼左張紙，應該係姑姐送啦掛∼　嘻嘻，多謝

　入面係小鴨o既筆袋同布，哈哈，好可愛呀！又唔捨得用啦

　二姑媽送o既杏仁餅，唔知係咪有大大粒杏仁嫁呢？　多謝

　YEAH∼有新o既小鴨水樽用！仲有小鴨月曆，有兩個月曆，可以開一個用^^

　唔止用品，仲有食物！一睇就知响韓國買o既，哈哈∼

　竟然有燈籠＠＠　OKOK，我夜晚唔開燈開燈籠！！

　超可愛o既生日卡，見到即時叫左出黎　佢個名叫＜朱古力LUCKY＞

＊＊　後補：仲收到董事長同大姑媽俾o既利是，多謝^3^　＊＊

本來考試考得麻麻地唔係咁開心，收到咁多禮物即時開心晒，多謝各位∼仲要多謝Ponchi Papa，Hilda Mama，帥軒

　午餐，炸蝦同炸魷魚買嫁，我冇咁厲害响房炸野食。

　嘻嘻，貼好左加藤成亮海報啦，日日都可以望住佢

＊＊今日係德姨丈生日，我打電話同德姨丈講生日快樂後，同三姨媽傾左兩小時電話，傾到差唔多3:00AM先訓覺！＠＠＂＊＊

９月２２日，星期三

祝大家中秋節快樂∼

香港天氣如何？！賞唔賞到月？！

打住咁多先，趕住落去開PARTY∼∼　幫我同阿水慶祝生日，仲有幫Celine FAREWELL，佢聽日就走啦，唔捨得＞3＜

好多日冇認真打日記，日日淨係掛住訓覺...睇劇...望住加藤成亮...哈哈∼　呢d就係演唱會後遺症，Yvonne都有呢個病

９月１７日，星期五

果日係前期末試驗，就係因為考試唔洗帶咁多野返學，所以我換左個袋，結果張車飛漏左响舊果個袋到

本來我諗住搭23分班車，但後來我返上房拎返張車飛，攪到要搭29分班車，返到學校一坐低就打鐘，真係好驚險＝O＝

　明明朝早好悠閒咁食早餐，最後都係要趕頭趕命咁返學.......

　考完試同Susie，Iku，天馳同學，旭同學去心齋橋食＜一蘭拉麵＞

　溫泉蛋加 100YEN　 　拉麵 780YEN

聽講＜一蘭拉麵＞好出名，全店只有一款拉麵，一定唔會叫錯！！味道OK，不過又冇佢地講到超級好味！普普通通啦∼

　同Susie行街見到超可愛o既蛋糕，真係唔捨得食∼

　下午茶，朱古力卷

嘩！！！呢個朱古力卷真係好好味∼∼聽講學校附近車站都有一間！！下次有d咩野慶祝可以買黎食，唔洗次次食＜鬍鬚爸爸＞

　晚餐只有10分鐘時間食！因為趕住9:00PM開枱同Kaku，阿Tom，Ruby打麻雀，哈哈∼∼

本來諗住响麻雀枱贏返d錢買演唱會商品，點知事與願違，輸左240YEN　d牌弱到呢...真係用AA超能膠都痴唔埋！！

好彩我醒目唔做大牌，食下d三番牌咋，如果唔係輸得仲多！！肯定係因為高同學搭過我膊頭所以輸錢！！

９月１８日，星期六

同Yvonne睇NEWS演唱會，早出晚歸！

　午餐响DOME裡面o既餐廳食，午餐SET有烏冬同豬扒飯∼

　晚餐自己煮，雜菜味螺絲粉，好似好健康咁，哈哈∼∼

９月１９日，星期日

　午餐豬扒煎蛋意粉，煎完豬扒間房超大陣味，不過超好味，所以值得

　晚餐西蘭花炒肉片，用魚香茄子個醬炒，哈哈，完全係亂配搭∼∼

９月２０日，星期一

　咪以為呢個係早餐，其實係早餐加午餐加下午茶，哈哈，訓到1點幾先起身＞＜

個麵包係高同學請o既，個麵包好軟，入面好似係乳酪，唔......其實食完都唔知係乜，好難形容，總之就好好味啦

　晚餐食西餐，煎豬扒配薯菜！因為食有皮薯條所以買左樽茄汁∼∼

嘻嘻，有咁大樽茄汁，好想整茄汁蝦呀！！有冇人知道董事長o既茄汁蝦秘方呀？？

　粟米湯，沖熱水就飲得，超方便∼

　有冇人同我一樣，覺得蛋卷碎先係成罐蛋卷o既精華，仲要用匙羹＜筆＞黎食？！