９月１８日，星期六

嘩哈哈∼∼∼期待已久o既NEWS演唱會終於到啦！！演唱會6:00PM開始，我同Yvonne 11:00AM已經去排隊買演唱會商品。

　京SERA DOME大阪，可以容納５萬５千人。

俾大家睇下我買左d咩野演唱會商品∼

　加藤成亮海報，其實好大張嫁，貼完再影俾大家睇∼

　加藤成亮文件夾，連背面都咁靚！

　加藤成亮應援扇，個名長真係著數d，多幾種顏色，哈∼

　手燈，睇演唱會冇燈或螢光棒好似怪怪地！

 　T-shirt，有d珠仔閃閃令好靚！

　得一個size，肥d都著唔落！！個個都讚呢件衫好睇！！^^

　其實把扇好大把　 　左邊係Yvonne鍾意o既錦戶亮

　入面唔俾影相嫁，不過都偷偷地影左，哈哈

等我為大家講解下個舞台啦∼∼

大家見到紫色箭咀，有六個白色汽球o既位置嗎？！果到就係正舞台啦∼　果六個汽球個設計好似氫氣球咁，NEWS企响下面個籃到

之後個汽球會升起，升到同我地位置差唔多高，然後繞場一周，加藤成亮個汽球仲停過响我地前面，果時睇得超清楚！！！

而藍色星星位置都係舞台，响中間個四面舞台時佢地會圍圈，而响近我地個舞台時就會面响我地呢邊，下面d觀眾唯有望大電視∼∼

每個舞台都可以升高，所以連上面d觀眾都可以睇到樣，唔洗淨係睇個頭頂，哈哈！！事務所真係好識得照顧粉絲∼

至於紅色箭咀其實係通道黎嫁，由正舞台跑跑跑，可以圍住個場跑一圈，佢地成日周圍跑，所以坐下面d觀眾要周圍拎，都好辛苦！

　我地個位已經好好，樓上果d仲遠！！

　開show前／後，好彩冇走樣！！

演唱會好準時6:00PM開始，9:00PM完，好彩我去演唱會之前有做功課，聽左佢地早幾日出o既新碟，所以大部份o既歌都識∼∼

下次睇演唱會的話可以唔洗咁早去排隊買演唱會商品，今次我地由排隊到買完只不過用左４５分鐘，超快！！！

但有一樣野一定要早d去排，就係廁所！！因為場內９成９都係女粉絲，我排左５０分鐘先去到廁所＝O＝

總結：

海報：８００YEN　　文件夾：５００YEN　　應援扇：５００YEN　　T-shirt：２,８００YEN　　手燈：１,３００YEN

買演唱會商品總共用左５,９００YEN（HKD$５３０），加埋演唱會飛６,８１０YEN，成個演唱會用左HKD$１,１５０

仲未計坐車去場地，食午餐o既錢，好彩佢地一年先開一次演唱會，如果唔係多多錢都唔夠！！！！

雖然我生日仲未到，不過已經收到生日禮物啦∼∼超開心

　小KK同大隻Mike寄俾我嫁！

 　小鴨o既筆記簿，小鴨扮消防員，哈哈∼

　內頁都好得意，真係唔捨得用！！

見到坐車果隻小鴨，令我諗起帥軒細個！哈哈∼　帥軒你仲記唔記得Koeman送過架豬車俾你？？你成日坐住佢通屋走∼ ^^

　仲有小鴨月曆，每個月都唔同嫁！

　２月新年同７月玩水果張太可愛啦！

　超愛６月賽龍舟同１２月聖誕節∼

當然仲有小KK寫o既情信啦，嘻嘻^3^　多謝小KK同大隻Mike，不過實在太靚啦，真係唔捨得用，只會用黎收藏！

　第二份禮物係高同學送俾我o既！

　仲記唔記得我之前講過好得意o既狗仔月曆，就係呢個啦∼∼∼∼

　每個月o既貴婦狗都唔同∼

　好得意呀！！　多謝高同學 ^O^

今日係文熙軫小朋友１９歲生日，lunch o既時候我同Susie，旭同學去左買蛋糕。近鐵百貨最多蛋糕買，但今日竟然做特賣，

要有入場券先可以入去買野，攪到我地要搵其他地方買蛋糕！最後我同Susie得返８分鐘食飯，掛住食唔記得影Susie整咖喱tim＞＜

　大家都激讚好味！！

放學俾阿水捉左我同Leslie陪佢去買GAMES，聽日考試今日買GAMES，返到去實忍唔住打機啦，仲邊會溫書丫∼

返到宿舍發現房門冇鎖，真係嚇左一跳＠＠＂初時我以為係自己今朝出門口冇鎖門，後來醒起出面貼左張通告話今日有消防檢查，

我地唔响房的話寮長會用後備匙開門入黎。咁即係唔係我今朝冇鎖門，而係佢地檢查完冇鎖啦！超離譜，好彩冇唔見野啫。

　早餐好得意呀！响方包上面舖芝士，洋蔥，火腿，整到成塊PIZZA咁！

　午餐食完咖喱晚餐又食！夠啦夠啦，我呢一個星期內都唔會再食咖喱∼＞＜

＊＊尋日溫書溫到兩點幾先訓，訓左一陣發現身體郁唔到，又俾鬼責＝＝＂係咪呢排睇＜兄弟幫＞聽得太多鬼故？！

當時真係驚驚地，郁得返就即刻SMS俾Susie，不過佢已經訓左冇覆我。到佢朝早問返我o既時候........乜都驚完lu........