最近發生左件小意外，攪到我冇晒心機打日記！！

我將高同學部相機o既記憶卡，＜卡＞住左响電腦入面呀！！　原來我部電腦唔啱插佢張記憶卡嫁∼

插左入去之後覺得有d唔對路，想拎返出黎啦，點知越攪越衰，越推越入，而家成張卡＜卡＞住左响入面＝＝＂

張卡有我星期二去京都睇紅葉o既相，影左冇得睇好慘呀！！冇得post相攪到我冇晒心機打睇紅葉篇日記！！

試過晒好多辦法都拎唔到張卡出黎，唯有拎去俾人整！！尋日去宿舍對面間電器舖問，竟然要 6,000YEN以上，

最離譜係要整兩個星期　拎張卡出黎啫，洗唔洗咁耐呀∼　而且兩星期冇電腦用，我真係會死嫁！！！

今日去左學校附近間電器舖問，間舖入面有埋維修部o既，個職員話 500YEN，重點係5分鐘就攪掂∼

唔知佢係咪吹水啦！！　聽日放學拎部腦去試下，希望攪得掂，好想俾大家睇下紅葉o既相∼

　永井老師帶左屋企種o既柿俾我地食，仲幫我地切埋，好好人！！d柿好甜好好味！！

今日去左一個叫＜平野＞o既地方，由學校搭JR去只需搭兩個站！由於個站係响學校同宿舍中間，所以出閘唔洗補錢嫁∼

超鍾意平野，一出車站行5分鐘就有間超大型超市，d野唔算好貴而且又多款wor！隔離仲有間大型家居用品店，超方便！

响呢到真係可以行半日，好想拉個喼黎呢到入貨呀！！！！而且附近又有保齡球館，哈哈，好想搬黎平野住

　難得！！！晚餐好啱我胃口，嘻嘻，食左好多∼∼

１１月２１日，星期日

今日高同學去買野，要我做阿四幫手拎野＞O＜　d野都幾重嫁，好彩唔洗行好多路，因為去同返都搭的士，去到門口落車，嘻嘻∼

高同學買左張枱，其實我都好想買嫁！！並唔係普通o既枱，係坐响地下然後伸對腳入去，有暖爐响入面果d，冬天真係超正！！

加晒所有野都只係七千幾YEN，係咪諗得過呢？！不過我都唔多招呼朋友，枱冇乜用，好似買部電視實際d，哈哈！！

１１月２２日，星期一

上上個星期一，因為車飛問題所以遲到！！上個星期一，因為Susie唔舒服所以遲到！！今日，因為唔知醒所以遲到！！

已經連續３個星期一遲到　返學最遲8:20am出門口，我就訓到8:20am先醒，唔洗諗一定遲到，諗住第二堂（10:00am開始）先返去，

見有時間咪訓多陣law，點知一訓就訓到9:30am，哈哈，最終第三堂先返到去！哎吔∼遲到都算啦，最樣衰係俾靚仔職員見到我遲到，

**注意：靚仔職員其實叫町田先生，佢係事務所o既職員，負責幫中國留學生，所以識得講國語嫁**

佢仲對住我笑tim，唔通係笑我懶訓　講起町田先生，有日Susie同我講，叫我鬧下Leslie，因為Leslie倒瀉野飲要町田先生幫佢拖地！

真係超過份呀！！點可以叫町田先生拖地嫁！！學校有校工嫁ma，就算搵唔到校工，Leslie都應該自己拖返，鬼叫佢咁唔小心！

今日雖然落雨，但我d衫儲左太多日，再唔洗就冇衫著，唯有洗完掛响房開冷氣吹乾佢啦∼洗衫途中諗住瞌一陣，一訓就訓左兩個鐘，

d衫洗好放响洗衣機入面兩個鐘會有味，所以又開機洗多次，洗一次衫要用幾個鐘時間，哈哈＝＝＂

聽日係＜勤勞感謝之日＞放假一天，約左去京都玩，不過天未光5點幾就要起身，仲早過返學，救命呀∼∼∼∼∼∼∼∼

過去呢三日.........

天氣好凍，淨係得今日知醒落去食早餐，食左好多野，因為要補食返成個星期o既早餐，哈哈∼

發現食堂多左朱古力醬＜查＞麵包，好興奮！不過高同學一句：＜上個星期開始已經有！＞　俾人踢爆我好耐冇食早餐

第一次學人飲奶茶！！仲要一日內飲左好多

　個個都話好淡，不過我覺得好甜，可能我唔知好味o既奶茶係咩野味道啦∼

後來又有珍珠奶茶飲，不過奶茶係同學買紅茶加鮮奶溝出黎，完全冇味！珍珠又超甜，勁唔match＝＝"""

終於知道星期二個測驗o既成績，出奇地.......................哈哈∼

睇左＜志明與春嬌＞，楊千嬅同余文樂主演，都唔係大家講到咁好睇啫！

仲睇左＜打擂台＞，之前d演員上＜兄弟幫＞宣傳套戲講到好好睇咁，原來呃人o既！

發左好多奇怪o既夢！！有開心o既夢，有恐怖o既夢，真係嚇到醒左＞O＜

有日夢見苗喬偉，三哥太型仔，真係唔想醒！今日開始睇＜刑警＞，完全係因為三哥同梁烈唯先睇嫁咋∼

有日夢見Javy，去佢舖頭做part time，但又唔可以俾人知道我地係兩老表，要扮唔識，哈哈，超白痴！！

至於恐怖o既夢，夢見訓訓下覺張被上面有條青色o既蛇，嚇到成個人彈起！！蛇已經恐怖嫁啦，仲要係咁近我，差d嚇死！

發現有幾個人經常背後講人是非，响到亂傳謠言。低能！！無聊！！幼稚！！一見到佢地就想發火∼

不過我明白有人o既地方就一定有是非，算啦，無謂為左呢d人發火！把口生响人地到，佢地鍾意講乜我控制唔到∼