！！∼∼新年快樂∼∼！！
遲左幾日先同大家講，真係唔好意思。
因為日日都掛住飲飲食食，冇時間打日記＞＜
２０１１年大家要繼續努力！！ 邊方面努力？？
咪就係打日記同留言兩方面law，哈哈
１２月３１日，星期五（後半部）
夜晚約左Edward同泰泰去銘銘屋企打麻雀兼倒數，其實唔止四個人，仲有銘銘o既朋友：阿榮同Ben
 銘銘屋企有埋卡拉OK，Edward即時獻唱一曲俾我地聽！
 
我地超白痴！！諗住落去PIZZA HUT到堂食，點知冇位唯有叫外賣，咁多人一齊去叫外賣係第一個白痴！之後發現外賣自取平d，
佢地又決定外賣自取，但要等１小時，所以成班人上返銘銘屋企等，１小時之後再搵人落去拎，真係好白痴，哈哈∼
銘銘輸麻雀就屈我地出千，仲話以下呢d相係證據：
 摸鼻孔，即係要筒子！！  整起三隻手指，即係要三萬！！
 手指橫放，即係要一索！！ （哈哈，以上全部都係銘銘作出黎嫁∼∼∼）
玩到差唔多2:00AM我同Edward就走先，因為我地兩個都食左藥好眼訓，通唔到頂！！3:00AM返到屋企涼都唔沖即刻訓覺
１月１日，星期六
訓醒覺已經係2:30PM o既事，連高同學都問我：＜你屋企人有冇覺得你係暈左而唔係訓緊覺？？＞ 訓十幾小時都唔係好過份啫！！
食埋下午茶就入深井。嘩∼∼大姑媽個天台整得好靚呀！！落雨燒野食都冇問題！！不過璇璇間房冬天真係凍左d。
超罕有∼∼連Hilda Mama，大姑媽，二姑媽都一齊玩＜七級豬＞，不過大姑媽同二姑媽好攪笑，齊晒４隻牌之後會嗌出聲，
就係咁俾左好大提示我地 最後係大姑媽做左＜七級豬＞！！
 豉油蝦，唔知點解，我夾果隻蝦好大隻，哈哈∼
 薑蔥蠔，好味道！生蠔我就唔食，熟o既就食！！
 羊腩煲，我要投訴呀∼∼點解入面冇冬菇同筍？！
晚飯過後，响大姑媽o既腐竹雞蛋糖水引誘下，大家都留低。就係咁，我墮入左一個圈套：食水勁深o既麻雀檔＞O＜
輸左差唔多１００蚊，好彩Hilda Mama同Ponchi Papa响隔離枱贏左少少，再津貼俾我，我先唔洗輸咁多咋
１月２日，星期日
估唔到今次返香港有機會同＜哎吔阿嫲＞飲茶，＜哎吔阿嫲＞即係四姨丈o既媽媽，由我BB仔開始睇住我大嫁∼∼
飲完茶同帥軒，Javy，Koeman返屋企打麻雀，我同Javy贏錢，帥軒同Koeman即時話我地出千，哈哈，又俾人話我出千＝＝＂
最後帥軒冇俾錢，Koeman就請我地搭的士！要開始入定貨拎返日本，响家華哥哥舖頭買左印尼撈麵同糖果
１月３日，星期一
 朝早約左爸爸o既同事飲茶，呢三個係消防員，救護員，消防員。
之後去左銀行兌YEN，嘩！！今日d YEN又升到上去 9.6 YEN持續高企，睇黎我返到日本之後要搵返份part time做∼
Ponchi Papa去Mega Box睇褸，順便可以探下LOW B，可惜LOW B冇得收早，因為夜晚我地約左所長一家去＜鳳城＞食蟹拑
 蝦多士  炸子雞
 生菜鵪鶉，食法：用生菜包住d肉
 呢個。。。。我唔記得左叫乜名，有冇人可以提下我？！
  炸蟹拑，超大隻∼
  大班兩味
 肉餅煲仔飯，一次過滿足晒我兩個願望！
 南瓜西米露！ 仲有飲左個雪耳木瓜湯，唔記得左影相！
呢餐好豐富好好味！不過唯一失敗之處係冇叫到＜鳳城炸粉果＞，下次再食過！！！！
 所長送俾我o既禮物^^
所長好勁呀！！竟然抽中左鴨仔，多謝所長 Ponchi Papa，Hilda Mama，帥軒，去多d 7仔買野，幫所長換隻KITTY返黎∼∼
|
好味！
好好味！
仲有鮑魚仔tim呀！！係咪好豐富呢？！
有生蠔，長腳蟹，蝦，仲有青口tim∼ 
魚生一般∼
我冇幫襯熟食同沙律，呢張相係Hilda Mama o既∼ d熟食真係一d都唔吸引！！
第一次食自助餐係覺得d蛋糕好味！！特別推介：芒果拿破倫
梳乎里同豆腐花都唔錯！！
哈根達斯雪糕，有士多啤梨，朱古力，曲奇味道。我食左三杯，哈哈∼
小強同羚羊，哈∼ 
佢而家响九巴做，套制服好＜型＞！
雖然人少少，但食勁多野！
蟹粉小籠包 
窩貼煎得好脆
雲吞雞窩 
什菜煲
賽螃蟹 
羊肉
紅燒獅子頭 
上海炒年糕
食飽行左陣，去＜肥媽甜品＞食左個唔好味o既芋頭西米露
嘩∼∼超豐富！！！
M記薯餅真係好好味呀！！又熱又脆！！自己真係整唔到。
佢兩個影相多過打波∼
世紀大戰（父子 vs 兄妹）
兩個勁人單挑∼
打到氣喘要運功＠o＠
帥軒支球拍甩色，變左阿凡達
ｄ野食同尋日差唔多...
家華哥哥都黎左∼
髮型師個look...响街見到完全估唔到佢係髮型師！
剪短左好多呀！！
Hilda Mama要指定髮型師，所以等得特別耐∼