哈哈，估唔到食早餐o既日子只維持左兩日，今日又再次食唔到早餐，不過我都有响房食少少野先出門口∼

頭兩堂好寂寞呀！！因為坐前面o既旭同學，坐右邊o既文同學都冇返學，唔好以為佢地病左，其實只係唔知醒

後來文同學返黎上堂，佢坐左响旭同學個位到，哎吔！！明知自己個頭大就唔好坐响我前面啦∼完全遮住晒白板law

　午餐難得同Susie出去食，親子丼，600YEN

大家知唔知咩野係親子丼呢？！淨係睇個名大家可能會誤會，以為係親子一齊食！其實都差唔多，不過唔係一齊食，

係一齊俾人食！！親子丼入面有雞肉（親）同雞蛋（子），親子一齊俾人食，嘩∼∼∼仲殘忍過煲仔飯呀！！！

另外仲有他人丼，入面用o既係豬肉或牛肉，因為豬／牛同雞蛋冇關係，所以殘忍程度冇咁高，哈哈∼∼

尋日旭同學見我玩數獨，叫我教佢玩，原來佢部手機有數獨玩嫁，而家佢上左癮，同我講話好好玩，都話玩遊戲係會上癮嫁啦！

同KK，大隻Mike响MSN傾計，好耐冇見，好掛住你地∼　黎緊有個計劃，就係去澳洲探你地，希望成行啦！！ ^3^

　呢兜勁似蟲蟲o既物體......其實味道唔差，唔好俾佢外表呃左

嘻嘻，原來天氣凍個個都會變得懶訓！！平時好早食早餐o既Susie，尋日冇時間食，今日又好遲先食，變到同我一樣趕頭趕命∼∼

　班房無端端出現左張招聘∼

內容：只需收貨物！任何人都OK！一件貨物 1,500YEN！　好可疑呀！！會唔會係收d唔見得光o既貨物？！

　人地話天氣凍冇乜胃口，我就相返超想食野，特別係朱古力！！！

尋晚諗住早d打好日記就溫書，點知都係攪到夜媽媽先開始溫書，我真係溫晒先訓覺嫁，不過今日測驗都係有d唔記得，

記憶力開始衰退＝＝＂雖然有d唔識，但都有信心合格o既！！今日又學左新生字，好難呀，點先可以記晒入腦呢？！

放學經過Mister Dount見到做緊特價，冬甩100YEN，即時忍唔住同高同學走左入去買黎食，哈哈，太吸引啦∼∼

　迷你冬甩好可愛！！三款都好好味，嘻嘻

　晚餐食天婦羅∼　今日超晒標，要做下運動先得啦＝O＝

１１月１０日，星期三

今日氣溫得返７度，真係好凍呀！！已經好多日懶床唔知醒去食早餐，今日終於知醒食早餐，嘻嘻，要俾個＜叻＞字自己！！

　天氣凍緊係要食多d野！！lunch食左好耐冇食過o既飯盒∼∼∼

午睡唔可以訓太耐，因為聽日要測驗，要早d食完晚餐之後溫書，雖然個測驗唔係好重要，但都唔可以唔合格咁樣衰嫁ma∼＞＜

　甜品有丸子，高同學請o既，好味！！

１１月９日，星期二

朝早又懶床攪到冇時間食早餐，寮長見我日日都趕頭趕命，終於忍唔住開口問我有冇食早餐！！原來寮長記得我叫咩名，好驚＠＠

寮長話朝早唔可以唔食早餐，食早餐頭腦先會清醒d，寮長講到出口，即係叫我聽日早d起身，唔可以唔食早餐啦∼＝O＝

下午聽解堂好攪笑，老師淨係播帶俾我地聽，但又唔洗我地寫低聽左d乜，咁o既情況下，我同隔離個同學仔Pamela緊係聽到瞌晒眼訓，

好不容易等到打鐘，我地兩個即時醒晒執書包放學，點知阿Joy同我地講打錯落堂鐘，我望下手錶，原來果時只係上左２０分鐘堂，

我地兩個仲傻更更以為上左５０分鐘，可想言之係幾咁悶呢　早知道呢堂選修科咁悶就轉班啦，仲要個個星期測驗，好後悔呀！！

開左學差唔多一個月，又係時候調位！！永井老師用畫鬼腳方式，結果我坐最後面！！次次抽位我都坐最後，真係天意∼∼

而家右邊係文同學，前面係旭同學，有唔明問佢地都嘥氣，哈哈∼∼　好彩左邊係姚同學，我諗佢成績比較好，嘻嘻

我日日都有食飯同零食，不過唔係餐餐都影低食過乜，只係間唔中影下∼

　Celine响台灣寄俾我地o既，唔明白點解肉乾可以入到境＠＠

　其他糖全部都係圓形，特別有一粒係心形，好可愛呀 ^O^ 呢隻糖好香好好味，大家都試下！

　上星期日有人請我食早餐，兩款麵包都好味，多謝！！

　上星期日的晚餐，炒菜／意粉／蟹柳芝士奄列

　炸蝦三文治，比普通三文治貴少少，但都值o既∼！

上星期四o既晚餐，豆腐辣到抽筋，得春卷比較好味∼

　上星期五o既晚餐，又係唔啱我食＝＝

　星期一o既晚餐，訓醒晏覺黑氣盡去好運返來，係我最鍾意食o既雞∼嘻嘻^^