１月１０日，星期一
呵呵，又放假唔洗返學！！今日係＜成人之日＞，今年足二十歲o既年青人會扮到好靚仔靚女，一齊聚集响神社∼
 相片來源：阿水facebook
成人式個式字下面果個就係阿水啦！！佢今年二十歲，所以都有參加到成人式呢∼∼
 成人式與我同高同學無關，所以我地去左USJ玩
真係講出黎都冇人信，佢黎左日本咁耐竟然第一次黎，我已經第五次黎啦！！佢今次買左年票，我諗佢以後會成日黎。
 上次黎係萬聖節，今次黎Snoopy已經換左聖誕服裝！！
 薑餅人跳舞，好可愛！  小丑有保護色
 蟹肉PIZZA，好味道！
由於天氣太凍，所以我地淨係玩左室內o既遊戲！玩到4點幾就走人去天王寺食飯，6:30pm就食完晚餐返歸，勁早！！
１月１１日，星期二
生病了。。。。。。。肯定係去USJ玩著唔夠衫所以冷親！！
天氣超凍，天氣報告仲話奈良會落雪，嚇到我即刻拎件超長羽絨出黎著。真係超長，長過膝頭嫁∼
放學返到黎即刻食藥訓覺，完全處於昏迷狀態，訓到10點幾先食飯，食完飯又繼續訓 病人要休息多d ma！！
１月１２日，星期三
朝早真係有諗過唔返學，不過旭同學份功課响我到，廢事攪到佢欠功課啦，所以最後都係有返學，我真係一個乖學生∼∼
新學期又有新o既選修科上，今日上o既係＜地域交流＞，又係奧村老師教＝＝＂ 點都逃唔過佢o既五指山
呢一科聽落幾好玩！！每兩個星期會去小學同小五生交流一次，下個星期三第一次去，主要係同d小學生介紹自己o既國家。
好緊張呀！！驚佢地聽唔明我d日文，又怕佢地覺得我講d野悶冇反應。點算好？！同佢地介紹香港o既乜野好？大家俾下意見
 
食藥攪到口淡淡，一於買個puff刺激下味覺先！！期間限定草莓味 酸酸地好開胃！！
 病人係咪應該戒口呢？！定係要以毒攻毒？！唔理咁多，照食！！
１月１３日，星期四
今日o既選修科係＜日本料理＞，呢一科真係好受歡迎，差唔多個個女仔都揀，要每一日開兩班先攪得掂∼
今堂未煮野食住，只係講解，下個星期正式有得煮，好期待呀 ^^ 我地會整：飯團，煎甜蛋卷，味噌湯，大根漬物
全部都係第一次整，如果成功的話，返到黎香港整俾大家食（又係呢句？！大阪燒同蛋糕都未整wor... ）
味噌湯其中一樣材料：小魚∼ 由於放埋魚頭同內臟去煲的話湯會變苦，所以我地用人手＜meet＞走晒，攪到手指公同食指超腥
 魚頭／內臟  魚肉
宿舍附近開左間章魚小丸子店，今日買左黎試！明明300YEN得六粒，但佢竟然俾左七粒我，唔通因為我靚女？！哈哈
夜晚Susie黎左我房傾計，一邊食野一邊吹水真好！！Susie三月就返台灣啦，好唔捨得＞＜
１月１４日，星期五
最近收到好多手信，YEAH！！！^^ 因為大家聖誕假都返左自己國家或者去旅行玩∼
左起：高同學o既鳳梨酥 ／ Rocker o既黑糖馬仔，太陽餅 ／ Susie o既北海道白之戀人朱古力餅
Leslie o既北海道哈密瓜朱古力及馬來西亞白咖啡
 高同學o既芋頭酥同栗子燒
傷風好返晒啦∼∼不過今日又頭痛，唔通又作病？！好彩訓醒晏覺之後冇再痛！！大家都要小心身體唔好冷病∼
|
未夠6:00AM就要起身，一睇我地個樣就知大家都未訓醒
Hilda Mama一坐落就＜喉＞住油炸鬼，不過油炸鬼係等到最後先食嫁！
畯畯，你唔食蘿白就唔好學人食蘿白糕啦！！揀晒d蘿白出黎，睇見就想發火∼
乜呢舊咁似小雲最鍾意o既............
有蝦，魚，蜆
雞，牛，丸，菜
睇返姑姐寫先知，原來呢舊野投資左３５０萬人民幣？！
希望過多幾年我個樣仲係咁後生！！
打開衣櫃，推開衣架，行入衣櫃......
穿過衣櫃，竟然可以行到入廁所，好好玩呀！！哈哈∼
呢個蛋糕，轉個頭就唔見左個聖誕老人，但個蛋糕冇人食過嫁wor！！
嘩！！！董事長∼∼係咪真係咁好味呀？！？！
一睇就知佢地係兩兄弟，大家都食火雞脾！！
放心放心，兩個都攞正牌同靚女影相。
聖誕老人派禮物呀！！連姑姐呢個大朋友都去拎埋一份∼
打！打！打！ 邊個唔乖就俾Hilda Mama打！！
哈哈，笑死我∼
Ponchi Papa俾Hilda Mama打到口腫鼻腫？！
細到好似手指甲咁細都可以打，佩服∼
睇下大家幾認真！！
冇得打真麻雀，唯有玩麻雀啤牌！！邊個發明呢樣野嫁＝＝＂
姑姐，唔好以為背住鏡頭就冇人認得你wor！！
