１２月５日，星期日

又到左考日語能力試o既日子，上次考N3俾我僥倖合格左，今次我冇膽報考N2呀！聽同學講，N2有一百七十幾個文法要讀，

而家學校o既課程只係教左十幾個文法＠＠　不過有d同學仔好勤力，自己煲晒d精讀書，完全係為左考試短時間背晒入腦。

反正我仲有一年時間，所以出年先考！嘻嘻，雖然我冇份去考，但我個靈魂有陪大家去考試嫁！希望大家合格啦∼

１２月６日，星期一

終於見識到咩野係能力試後遺症！！！！今日2E班有6個人冇返學，我諗佢地有１０％係病左，９０％走左去玩，哈哈∼∼

我地班都未算勁，聽講３Ａ班得４個同學返學，肯定激死個老師∼∼　午餐同Susie，Leslie，高同學去食烏冬，好好味呀！！

食飯時佢地講左樣好噁心o既野，攪到我冇晒胃口！！佢地話著和服返學果個奇怪台灣人，夜晚食飯時，會一路＜筆＞飯一路咳，

仲要係唔拎側面，正接咳落d飯到，超恐怖！！！　平時我夜食飯，我諗有佢口水d飯都俾其他人＜筆＞晒，諗起都想嘔

　朱古力蛋糕，超級朱古力，正！

呵呵∼∼∼∼今日真係超幸福　有１２小時充足睡眠，即時覺得對黑眼圈細左好多，人都靚d，哈哈

食左個超級豪華o既午餐，點解我會咁捨得？！嘻嘻∼∼我都唔知！！間唔中放肆一餐啫，唔好怪我！！！

　哈哈，我個樣係咪超級幸福呢？！

　全部都係炸炸炸∼∼∼∼我鍾意！！

炸得超鬆脆，連d菜都特別新鮮！我黎日本之前同帥軒，Javy，家華哥哥食過一餐類似o既，唔知係咪同一間餐廳呢？！

雖然好好味，但食完之後飽左幾小時＠＠＂差d連晚飯都食唔落，哈哈∼∼

自從Susie開始返part time後，好耐都冇試過放學一齊走。今日佢唔洗返工，可以同埋我，Joan，Rocker一齊返歸，超難得！！

去到車站，發現全部電車都延遲，仲要唔係延遲幾分鐘，係延遲１５分鐘！！　延遲o既原因竟然係：強風＝＝＂

太大風所以電車要開慢d？！但係都唔洗慢成咁掛？！後來越等越唔對路，快速車由延遲１５分鐘變到延遲２５分鐘，

都唔知佢會唔會再延遲，等左好耐終於有架普通車到站，我地唔理咁多照上，响車上面都好過企响月台食風ma！！

Joan同Rocker諗住去到久寶寺站換快速車，但我同Susie都覺得唔知等到幾時先有快速車，分分鐘搭普通車仲快返到王寺站∼

我地話不如問下個司機，係唔係普通車開先，唔洗等快速車開先。哈哈，我地行到去車頭就聽到廣播話普通列車即將開出，

我同Susie即刻跳上車，揮手叫Joan同Rocker上車佢地又冇反應，結果睇住我地兩個搭普通車走！哈哈∼∼

上車之後我同Susie好緊張，如果真係俾佢地快過我地到會好樣衰嫁ma，每停一個站我地就望實出面睇下有冇快速車過，

一閂門開車就鬆一口氣，結果..............我地兩個先返到王寺！！YEAH∼∼∼贏左！！唔知佢地佢點鐘先返到呢？嘻嘻

今日做左一樣好耐冇做過o既野 - 浸浴！呢排天氣咁凍，浸浴真係超正！下星期香港開始凍，大家都試下浸浴啦∼∼