最近有個台灣女仔成左名，人氣大增無人不曉！！無論响宿舍定係學校，都好多人討論佢。大家唔好誤會，並唔係因為佢生得靚，

而係佢返學時o既衣著太突出，唔止著和服，入面仲要著件長袖衫或牛仔褲。今日仲勁∼∼竟然玩cosplay，一定要俾大家睇下！！

　尋日　 　今日

聽講佢唔止返學咁著，連落去飯堂食晚飯都係咁，所以响我地宿舍都好出名！！連cosplay都出埋，唔知聽日攪邊科呢？！？！

朝早永井老師堂又唱生日歌，今次係Apple生日，lunch時我同Susie去買曲奇餅請Apple食，買餅時我地不停試食，嘻嘻

壞消息∼∼∼老師突然話後日測第一課，升班後第一次測驗，呢兩日要溫下書，第一課都幾多野嫁，我唔想第一次就唔合格！！

今日o既午餐同尋日一樣，不過我好白痴呀，唔記得帶餐具，最後我先食麵包，等個女仔用完隻匙羹再借俾我用，哈哈∼

放學返黎煮聽日o既午餐，之後打掃房間，咁就用左幾個鐘！！而家10點幾啦，係咪應該開始溫下書呢？？＞＜

　我諗＜人家＞整o既會比較好味∼∼

１０月２４日，星期日

我地班新黎o既韓國同學約食午餐，不過今次攪得唔係好成功，得8個人去，而且仲要分開坐傾唔到計，下次要d早約兼訂位！！

其實本來有幾個建議，但我地覺得食烏冬蛋包飯呢d太普通，既然咁難得出黎食飯，緊係食d大家冇食過o既∼

　最後選擇食泰國菜，1,200 YEN一位

我覺得水準一般，味道唔太似泰國菜，甜品最好味！！不過間餐廳好失敗，竟然連最普通o既椰青都冇，點會咁嫁＝＝"""

食飽同學繼續下場活動去唱K，我同Ruby唔想唱K就去左行街，行左兩個鐘毫無收穫，等阿水出到黎陪Ruby行街我就功成身退返歸∼

　晚餐懶得煮，簡簡單單煮左d意粉同菜，其餘响超市買o既∼

１０月２５日，星期一

　終於知醒起身食早餐，久違了！

　自製午餐，榛子醬／蛋沙律三文治，粟米著蓉，烚菜

突然醒起，所長都買左樽榛子醬嫁bor，唔知所長食晒未呢？？我果樽就黎食晒啦∼∼

　Ryan响班房自己捲煙，睇到個個O晒咀！！

佢話因為一包包o既煙好貴冇錢買，所以自己捲煙，都唔知應唔應該讚佢啦！！其實冇錢買煙戒左佢咪仲好∼∼

　上星期o既課堂功課，原來要貼响牆o既，早知唔畫咁大個心心啦

哈哈，其實係因為寫完d字後淨左好多吉位，所以幫NEWS同加藤成亮賣下廣告，相信班上冇人唔識佢地，嘻嘻∼∼

　左上角果兜味道好似龍蝦丸，用黎打邊爐一流呀！！！

大家係咪好想知道希拉利幫Hilda Mama，Ponchi Papa拎左d咩野支援物資俾我呢？！話俾大家知啦∼

所長，收到盒巨峰餅啦，多謝^O^　睇落似草餅，食落似啫喱。仲有我好鍾意o既樂家杏仁糖，香港同學個個見到都讚好！！

豬骨湯粒，煮烏冬啱晒！！落一粒就攪掂，至啱怕麻煩o既我！！

即沖芝麻糊，就快冬天啦，仲啱就係食糖水，食完個人肯定暖笠笠∼

輕便裝枇杷膏，雪凍黎食一流，有佢喉嚨痛就有救！！

李錦記醬料，完全係救星，煮餸唔洗自己調味，淨係落個醬就OK，超方便∼

終於等到啦∼∼∼臘腸膶腸　好想食臘腸蒸雞，Thomas叫我唔洗買調味料醃雞，問佢借就得，仲可以教我醃埋∼∼

手機吊飾係Ponchi Papa上次去韓國比賽時o既記念品，我用緊果個係夜光嫁！仲有紮頭髮用o既橡筋，好得意呀∼

等我扮遊客，幫Ponchi Papa拎d香港消防處o既杯墊去日本o既消防局交換禮物先，哈哈∼

其實佔得最多位o既係衫，厚褸同牛仔裙，不過我唔影出黎啦，淨係影一件Hilda Mama新買俾我o既衫俾大家睇。。。

係咪好靚呢？！我諗Susie見到一定好鍾意∼∼因為佢媽媽唔準佢用有骷髏骨頭圖案o既野，好嚴厲o既媽媽＠＠

　午餐o既烏冬就係用豬骨湯粒煮嫁啦，好味到連d湯都飲埋！！

　晩餐食疑似鹵水雞，真係好想問下d嬸嬸點樣整個汁∼