今日第一日開始上堂，大家都仲未收捨心情，特別係上午坂詰老師o既堂，老師講野真係超慢，個個都話聽佢講野好辛苦，

不過我就覺得OK，因為有加藤成亮 (個文件夾) 陪住我，所以全程冇瞌過眼訓冇遊過魂，好留心咁聽書，果然有靚仔望人都醒神d

　午餐食三文治，藍莓味乳酪，仲要係0脂肪嫁！！

下午澤井老師堂，個老師都幾攪笑，而且老師好鍾意畫畫，之前初級本教科書入面d圖全部都係老師畫嫁，唔做漫畫家嘥晒！

　點名o既時候仲即時畫我地個樣∼

開始返學又過返d早起身，放學後要訓晏覺o既生活，訓左三小時晏覺，真係訓到唔想食晚飯！！

夜晚有人自投羅網打黎話我知去緊便利店，即時叫佢幫我買雪糕，哈哈　出面落大雨，黎緊三日假期邊到都唔想去＞＜

終於都升班啦！！一年級時有A至G七班，二年級得返A至Ｆ六班，我地由1F升到去2E，其實我地班算好叻，冇人跌去低d o既班，

1G班有三個同學跌左黎我地班，我地班o既Mira，Judy，Kelly就升左去佢地班。不過佢地三個都唔想升班，想同返我地一班，

老師話一班最多20人，我地班已經18人，即係只有兩個可以返黎，真係天意！！冇理由淨低一個嫁啫，最後佢地決定三個一齊升班！

俾大家睇下我o既成績∼

我地教到去＜初級後半＞，總括黎講教過o既野我都識嫁！筆記總分比上次進步左少少∼

今次衰响口試，我真係聽唔明個老師問乜law　雖然總分有進步，不過其實我今次o既目標係過100分，失敗左＞＜

黎緊12月又要考試，下次我o既目標係過110分，只要口試時唔好啞左應該冇問題o既∼　努力加油！！

新班主任叫永井老師，佢根據點名紙o既次序安排坐位，其實我好鍾意而家個位嫁，一黎坐响後面，二黎坐最側邊，

不過天意弄人！！我最唔妥o既人竟然坐我後面　我成日都提心吊膽驚佢整我d頭髮！再敢整的話肯定發火鬧佢！！！！！！！

　午餐牛肉飯，250YEN

　嘻嘻，最後衝刺去玩！！第四次USJ之旅∼∼

　周圍都係＜哈佬喂＞裝飾！

　連d公仔都要換衫@o@

　大家覺得食雞脾同補防曬邊樣重要d？！

　玩完呢個之後pat pat濕晒，濕到夜晚返宿舍都仲未乾＝＝＂

嘻嘻，雖然 1,400 YEN（HKD$130）有點兒貴，不過好可愛呀！！裡面係滿滿o既爆谷食完仲可以用黎裝野，都幾實用丫∼

企响我後面白色衫o既就係班長，佢超攪笑，玩有個要濕身o既機動遊戲時竟然除衫，衝落水o既時候會影相，

班長竟然對住鏡頭舉高手谷行隻老鼠仔黎影，哈哈！！我地幾驚因為佢露點所以張相唔出得街，好彩最後都出得街，

班長仲買左張黎留念，本來我同Susie都想買，不過 1,200YEN（HKD$110）一張相實在太貴＞＜

玩到5點幾就走人，黎左四次都未睇過巡遊，次次都玩得太攰，下次一定要留返d體力等到夜晚睇巡遊∼∼

　栗子飯　 　勁多骨o既魚

　呢埋究竟係乜？關東煮？

食晚飯時飯堂突然停電，聽講房冇停電，不過突然上唔到網，唔知係咪太多人住負荷唔到呢？！

　又係高同學o既手信－牛舌餅

差d俾寮長發現我去三樓（男仔樓層），好彩我冷靜機智，見寮長行入電梯，我即時伸手按埋二樓，扮晒三樓唔知邊個按o既，

咁啱三樓一開門有個男仔行入黎，佢先冇懷疑點解部電梯無啦啦响三樓打開門，哈哈∼∼

１０月４日，星期一

早兩日見到今日o既早餐有咖啡啫喱，超想食，點知唔知醒食早餐，激死我啦！！Heran 7點幾時有send mail同我講仲有咖啡啫喱食，

叫我快d落去食早餐，可惜我訓到9:00AM先見到個mail　整理強強之前俾我o既筆記，唔怪之得箱野咁重，佢真係乜都拎晒俾我＝＝＂

我丟左好多冇用o既野，廢事阻地方，哈哈∼不過一路執，一路諗返起果日搬箱書o既慘痛經歷

　救命！！！我咬親個咀損左，點知晚餐食酸野，真係痛到想喊＞＜

１０月５日，星期二

去大阪城玩，詳情請睇返前一篇日記∼　補返幾張攪笑相！！

　我冇吹水，豪姐姐幫我地影相時個動作真係咁嫁！！

　原來Joan都有扮Model，哈哈∼　 　傻o既Leslie

　我地係今年o既新人組合＜傻傻地＞

　睇返都覺得白痴，哈哈∼

　我地尚未有粉絲同我地握手，但呢位大明星竟然有粉絲∼∼

　正常洋食早餐冇湯嫁，份量真係超少！！

　晚餐舊雞超鹹，100%肯定佢好鍾意睇鹹片＝＝＂

１０月６日，星期三

最後一日假期啦，聽日又開始返學，講真......真係有d唔想返學　不過放假冇乜機會聽同講日文，好易唔記得晒學過o既野，

所以都係唔好放咁多假，嘻嘻∼　好緊張呀！聽日開學就會知道大家讀咩野班，我唔想同Susie分開，希望有同宿舍o既人讀同一班啦∼

　本來我個甜品係橙味啫喱，後來橙味啫喱冇晒，

甜品換左做咖啡啫喱，我超想食，好彩有Heran同我交換^^　我唔鍾意男女搭枱坐呀！！攪到我同一個我唔鍾意o既人同枱食飯＝＝＂

　高同學o既手信。　高晨凱...偷睇我o既機密野...我會記住你！！！！＞＜