１２月１３日，星期一

嘻嘻，我今日好乖呀！！明明下午先考試，我10:00AM就起身溫書啦∼（其實係我前一晚未溫晒書就走左去訓覺，哈∼）

我覺得今次個考試比上一次難，上次因為口試衰左攪到過唔到１００分，希望今次過到１００分啦！（滿分為３００分）

寮長好攪笑呀！！寮長以為我地考試滿分係１００分，佢話如果我地考唔到１００分就冇晚餐食！！哈哈，好彩滿分係３００分！！

考完試同Joan去左心齋橋行街買野，行到差唔多8:00PM先返宿舍食晚飯！溫書要用腦力，行路要用腳骨力，所以今日超攰∼

１２月１４日，星期二

正式開始放寒假啦！！難得唔洗返學，竟然7點幾就走落去食早餐，比要返學o既Kaku還要早，哈哈，真係太陽由西邊升起！！

食完早餐又係訓覺時候，訓醒就去M記食午餐，唔明白點解M記同Mos Burger價錢差唔多！！好彩呢間M記o既食物整得唔差∼

之後陪高同學去買野，真係好怕陪人去買野，因為我冇乜主見，最怕人叫我俾意見∼不過我好樂意陪人行街！！

１２月１０日，星期五

話咁快秋季學期又完左，又唔洗返學，呵呵，YEAH！！！

平時食大阪燒通常都响出面餐廳食，原來自己整都好方便嫁∼∼而且味道仲一樣咁好味tim！！

整法好簡單！！响超市買一包做大阪燒o既材料，入面有齊晒所需要o既粉，仲唔洗自己量份量！！另外要準備椰菜，雞蛋。

今次我放左蝦落去，總之將d材料撈埋一堆，煎熟加埋d醬就食得，係咪好方便呢？！哈哈∼∼啱晒我呢d懶人！！

１２月１１日，星期六

一早起身落去食堂食早餐，之後急不及待睇＜刑警＞大結局，又睇完一套劇，覺得好空虛tim＞＜

繼Yvonne之後，Rocker又開始中＜刑警＞毒，一日煲１４集，仲勁過我　大家一致覺得三哥好型仔！！

１２月１２日，星期日

今日我＜升呢＞做老師，教Joan同Rocker整蛋糕！佢地話我上次整o既蛋糕好味道，所以叫我教佢地整∼嘻嘻，又有蛋糕食^3^

午餐食芝士火窩，我地响超市買左一兜仔芝士用黎點麵包同薯仔，芝士味超濃！好好味！由於我地太懶，所以冇加到其同配料，哈∼

　早幾日Susie請我食朱古力窩夫，今日又請我食冬甩，多謝∼

不過我今日o既早餐同下午茶都係食冬甩，雖然好味，但一日食三個好似好過份咁，所以呢個留返聽日先食^O^

呢三日過得好悠閒，不過呢.....................其實呢......................我.....................聽日要考試！！！哈哈∼要開始溫書啦................BYE

１２月７日，星期二

　Susie請o既朱古力窩夫，好味道！

Susie上午走堂，佢明明sms俾我話下午一定返學，點知最後都係敵唔過張床，全日都唔見佢蹤影，哈哈哈∼∼

不過佢好擔心出席率問題，專登打黎叫我睇下佢係咪最低！放心∼∼我地班有文同學墊底，出席率一定唔係會最低

１２月８日，星期三

坂詰老師派返上星期o既測驗卷，好彩我加下d分數咋，原來計少左我６分呀！！我偷睇到老師張分紙，全班得兩個８字頭，

我係其中一個呢，嘻嘻^^　本來我可以再高分d嫁，有條３分o既題目，我識做嫁，但考試時＜鬼遮眼＞完全睇唔到，

後來我同班長，旭同學講起呢件事，佢地兩個先發現自己都冇做到，哈哈∼　大家一齊＜鬼遮眼＞嗎？？？

放學同Joan，Rocker，高同學去平野行超市，我又行到唔捨得走，下次真係要拉個喼黎入貨！！！！

１２月９日，星期四

今日天氣真係好反常！！出門口時超大風雨，Kaku竟然用縮骨遮＠＠　我把直遮都差d頂唔順，佢緊係吹到翻遮啦，哈哈∼∼

去到天王寺竟然出太陽＝＝＂＂個天一邊藍天白雲有太陽，一邊烏雲密佈，即係點？！把遮濕左就行過另一邊曬返乾佢？！

　YEAH∼∼朝早唔洗上堂去參觀，＜大阪古今博物館＞，入面介紹以前日本人o既生活

 　Susie話佢小學都係用呢種枱

　話說導遊小姐介紹緊呢樣野時，我响第二邊影緊相......

導遊小姐：＜呢ｄ係古代o既畫，等於現今o既poster！！＞

永井老師：＜古代o既畫通常係畫出名o既人，就係似現今o既SMAP，kinki kids等等！＞

Susie：＜呀∼∼冇NEWS，難怪MM去第二邊影相，唔過黎睇呢d poster啦！！＞（眾人爆笑...）

哈哈，以上係真實對話∼

　呢個係雪櫃黎嫁！不過唔係插電，而係放冰响上面果隔，咁個雪櫃先會凍∼

　我同Ponchi Papa　 　帥軒同Hilda Mama

　呢間舖個名好有意思！睇唔睇到頭三個日文字加埋可以變做咩野漢字呢？？

答案係＜空ス＞，意思係將身體入面唔好o既野清空！！呢間舖係買藥嫁，仲有個疑似百子櫃放藥tim！！

黃昏去左宿舍附近o既河堤散步，風景唔錯，的確係個好地方！！不過今日實在太凍啦，暖返d會更好！＞＜