話咁快假期又接近尾聲，星期四就開學啦！！難得今日Susie唔洗返part time，一於約齊人出去玩！！YEAH

 　黎左日本半年，第一次黎大阪城

　好可愛o既小朋友，被迫坐响到影大合照，個個都目光呆滯∼

第一站：大阪國際和平中心

　媽媽抱住個ＢＢ　 　古銅錢

　一噸炸彈模型　 　因火災溶解左o既朝鮮鐘

　坐定定等睇電影

　裡面都有提及南京大屠殺

　午餐時間，介紹下今日o既團員先∼

**由外至內**　左：Susie，Joan，Rocker（Joan同班同學，剛搬到我地寮住），Yvonne　　右：Leslie，豪姐姐（Joan同班同學）

　我的午餐，烏冬加牛肉飯，750 YEN

　其他人o既午餐都好似好好味∼∼

　天氣超好，影出黎超靚！！

　豪姐姐幫我地影相時o既動作，笑死

　環境超寧靜∼

　大家都黎洗洗手啦！！

　大阪市立博物館，不過我地今日冇入到去！

第二站：大阪城天守閣

　之前去過和歌山城堡，神戶姬路城堡，我覺得大阪呢個最靚！！

　放心，唔洗行八層樓！電梯可以直達五樓，只需要行三層啫。

　風景好靚

　Leslie同豪姐姐响地下等我地∼

　有得蓋印，不過冇乜顏色，要好大力先得∼

　所謂o既庭園，只係得塊草地？！

　哈哈，本來話玩捉迷藏，後來影完佢相後又冇人同佢玩∼

　300 YEN一杯

天氣咁熱，最好緊係食雪糕，好好味呀！！　左（Susie o既）：栗子味　　右（我o既）：巨峰提子+雲呢拿味

　我同Yvonne都用NEWS演唱會商品，購物袋 1,000 YEN，用呢個袋去超市買菜都幾型

Model篇

　重點係豪姐姐隻腳同Leslie o既眼神

　Susie真係可以做Model啦∼

傻仔篇

仲有d相响Rocker到未收到，當中都有白痴相，收到再同大家分享！ 

難得強強星期日唔洗返工，一於約出去玩！！可惜天公不造美，竟然落雨　好彩我地今日去o既地方唔係戶外嫁啫∼∼

　第一站：杯麵發明記念館，入場費全免。

　呢隻小雞好可愛呀∼ ^3^

　裡面周圍都可以見到杯麵

　五條問題，答對四條就可以得到記念品一份

我同強強玩左好多次，誓要拎到份記念品先肯收手。哈哈，真係玩到識背某幾條答案！記念品係簿仔一本∼

　原來杯麵個底部係＜吉＞嫁！！

自製世上獨一無二o既杯麵

１＞＞   　用３００YEN購買一個杯

２＞＞ 　用水筆畫圖案

　　　 　畫左一小時，終於畫好啦∼

　　　 　哈哈，我畫到隻雞好＜怪雞＞

　　　 　因為我唔會開黎食，所以一定要寫低入面有咩材料

３＞＞ 　可以响呢到揀四樣材料放入個杯麵到∼

　　　 　首先放個麵入去！

　　　 　準備放材料啦！！！

　　　 　雞仔形o既魚蛋

　　　 　車打芝士粒

　　　 　叉燒粒

　　　 　蝦

４＞＞ 　將杯麵封口

５＞＞ 　用保鮮紙包住外層

　完成啦

午餐強強請食飯，我食果個餐 ８３６YEN嫁，有返part time果然豪爽d！！多謝強強

　強強食完唔夠飽，仲叫多個甜品∼

　並唔係普通漢堡扒，入面有芝士

食完午餐就由池田搭車去寶塚，原來寶塚係响兵庫県，我由奈良県搭車去大阪市再去到兵庫県，聽落都覺得遠！

　第二站：手塚治虫記念館，入場費 ７００YEN

　咁多個角色最多人認識應該係小飛俠∼

　學畫動畫！！個職員會俾兩張紙你，先响第一張紙畫個公仔，再將第二張紙放响第一張紙上面，

印返第一張紙個公仔落去，你想個公仔邊個部份郁o既，就响第二張紙個公仔到畫，唔郁o既部份照印返落去就OK！！

　我畫個公仔睜大眼同瞌埋眼

之後個職員拎去入電腦，然後响電腦到就會見到個公仔郁嫁啦∼∼

　係咪好得意呢？？

　知唔知呢個可愛妹妹係邊個？　 　佢個頭＝＝＂

　個簽名好型呀！

　真係畫得好靚∼

响記念館門口撞到兩個香港人，佢地話响心齋橋識左個男仔，原來果個男仔係強強個朋友，哈哈，呢個世界真係好細＠＠

由大阪站搭返奈良大約要半小時，我不停釣魚，個頭撞左埋玻璃窗兩次，好彩坐隔離個男人都訓著左，冇人發現，嘻嘻

晩餐食餃子／豬肉／菜／粉絲／蟹柳。仲以為呢隻貴d o既蟹柳好味d，原來唔係嫁！！＞O＜

１０月１日，星期五

今日係國慶日，大家都唔洗返工返學bor，去左邊到玩呢？有冇好似所長咁去睇煙花呀？？

我就訓到下午先起身（當然啦，冇乜緊要野我都唔會早起身！）煮左d螺絲粉食，之後就出左天王寺買重要野

由於我張車飛過左期，所以要問Joan借車飛出天王寺（學埋晒Kaku d衰野tim，哈哈）7點幾返到寮諗住去食堂撞下Joan啦∼

點知佢已經食完飯返左房！還完車飛俾Joan後等到8點幾先落去食飯，真係嚇親@o@　而家飯堂完全俾台灣人攻陷左！！！

我7點幾入去時見佢地已經食完飯，到我8點幾再入去時佢地仲响到吹緊水，超強　呀！！！有樣野左漏左冇提到∼

而家寮進步左！！食飯時唔洗分開男女坐，男仔同女仔仲可以傾計，不過唔俾去異性房間呢個規矩就冇變！（我地成日都犯規，哈∼）

　晚餐睇個樣就知味道如何＝＝＂

Kaku間房有小強呀！！！！不過佢好叻仔殺左隻小強，因為隻小強由玄關爬緊入佢間房，唔趕緊殺左佢就大件事啦∼∼

但係殺完之後又話有陰影，又話嚇到訓唔著覺，哈哈　其實同我講冇用嫁wor，我又唔敢捉，只會可以幫你嗌同驚埋一份！！

１０月２日，星期六

今日因為重要野所以要早起身！！唔好問我重要野係咩∼∼遲d先話俾大家聽！！

　早餐有蟹肉丸，我覺得個味道似龍蝦丸，哈哈∼

响網上發現左首好攪笑o既歌！！＜回家都會看到我的妻子在裝死＞

真人真事黎嫁！雖然個妻子好好笑，但諗深一層其實有少少變態！！

　下星期一 o既晚餐又係魚＝O＝

响電梯發現隻昆蟲，仲要識飛o既，攪到我搭電梯時超驚，我驚佢跟住我返房＞O＜，希望聽日唔好再俾我見到d咁恐怖o既小動物！！